Ҳинд «Раймонд Девис»ининг қутулиб чиқишига имконият берилмоқда
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Ҳинд «Раймонд Девис»ининг қутулиб чиқишига имконият берилмоқда
БМТга қарашли халқаро судга топшириш сиёсий худкушлик ва гуноҳи азимдир
2017 йил 18 май куни БМТга қарашли биринчи босқич суди қабул қилган қарорга нисбатан Покистонда кучли норозиликлар келиб чиқди. Маълумки, суд Покистонда жосуслик қилиш, тартибсизлик ва вайронагарчиликлар келтириб чиқарувчи амалиётларни бошқариш айблови билан Покистонда қўлга олинган ва «Раймонд Девис»га қарашли бўлган ҳинд жосуси Калбхушан Жадхавнинг осиб ўлдириш ҳукмини ижро этишни тўхтатиш тўғрисида қарор чиқарган эди. Қарор қабул қилингандан сўнг Покистон режими бош прокурори Иштар Авсоф «тўхтатиш қарори якуний ҳукм эмас ҳали», дея халқ ғазабини бостиришга уринди. Шундай бўлса-да, Бажу-Навоз режими ҳеч қандай асосга эга эмас. Чунки унинг бошданоқ айни ишни БМТга қарашли халқаро судда кўрилишига рози бўлганининг ўзи сиёсий жиҳатдан ўз жонига қасд қилишдир. Чунки аввало БМТ ва Халқаро Гаага суди, ҳукм сўраш жоиз бўлмаган ношаръий иблислар суди ҳисобланади.
Хоҳ ҳинд жосусига оид масала бўлсин, хоҳ босиб олинган Кашмирга оид масала бўлсин, хоҳ Ақсо масжидининг босиб олинишига оид масала бўлсин, фарқсиз, бизнинг масалани БМТга топшириш, ҳеч қандай фойда бермайди. Чунки Хавфсизлик Кенгашининг Вето ҳуқуқига эга беш аъзоси Ислом ва мусулмонларга қарши курашаётган душмандир. Мусулмонлар БМТ ёки унинг адлияси ё доираларидан ёки унга қарашли Гаага судидан бир кун ҳам адолатга эришган эмас. Бундан ташқари, БМТ ва унинг халқаро суди, куфр билан ҳукм чиқарувчи ғайриисломий тоғут ҳокимиятлар бўлгани боис уларга ҳукм сўраб бориш ҳаромдир. Аллоҳ Таоло бундай дейди:
أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُوا بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُوا إِلَى الطَّاغُوتِ وَقَدْ أُمِرُوا أَن يَكْفُرُوا بِهِ وَيُرِيدُ الشَّيْطَانُ أَن يُضِلَّهُمْ ضَلَالًا بَعِيدًا
«(Эй Муҳаммад), ўзларини сизга нозил килинган нарсага (Қуръонга) ва сиздан илгари нозил қилинган нарсаларга имон келтирган деб ҳисоблайдиган кимсаларнинг шайтонга ҳукм сўраб боришни истаётганларини кўрмадингизми? Ҳолбуки, уларга унга ишонмаслик буюрилган эди. (Чунки) шайтон уларни бутунлай йўлдан оздиришни истайди» [Нисо 60]
Аслида, салибчилар тузган халқаро қонунни ижро этувчи ҳокимият БМТ ҳисобланади. Халқаро қонунни эса, салибчилар Усмоний Халифалик давлатидан такрор-такрор мағлубиятга учрайвериши ортидан бу давлатни жиловлаб олиш учун тузишган. Масалан 1648 йил Европадаги насроний давлатлар Вестфалия конференциясини ўтказиб, халқаро қонун, деган нарсани ўша ерда қабул қилишган ва ундан мусулмонлар ҳуқуқини тортиб олиш ва Ислом ҳукмронлигига қарши кураш кўзланган. Бу халқаро қонун ёрдамида Миллатлар Лигаси Усмоний Халифалик давлатини босиб олиш, бўлиб ташлаш ва вайрон қилиш ишига ўтишди, Ислом оламини тақсимлаб олишди… Ўшандан буён исломий давлат элликдан ортиқ давлатчаларга бўлиниб келмоқда, ўшандан бери Кашмир, Фаластин босиб олиниб, тинимсиз жароҳатлар олмоқда, қонлари тўкилмоқда…
Шунга қарамай, Бажу-Навоз режими Ислом Умматига қарши халқаро тил бириктирув ижодкори бўлган Америка билан иттифоқчи бўлгани сабабли мусулмонлар манфаатларини БМТ қассобларига қурбон қилмоқда. Режимнинг ушбу жосус ишини БМТга топширганлиги биз учун шундай бир эслатмадирки, биз бундай ташкилот аъзолигидан зудлик билан чиқиб олишимиз ва унинг тил бириктирувларини ҳамда Аллоҳ Субҳанаҳу ва Таолога, Росулига, мўминларга душманлигини фош этмоғимиз зарур бўлади.
