Матбуот баёноти

Имом-хатиблар терроризмга хайрихоҳ бўлган вазирларга ҳеч қандай тушунтириш беришга мажбур эмаслар

2024 йил 23 октябрда «Jyllands-Posten» газетаси «Имом-хатиблар жавоб бериши керак. Вазирлар Даниядаги исломчи етакчиларни мунозарага чақирмоқда» сарлавҳали мақола нашр қилди. Маълум қилинишича, камида тўрт марта бирга суратга тушган интеграция вазири ва черковлар вазири имомлар ва мусулмонлар вакиллари билан 2024 йил 24 октябрда бўладиган учрашувда қадриятлар, антисемитизм ва Фаластин масаласида мусулмонларнинг позициясини жиддий муҳокама қилишни режалаштиришган.

Ижобий ҳол шундан иборат бўлдики, мусулмонлар диаспораси учрашувда қатнашишни бекор қилиб, вазирлар чақириғига боришдан бош тортишди. Чунки вазирлар ўз ниятларининг мусулмонларни Ғарб қадриятларига интеграция қилиш (қориштириш)дан иборатлигини очиқ билдиришган эди. Ҳолбуки, вазирларни Ғазода яҳудий вужуди томонидан бир йилдан зиёд вақтдан буён содир этилаётган террорни қўллаб-қувватлашга мана шу Ғарб қадриятлари ундамоқда. Зотан, мусулмон диаспораси вакиллари билан вазирлар ўртасида на мақсадли суҳбат бўлиши мумкин, на адолатли. Чунки бу юзсиз вазирлар ўзлари даъво қилган қадриятларини геноцидлик тупроғига кўмиб ташлашди.

Мусулмон ёки ғайримусулмон бўлсин, виждон эгаси бўлган ва инсоний қадриятларни ҳимоя қилувчи шахслар яҳудийларнинг ўтган бир йил ичида амалга оширган даҳшатли жиноятлари ҳақида сукут сақламасликларини очиқ кўрсатдилар. Дания ҳукумати эса унинг бу жиноятларини оқлаб кўрсатишга бор кучи билан ҳаракат қиляпти. У, шунингдек, яҳудий вужудининг Фаластин аҳлига қарши содир этаётган мунтазам таҳдид ва террорини тўлиқ қўллаб-қувватламоқда. Бир вақтнинг ўзида, Фаластинни озод этишга чақираётган исломий овозларни террорист дея нишонга оляпти. Бошқа томондан, антисемитизм картасига ёпишиб олмоқда. Айниқса, бу борада қабул қилинган янги қонун пакети жиноятчи яҳудий вужудига қаршилик кўрсатишни жиноят деб ҳисоблаш учун қўлланиладиган ниқоб экани ҳаммага аён бўлди.

Терларининг ҳар бир тешигидан такаббурлик оқиб чиқаётган бу вазирлар мусулмон диаспорага ахлоқ ва қадриятлардан сабоқ беришармиш! Аммо бу ерда гап нимада эканлиги қуйидагиларда аниқ кўриниб турибди:

• Дания ҳукумати томонидан тақдим этилаётган қадриятлар тизими яҳудийлар давом эттираётган геноцид масаласида муваффақиятсизликка учради. Демакки, мусулмонларда бу тизимни қабул қилиш учун ҳеч қандай сабаб йўқ. Дибвад ва Дахлин каби шу ишга алоқадор вазирлар буни хоҳлаганча ёмон кўришлари мумкин. Зеро. масала Исломга қарши нафратга тааллуқли бўлганда, улар анча тажрибага эгадирлар.
• Европада чуқур тарихий илдизларга эга бўлган антисемитизм ва у келтириб чиқарган жиноятлар учун мусулмонларни жавобгар сифатида кўрсатиш нотўғри. Бугунги кунда бу жиноятлардан асли европалик сионист яҳудийларнинг Фаластинда мусулмонларга қарши амалга оширишган геноцид ва этник тозалаш жиноятларини оқлаш учун сиёсий восита сифатида фойдаланилмоқда.
• Фаластинни яҳудий вужудини йўқ қилиш орқали тўлиқ озод этиш исломий фарз ва инсоний бурчдир. Бу ҳақда бор овоз билан аниқ-тиниқ айтмоқ даркор, айниқса, масжид минбарларидан.
• Ислом қадриятларига қарши курашаётган, ҳақ-ҳуқуқларимизни поймол этиб, террорчи ҳукуматни ва унинг аёллару гўдакларни қирғин қилишини қўллаб-қувватлаётган сиёсатчилар билан мусулмонлар диаспораси фақат битта мақсадда учрашмоқлари керак: яъни оқибати қандай бўлишидан қатъий назар, уларнинг ёвузлиги ва иккиюзламачилигини очиб ташлаш, уларнинг талабларини ва таҳдидларини аниқ-тиниқ рад этиш даркор.

Илёс Муробит

Ҳизб ут-Таҳрирнинг Даниядаги матбуот бўлими вакили