بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Ислом бошқаруви тугатилиши билан олий қадриятлар ҳам дунёдан йўқ бўлди

Ҳижрий 1438 йил 7 Рамазон, милодий 2017 йил 2 июнда Қудс-арабий сайти қуйидаги хабарни нашр қилди:

«АҚШ армиясининг жума куни чиқарган баёнотида айтилишича, Америка етакчилигидаги коалициянинг 2014 йилда бошлаган ҳужумларидан бери шу пайтга қадар Ироқ ва Сурияда Исломий Давлат ташкилотига қарши зарбалар натижасида энг камида 482 нафар оддий инсон ҳалок бўлди».

Роя газетаси шарҳи:

Росулуллоҳ САВ Ираклийни Исломга даъват қилиб, унга Ҳорис ибн Умайр Аздийни юборадилар. Ҳорисни йўлда Шураҳбил ибн Амр ўлдиради. Сўнг Росулуллоҳ САВ Дамашқ яқинида жойлашган Зоти Талҳа аҳолисини Исломга даъват қилиб, уларга вакилларни юборади. Улар ҳам барчалари – ўн беш киши –  ўлдирилади, фақат уларнинг раҳбари тирик қолади, холос. Шунда Набий САВ пистирмадаги душманларнинг мусулмонларга журъат қилишидан хавфсираб, Шом жанубидаги Мўътага уч минг қўшинни юборади ва уларни «хиёнат қилмасликка, ҳаддан ошмасликка, бирорта ҳам болани, аёлни, кексани ва черковларда зоҳидлик қилаётган кишини ўлдирмасликка, ҳеч қандай хурмо дарахтига яқинлашмасликка, бирорта дарахтни кесмасликка ва бирорта уйни бузмасликка» буюради.

Кейин Абу Бакр Сиддиқ РА Усома ибн Зайд РА қўшинини юбориб, у ҳам Усомага Росулуллоҳ САВнинг буйруқларини такрорлайди: «Хиёнат қилманглар, ҳаддан ошманглар, алдаманглар, мусла қилманглар, бирорта ҳам ёш болани, кексани ва аёлни ўлдирманглар, бирорта ҳам хурмо дарахтини кесманглар ва ёқманглар… бирорта ҳам мевали дарахтни кесманглар, бирорта ҳам қўйни, сигирни, туяни сўйманглар, фақат ейиш учун сўйинглар. Сизлар черковларда зоҳидлик қилаётган қавмни олдидан ўтасиз, бас, уларни зоҳидлигига қўйиб беринг. Сизларга идишларда ранг-баранг мевалар тақдим қилувчи қавмнинг олдидан ўтасиз, бас, ундан бисмиллаҳ, деб енглар…».

Ислом олиб келган ҳамда фуқароларга зиён етказмасликка буюрган ушбу олий қадриятларни, улуғ ахлоқ нормалари ва буюк маъноларни на бадбўй демократия ҳукмдорлари билсин ва на мусулмонлар танасига зулукдек ёпишиб олган рувайбизалар билсин. Демократик Ғарб ва унинг тобею жангарилари Ироқ, Афғонистон, Сурия каби исломий юртлардаги мусулмонларга қарши очган барча урушлари миллионлаб мусулмонни ҳижрат қилишга, қочқинга айланишга мажбур қилди, ўн минглаб қуролсиз эркаклар, қариялар, аёллар ва болаларнинг ўлимига олиб келди.

Буларнинг барчаси демократик Ғарбнинг Ислом ва мусулмонни ёмон кўриши сабабли бўлмоқда, ўзининг ифлос манфаатларини рўёбга чиқаришдан бошқа нарсани билмаслиги сабабли юз бермоқда. Шунингдек, буларнинг барчаси Умматга зулм қилаётган, фуқаро, юрт, муқаддас ерлар ва бойликларни зое кетказган рувайбизалар сабабли бўлмоқда. Чунки бу кимсалар ўз халқларини заррача қадрламасдан барчаларини бозорда қул қилиб сотишди, оддий қуролсиз мусулмонлар ва зиммийлар қонига заррача ачинишмади, шаҳидлар ва нобуд бўлганлар ахборот воситалари ва халқаро ташкилотларнинг шунчаки тарқатадиган хабарларига айланиб қолди…

Энди, кофир Ғарб димоғдорлигини, зулмини ва ифлос қадриятларини йўқ қилиш ҳамда анави рувайбиза ҳукмдорлардан қутулиш, мусулмонларга етказган азиятларини кетказиш, ўрнига олий қадриятларимизни ва Росулуллоҳ САВ мукаммал этишга буюрган буюк ахлоқларни қайта олиб келишга келсак, бу Ислом Умматини аввалги улуғлигига қайтариш билан бўлади. Мусулмонларни ва барча инсониятни капитализм зулми ва демократия бадбахтлигидан Ислом раҳматига,

وَمَا أَرْسَلْنَاكَ إِلَّا رَحْمَةً لِّلْعَالَمِينَ

«(Эй Муҳаммад) биз сизни барча оламларга фақат раҳмат қилиб юбордик»   [Анбиё 107]

ва шариат адолатига, улуғ қадриятлару олий сифатларига қайтара оладиган Пайғамбарлик минҳожи асосидаги иккинчи рошид Халифалик соясида амалга ошади.

Роя газетасининг 2017 йил 14 июн чоршанба кунги 134-сонидан