Бугунги ҳукмдорлардан умид йўқ. Бинобарин, Покистондаги мусулмонлар Пайғамбарлик минҳожи асосидаги Халифалик давлатини барпо этиш учун қаттиқ ҳаракат қилмоқлари шарт. Аллоҳ Субҳанаҳу ва Таолонинг изни ила, Умматнинг қалқони бўлажак ушбу давлат, бутун оламдаги аҳволни ўнглайди, унга хавфсизлик ва тинчлик олиб келади, мусулмонлар жонини, молини, номусини ҳимоя қилади. Асрлар мобайнида шундай қилган, бундан кейин ҳам шундай қилиб, Умматнинг тортиб олинган ҳуқуқини қайта олиб беради, жиноятлари учун жиноятчиларни жазолайди. Халифаликдан бошқа тузум буни қилолмайди, чунки Халифалик илоҳий қонун билан ҳукм юритади:
لَّا يَأْتِيهِ الْبَاطِلُ مِن بَيْنِ يَدَيْهِ وَلَا مِنْ خَلْفِهِ ۖ تَنزِيلٌ مِّنْ حَكِيمٍ حَمِيدٍ
«Унга олдидан ҳам, ортидан ҳам (ҳеч қандай) ботил-ноҳақлик келмас (яъни Қуръони Каримнинг ҳеч қайси томонидан бирон китоб ё ҳужжат келиб, уни ботил қила олмас, чунки у) ҳикмат ва ҳамду-сано эгаси томонидан нозил қилингандир» [Фуссилат 42]
У Америкалик қотиллар, англиялик қароқчилар, Франциядаги уруш жиноятчилари, Шарқий Туркистондаги мусулмонларни репрессия қилаётган хитойлик мушриклар, Шом тоғути Асадга ёрдам бераётган руслар жорий қилган қонун билан ҳукм юритмайди. Аллоҳ Субҳанаҳу ва Таоло бундай деди:
الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا
«Бугун сизларга динингизни комил қилдим, неъматимни бенуқсон, тўкис қилиб бердим ва сизлар учун (фақат) Исломни дин қилиб танладим» [Моида 3]
Эй Покистон қуролли кучлари сафидаги холис зобитлар!
Кўриб турибсиз, Бажу-Навоз режими бизни ҳиндуслар давлатига тиз чўктириб, хор қилиб беришга уриняпти. Сиёсий ва ҳарбий раҳбариятнинг иккаласи ҳам «Буюк Ҳиндистон» режасига мувофиқ ҳаракат қилиб, Вашингтондаги хўжайинларига хизмат кўрсатиш йўлида бу мушрик давлатни регионал ҳукмрон давлатга айлантиришмоқчи. Бундай ҳукмдорларни рад этиш учун ҳамон фурсат мавжуд. Бас, шундай бўлгач, Пайғамбарлик минҳожи асосидаги иккинчи рошид Халифаликни барпо этиш орқали уларни илдизи билан қўпориб ташлаш учун Ҳизб ут-Таҳрирга нусрат-ёрдам беринг. Ана шунда ушбу Халифалик сизни Кашмирни озод этиш ва Ҳинд ярим оролида Исломни ҳукмрон қилиш сари сафарбар қилиб, сизни бу дунё ва охират азизлиги сари етаклайди. Аллоҳ Таоло бундай деди:
يَا أَيُّهَا الَّذِينَ آمَنُوا إِن تَنصُرُوا اللَّـهَ يَنصُرْكُمْ وَيُثَبِّتْ أَقْدَامَكُمْ
«Эй мўминлар, агар Аллоҳга ёрдам берсангиз, У ҳам сизга нусрат-ёрдам беради ва қадамларингизни собит қилади» [Муҳаммад 7]
Ҳизб ут-Таҳрирнинг Покистондаги матбуот бўлими
Телефон: +(92)333-561-3813
Факс: +(92)21-520-6479
Электрон почта: htmediapak@gmail.com
Веб саҳифа: www.hizb-pakistan.com
