Иқтисодий зулм
Иқтисодий зулм
بسم الله الرحمن الرحيم
Бугун Ўзбекистон ҳукумати бошқарувда демократик тузумни, иқтисодда эса капиталистик иқтисод низомини татбиқ қилиш билан мусулмон халқига ҳар соҳада зулм қилмоқда. Мана бу зулмлардан бири халқимиз ҳар лаҳзада ҳис қилиб турган иқтисодий зулмдир. Ахлоқсизлик, исрофгарчилик ва дабдаба қамраб олган ҳамда халқнинг ўзини ўзи иш билан таъминлаб, оғир меҳнати эвазига топаётган даромадини энидан ҳам, бўйидан ҳам назорат қилиб, солиққа тортишга уринаётган ҳукумат ва унинг гумашталари ҳисобга олинмаса, халқимиз қашшоқликда кун кўрмоқда.
Якка шахс тадбиркорлигини йўққа чиқариш ва солиқ турларини кўпайтириш халқимизни қашшоқлаштиришга қаратилган чоралардан ҳисобланади. 2026 йил 1 январдан бошлаб ўзини ўзи банд қилган шахслар шуғулланиши мумкин бўлган фаолият турлари 104 тадан 72 тага қисқаради. Солиқ қўмитаси раиси ўринбосари Мубин Мирзаев буни: “Рўйхатни қайта кўриб чиқишда бу иш билан шахснинг якка ўзи шуғуллана оладими-йўқми, деган мезондан келиб чиқилди. Рўйхатни қисқартиришдан мақсад, тадбиркорларни ноқонуний йўлга кирмаслигини таъминлаш”, – деб изоҳлади. Кўриниб турибдики, тадбиркорлар “ёмон йўлга кириб кетмаслиги учун“ деган баҳона билан шахснинг якка ўзи шуғуллана оладиган ишларни бекор қилмоқчи. Чунки, масалан, репетиторлик якка шахс шуғулланиши мумкин бўлган иш бўлса-да, ўзини ўзи банд қилган шахслар шуғулланиши мумкин бўлган фаолият рўйхатидан чиқарилган. Ваҳоланки, Мубин Мирзаев “рўйхатни қисқартириш шахснинг якка ўзи шуғуллана оладими-йўқми, деган мезондан келиб чиқди” деган эди. Шунингдек, солиқнинг даромад солиғи, қўшимча қиймат солиғи, ер солиғи, фойда солиғи, мулк солиғи, экологик солиқ ва ҳоказо. турларининг кўпайиши одамларни тўловга яроқсиз қилиб қўймоқда. Ижтимоий тармоқларда “Ўзбекистон – Солиғистон” деган фикрларнинг пайдо бўлиши ҳам бежиз эмас. Якка тартибдаги иш фаолиятини бўғиш ва солиқларни кўпайтириш натижасида ишсизлик ва қашшоқлик халқимизни тобора домига тортиб кетяпти. “Солиқлар ҳисобига жамият ривожланяпти, деган қарашни халқимизга сингдиришимиз керак”, “Солиқлар юрт таянчи”, “Солиқ тўлаш маданиятини аввало оиладан бошлашимиз керак” дея минбардан туриб гапираётганлар халқнинг устидан кулаётганини билмасмикин?!
Расмий маълумотларда, муайян вақтда истеъмол қилинадиган маҳсулотлар тури ва тўпламининг оила ёки жон бошига ҳисобланган миқдорини белгилаб берадиган “истеъмол саватчаси” бўйича Ўзбекистонда 2025 йил учун ҳисобланган минимал истеъмол харажатлари қиймати бир ойда киши бошига 669 минг сўмни ташкил этади, дейилади. Аҳолини ҳаётий эҳтиёжлари учун харажатларни камайтиришга қаратилган бундай минималлаштириш сиёсати нима учун?! Халқимизни ҳукуматнинг иқтисодий зулмларига рози қилиш учунми?! Яна бир жиҳати, айнан мана шу қашшоқлаштириш сиёсати туфайли яширин иқтисод пайдо бўлди. Жамиятда эса, ўғирлик, ўзганинг мулкини ўзлаштириш, фирибгарлик каби иллатлар авж олди. Демакки, бугунги кунда ҳукуматнинг яширин иқтисодга барҳам бериш, қашшоқликка қарши курашиш, аҳолини иш билан таъминлаш, тадбиркорликни ривожлантириш ва халқнинг турмуш даражасини кўтариш ҳақидаги баландпарвоз гаплари зулмкор сиёсатининг ҳақиқатини яшириб, халқни алдашдан ўзга нарса эмас. Ўзбекистондаги мусулмон халқига қилинаётган иқтисодий зулм шу билан чекланиб қолгани йўқ. Ўзбек режими мустамлакачи давлатлардан фақат ўша давлатларнинг манфаати шарти билан судхўрлик асосидаги қарзларни олишда давом этмоқда. Бу эса, юртимиз иқтисоди фақат мустамлакачи кофир манфаатига хизмат қиладиган бўлиб қолишига олиб келди. Қолаверса, муомаладаги “сўм” миллий валютасини долларга боғлиқ қилиб, инфляциянинг муқаррарлигини таъминлади. Шунинг учун ҳам, инфляцияни камайтириш ва ташқи қарзларнинг ортишига нисбатан захирадаги олтинни долларга айирбошлаш мақсадида Ўзбекистон Марказий банки феврал ойида 12 тонна олтин сотиб, олтин сотиш бўйича дунёда етакчи бўлди. Бу ҳақда Жаҳон олтин кенгаши хабар берди.
