Матбуот баёноти

Ҳиндистон сув таъминотларимизга таҳдид солаётган бир пайтда, Покистон ҳукмдорлари тажовузкор билан муносабатларни нормаллаштириш устида ишлашмоқда!

Бир неча кун ўтганига қарамай, Покистон ҳукмдорлари Ҳиндистоннинг 1960 йилда Жаҳон Банки воситачилигида имзоланган Ҳинд дарёси суви шартномаси бўйича ташлаган хавфли қадамига нисбатан ҳамон бирор кескин жавоб қайтаришгани йўқ. Гап шундаки, 2024 йил 18 сентябрда Ҳиндистон Покистонга бир қанча «хавотир»ларни, жумладан, демографик ўзгаришлар, экологик муаммолар ва бошқа омилларни келтириб, шартномани қайта кўриб чиқишни сўраб расмий билдиришнома юборди. Билдиришномада Ҳиндистон 2023 йил январ ойидан бери кўриб чиқишни сўраб Покистонга тўрт марта мактуб юборгани таъкидланган.

Ҳиндистон Покистон билан бўлган сув масаласида биринчи марта можаро кўтараётгани йўқ. 1948 йил 1 апрелда Ҳиндистон Рэдклифф линияси орқали асосий каналларга қуйилувчи сувни тўхтатиб қўйди. У Покистоннинг сув таъминотларига тинимсиз таҳдид солиб келмоқда. Ҳиндистоннинг Покистонга душманчилигидан ташқари, Бангладеш мусулмонларига қарши сув борасидаги тажовузлари ҳам барчага маълум. Масалан, 2024 йил август ойида Ҳиндистон сиёсий босим ўтказиш учун Бангладешга нисбатан мисли кўрилмаган сув тажовузини бошлади. Ўшанда у аввалдан огоҳлантирмасдан кутилмаганда Думбур тўғонини очиб юборган ва бу одамларнинг қурбон бўлишига олиб келган эди.

Американинг минтақавий иттифоқчиси бўлган Ҳиндистоннинг нияти Ислом Умматидаги энг кучли ҳарбий қудрат бўлмиш Покистонни заифлаштиришдир. У мана шундай режалари учун Американинг тўлиқ қўллаб-қувватловига сазовор бўлмоқда. Масалан, Вашингтон Ҳиндистоннинг Жанубий Осиёдаги ҳукмронлиги олдидаги ҳар қандай тўсиқни олиб ташлашга ҳаракат қилмоқда. Арзимас баҳоналар келтириш орқали Ҳиндистон Покистондан Ҳинд дарёси суви шартномасини қайта кўриб чиқишни талаб қилмоқда. Афтидан, у сиёсий жиҳатдан ё шартномадан чиқиб олишни ёки уни амалдан тўхтатиб қўйишни кўзлаяпти. Шу тариқа, дарёларга тўғонлар қуриш ва инфратузилмалар яратиш, бу билан Покистондаги сув таъминоти ва озиқ-овқат хавфсизлигига таҳдид туғдиришга қасд қилмоқда.

1947 йилда Ҳиндистон ярим оролининг мустамлакачилар томонидан бўлиниши натижасида кенг сув каналлари тармоғининг асосий тузилмалари Ҳиндистонда қолиб кетди. Бу бўлиниш Ҳиндистонни ҳинд ҳавзасидаги юқори ҳавза мамлакатга, Покистонни эса қуйи ҳавза мамлакатига айлантирди. Бундан ташқари, Жаҳон Банки Ҳиндистонга Ҳинд дарёси суви шартномаси орқали кўпроқ устунлик берди. Ҳиндистонга нафақат шарқий учта дарё, яъни Рави, Сатлеж ва Биас устидан назорат берилди, балки Покистон назорати остидаги ғарбий учта дарё, яъни Жаҳлум, Шанаб ва Ҳинд дарёларида гидроэлектр лойиҳаларини қуриш ҳуқуқини ҳам берди. Бу дарёларнинг барчаси ишғол остидаги Кашмир орқали оқиб ўтади. 2019 йил август ойида босиб олинган Кашмирни Ҳиндистонга топширишгач, ҳукмдорлар ҳозир Американинг ҳомийлиги ва кўрсатмалари остида Ҳиндистон билан музокаралар олиб бориш билан банд.

Эй Покистон Қуролли кучлари сафидаги холис зобитлар!

Организм учун қон қанчалик муҳим бўлса, мамлакат учун сув шунчалик муҳим. Бироқ Покистон ҳукмдорлари Ҳиндистон ва Америка номидан мамлакатнинг бўйнига пичоқ тақаб турибди. Америка Покистонни Ҳиндистонга бўйсундириш учун худди Бутан ва Непал каби заиф давлатга айлантиришга қарор қилган. Бу Вашингтоннинг Яқин Шарқда амалга оширган ҳамда яҳудий вужудини мусулмонларга қарши қўйган стратегиясидир. Исломни ёмон кўрувчи ҳиндулар сув таъминотини назорат қилиш орқали ўсиб бораётган аҳолимизга таҳдид солиши мумкин. Аммо сизнинг кескин ҳаракатингиз билан, яъни Пайғамбарлик минҳожи асосидаги Халифаликни барпо этиш билан бу мақсадни чиппакка чиқариш мумкин. Чунки Халифалик сувдан мусулмонларга қарши қурол сифатида фойдаланишга йўл қўймайди, мустамлакачиларнинг мусулмонлар хавфсизлигига бўлган ҳар қандай аралашувини рад этади ва Жаҳон Банки каби мустамлакачилар муассасалари билан бўлаётган муносабатларни узиб ташлайди. Бунинг ўрнига, Уммат ва унинг армияларини бирлаштириб, Кашмирни қайтариб олади ва мазкур учта ғарбий дарё устадан тўлиқ назоратни тиклайди.

Эй Покистон Қуролли кучларидаги холис зобитлар!

Бугуннинг «Ража»си Моди Ислом ва мусулмонларга турли восита билан уруш қилмоқда. Бугунги ҳукмдорларингиз эса худди кечаги Мир Содиқ ва Мир Жаъфарлар юрган хиёнат йўлидан кетишяпти. Душманга қулайлик яратиб, мусулмонларга зарба беришяпти. Эй Муҳаммад ибн Қосим авлодлари, динингиз Ислом ҳокимиятини барпо этиш учун нусрат берган буюк ансорлар йўлидан юришни фарз қилган. Бас, ансорлар саййидига айланган ва вафот этганда Раҳмоннинг Арши ларзага келган ансорий Саъд ибн Муоз розияллоҳу анҳу йўлидан юринг. Имом Бухорий Жобир ибн Абдуллоҳдан ривоят қиладики, мен Росулуллоҳ ﷺнинг бундай деганларини эшитдим:

«اهْتَزَّ عَرْشُ الرَّحْمَنِ لِمَوْتِ سَعْدِ بْنِ مُعَاذٍ»

«Саъд ибн Муознинг вафоти сабабли Раҳмоннинг Арши ларзага келди». Чунки у Ислом давлатини барпо этиш учун Аллоҳнинг динига нусрат бериш ҳамда Аллоҳ йўлида жиҳод қилиш билан беҳисоб яхшилик ва буюк шарафга эришган. Шунинг учун Ҳизб ут-Таҳрир сиз зобитларни Пайғамбарлик минҳожи асосидаги Халифаликни барпо этишга нусрат беришга даъват қилмоқда, қабул қилувчи ким бор?!

Ҳизб ут-Таҳрирнинг Покистондаги матбуот бўлими