Ичингизда кофир ўрисни тийиб қўядиган бирорта мард одам йўқми?!

بِسْمِ اللهِ الرَّحْمٰنِ الرَّحِيمِ

Хабар: Россия пойтахти Москвадаги Мудофаа вазирлиги муассасаларидан бирида жорий йилнинг 8 июнь куни хавфсизлик кучлари мигрантларга қарши рейд ўтказди. Бу ҳақда “База” Telegram-канали хабар берди. Қайд этилишича, ОМОН ходимлари меҳнат муҳожирларининг ҳужжатларини текшириш учун Строгинодаги ётоқхонага борган. “База” хабарига кўра, хавфсизлик кучлари эркакларни хоналаридан ҳайдаб чиқарган, секин юрганларни эса “тепиш ва шапалоқ билан тезлаштирган”. (Qalampir.uz, 09.06.2025й)

Изоҳ: Мазкур рейддан олинган видеотасвирда тиш-тирноғигача қуролланган Россия хавфсизлик ходимлари меҳнат муҳожирлари истиқомат қиладиган ётоқхонага бостириб киргани акс этган. Улар муҳожирларни, худди ҳайвонга муомала қилгандек, оғзига келган таҳқирловчи сўзлар билан сўкиб, уриб-тепиб хоналаридан ҳайдаб чиқаришди. Ходимлардан бири муҳожирларни “маймун” деб ҳақорат қилди. Аллоҳнинг лаънатига дучор бўлгур ўрис режими фақат Марказий Осиёдан келган мусулмонларга мана шундай безбетларча, ўта менсимай муомала қиляпти. Ҳолбуки, улар томонидан бошқа миллатларга бундай муомалани кўрмайсиз. Бундан аввал муҳожирлар йиғиладиган жамоат ҳаммомида ҳам шунга ўхшаш шафқатсиз рейд ўтказганди. Унда хавфсизлик ходимлари муҳожирларни ерга ётишга мажбурлаб, устиларига чиқиб тепиб ташлашганди. Яқинда эса патент олиш учун улкан навбат туфайли тиқилинчда қолиб кетган камида бир нафар муҳожирнинг ўша жойнинг ўзида жони узилди… 

Ўрис шу даражада ҳаддидан ошдики, бундай муносабатини ҳатто яширмаяпти ҳам, балки “мана мен сизларни қандай ўринда кўраман!” дегандек камерага олиб тарқатяпти. Ҳа, бу ўрис Марказий Осиё давлатлари ҳукуматлари унинг ҳукми остидаги қуллари эканлигини намойиш қилиш учун ҳам атайин шундай қиляпти. Худди собиқ Совет давлати даврида қандай бўлса, ҳозир ҳам шундай эканлигини мана бундай қўпол кучга асосланган сиёсати билан бот-бот эслатиб турибди. Албатта, рус ҳукумати ҳар доим меҳнат муҳожирлари масаласидан Марказий Осиёдаги ҳукуматларга босим ўтказиш қуроли сифатида фойдаланиб келган. Бундан ташқари, у ички сиёсатида ўзининг ёмон ва муваффақиятсиз бошқарувини хаспўшлаш ва халқини реал муаммолардан чалғитишда ҳам муҳожирлардан фойдаланади. Гўё барча муаммоларнинг бош сабабчиси меҳнат муҳожирлари, дея ўз халқига уқтирмоқчи бўлади.

Бу кофир ўрис ҳам эътиқодий, ҳам тарихимиздаги энг ашаддий душманимиз бўлгани учун ундан бундан бошқасини кутиш амримаҳол. Бироқ бизнинг устимизга ўтириб олган режимлар, хусусан, ўзбек режимининг қўрқоқлиги ва хоинлиги ҳаммасидан ўтиб тушяпти. У ўриснинг ниҳоят даражада ҳаддидан ошиб кетаётганини кўра била туриб ҳам бир сўз қотишга ярамаяпти. Ваҳоланки, у ўзи муқаддас дея кўкларга кўтариб мақтаган ва халқидан итоат қилишни талаб қилган конституциясида Ўзбекистон фуқаролари кафолатли ҳимоя остида эканлиги битиб қўйилган. Лекин у қачонки ўз манфаатлари тақозо қилсагина бу қомусдан фойдаланиб, қолган вақт унга тупуриб қўя қоляпти. Ҳа, ўзбек режими ўз фуқароларини ҳимоя қилиш ҳақида бош қотириш тугул, уларни Россия-Украина урушида “тўп гўшти” бўлишларига қўйиб беряпти. Шундай хабарлар чиқяптики, рус ҳукумати Украина урушига боришдан бош тортган меҳнат муҳожирларини отиб ҳам ташлаган.

Ўриснинг мана шундай ваҳшийликлари очиқ-ойдин тасдиқланиб, кўрга ҳам, карга ҳам маълум бўлиб турса-да, Марказий Осиёда етакчиликни даъво қилаётган ўзбек режимининг парвойи фалак. Бу ҳукумат ичида ўрисга қарата “бас, етар” дея оладиган бирорта мард одам топилмаяпти! Ҳолбуки, тарихда юртимиздан душманга қарши наъра тортиб, юрагига қўрқув солган Жалолиддин Мангуберди, Мадаминбек, Шермуҳаммадбек каби буюк саркардалар ва мард ўғлонлар етишиб чиққан эди. Бироқ ҳозир устимизга ўтириб олган анави ҳукмдорлар уларнинг тирноғига ҳам арзимайди. Уларда на орият, на уят қолган. Уларнинг ягона ташвиши ўз тахтларини сақлаб қолиш бўлиб қолган. Бунинг учун ўрисни олдида тиз чўкиш керак бўлса, иккиланмай шуни қилишади.

Мусулмон халқимизга айтамизки, бу ҳамиятсиз ҳукмдорлардан бирор яхшилик умид қилманг! Уларнинг ёлғон ва алдовларига учишни бас қилинг! Сизнинг молингиз, жонингиз ва обрўйингизни улар ҳимоя қилмайдилар. Шуни тушуниб етингки, бутун дунё бўйлаб хотиржам юришингиз, ўзингизни кафолатли ҳимоя остида сезишингиз учун ўз давлатингиз – Халифалик давлати бўлиши зарур! Мана шу давлатгина сизнинг жонингиз, молингиз ва обрўйингизни дунёнинг ҳар қандай ерида қаттиқ ҳимоя қилади! Расулуллоҳ ﷺ дедилар: “Имом (Халифа) қалқондир. Унинг ортида туриб жанг қилинади ва у билан ҳимояланилади”.  

Ислом Абу Халил – Ўзбекистон: Ҳизб ут-Таҳрир Марказий Медиа офиси радиоси учун