Шу ўринда биз иқтисодий тузум билан иқтисодий илм ўртасидаги ҳамда давлат қашшоқлиги билан шахсларнинг қашшоқлиги ўртасидаги фарқни ажратиб олишимиз керак. Иқтисодий тузум икки нарсада, биринчиси – давлат инсонларнинг муаммоларини ҳал қилиш учун халқдан бойликни қандай йиғиб олишида, иккинчиси – давлат шу бойликни халқ ўртасида қандай тақсимлашида кўринади. Иқтисодий илм эса, бундан бутунлай фарқ қилади, чунки у фақат бойликни кўпайтиришга боғлиқ бўлиб, бойликни қандай йиғиб олиш ва уни қандай тақсимлашга алоқаси йўқ. Ўзбекистон ҳукумати ва унга татбиқ қилиш учун тузумни белгилаб бераётган мустамлакачи давлат иқтисод соҳасидаги муаммони иқтисодий тузумда эмас, балки иқтисодий илмда деб қарайди. Шу сабабли муаммони ҳал қилиш учун завод, фабрика ва фермер хўжаликлари каби ишлаб чиқариш корхоналарини барпо қилиш, мустамлакачи давлатлар билан савдо шартномаларини тузиш, инвестиция киритиш билан шуғулланади. Натижада, ҳақиқий муаммо келиб чиқди, яъни давлат бойиб, халқ қашшоқлашди. Аслида, муаммо иқтисодий илмда эмас, балки иқтисодий тузумда эди, яъни давлат халқдан бойликни нотўғри йиғиб, уни халққа нотўғри тақсимлашида эди. Агар муаммони шундай тўғри кўриб, бойликни йиғиб ва тақсимлашни тўғри қилганида эди, халқ қашшоқлашмаган, балки зарурий ва камолий эҳтиёжларини бемалол таъминлай оладиган даражада бойиган бўлар эди. Лекин Ўзбекистон ҳукумати қўлидаги бойликни кўпайтириш билан овора. Нафақат бу, балки бойликни ўзи хоҳлаганча ва хоҳлагандай тасарруф қиляптики, буни халқимиздан яширади. Золим Каримов қизи Гулнора Каримова қўлидаги бойликлар ва бугунги Мирзиёевнинг яқинлари тасарруфидаги бойликлар бунга ёрқин далилдир. Кўнгилочар масканлар, стадион, сузиш ҳавзалари, ҳашаматли саройлар, автомобиллар ва ҳоказо. –буларнинг барчаси қашшоқлаштириш сиёсатининг ортида яширинган ҳақиқат, яъни халқимизнинг пулларини исроф қилиб, ресурсларини талон-торож қилишдир. Бу иқтисодий зулмдан халос бўлишнинг ягона йўли, бойликни қайси ўриндан йиғиб олиш ва қайси ўринга тақсимлашни адолатли белгилаб берган Аллоҳ субҳанаҳунинг қонунларидан иборат Исломдаги иқтисод низомини ҳаётимизга татбиқ қиладиган Рошид Халифалик давлатини қайта тиклашдир. Зеро, бу Давлатнинг муқаррар тикланажаги ҳақида Аллоҳ субҳанаҳунинг ҳақ ваъдаси бор. У Зот айтади:
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا ۚ يَعْبُدُونَنِي لَا يُشْرِكُونَ بِي شَيْئًا ۚ وَمَن كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ
– “Аллоҳ сизлардан иймон келтириб, солиҳ амалларни қилганларга уларни ер юзида худди улардан олдин ўтганларни халифа қилганидек халифа қилишни, улар учун Ўзи рози бўлган динни мустаҳкамлашни ва уларнинг хавф-хатарларидан сўнг омонликни бадал қилиб беришни ваъда қилди. Менгагина ибодат қилурлар ва Менга ҳеч нарсани ширк келтирмаслар. Шундан кейин ҳам ким куфр келтирса, бас, ана ўшалар ўзлари фосиқлардир”. (Нур:55)
Ҳизб ут-Таҳрир Ўзбекистон Матбуот бўлими аъзоси Иззатуллоҳ
13.04.2025й
