بِسْمِ اللهِ الرَّحْمنِ الرَّحِيمِ

Матбуот баёноти

Индонезияда Ҳизб ут-Таҳрирни тақиқлашга оид ҳукумат режасини қоралаш

2017 йил 8 май душанба куни Индонезия хавфсизлик хизматининг катта масъули, сиёсий, қонуний ва хавфсизлик ишлари бўйича мувофиқлаштирувчи вазир истеъфодаги генерал Виранто ҳукумат Индонезияда Ҳизб ут-Таҳрирни тарқатиб юбормоқчи бўлаётганини билдирди. Бунга Ҳизб ут-Таҳрир миллий мақсадларни рўёбга чиқариш учун ривожлантириш амалиётида иштирок этишда бирор ижобий роль ўйнай олмади, деган нарсани асос қилиб кўрсатди. Вирантога кўра, «Панкасила» асосида қурилган мақсадлар, принциплар ва устунликларга ҳамда Индонезия республикасининг 1945 йил қабул қилинган конституциясига, хусусан, 2013 йил қабул қилинган жамоатчилик тартиб-қоидаларига тааллуқли 17-рақамли қонунда келтирилган матнга Ҳизбнинг зид эканига кучли далиллар бор, бу Ҳизб олиб борган тадбирлар жамоатчилик хавфсизлигига таҳдид солиб, Индонезия республикаси тинчлигини хавф остига қўйилишига сабаб бўлмоқа…

Шу муносабат билан Ҳизб ут-Таҳрир-Индонезия қуйидагиларни изоҳлайди:

Ҳизб ут-Таҳрир Ҳизбни тарқатиш режасининг мутлақо асоссиз қадам бўлгани боис, унга нисбатан қаттиқ норозилик билдиради. Чунки таълим муассасалари (ВНР)нинг қонунига мувофиқ, Ҳизб ут-Таҳрир 2014 йил 12 февралда қабул қилинган «AHU-0000258.60.80.2014» рақам остидаги қонунга биноан фаолият олиб бормоқда. Ҳизб қонуний ташкилот бўлгани эътиборидан, ушбу миллат ва юрт манфаатлари йўлида зарурий даъват олиб бориш учун конституцион ҳуқуққа эга. Шунинг учун шу ҳуқуқини муҳофаза қилиши, бу ҳуқуқининг ҳукумат томонидан ҳимоя қилиниши шарт. Бундан ташқари, Ҳизб ут-Таҳрир ўтказган тадбирлар, юртнинг кўплаб шаҳарларида одамларга яхшилик келтиргани исботланди. Бинобарин, ҳукумат кўзлаётган Ҳизбни тарқатиш режаси мавжуд қонунчиликда кафолатга олинган айни конституцион ҳуқуқларга очиқ зиддир. Кейин, шариат нуқтаи назаридан, ушбу Ҳизбни тарқатиш, даъват фаолиятини бўғишни, бу эса охиратда жуда ёмон оқибатларга сабаб бўлишини англатади.

1 –Аслида, йигирма йилдан зиёд вақтдан буён Ҳизб ут-Таҳрир-Индонезия, тартиб-интизом билан, тинч осуда равишда даъват тадбирини ўтказишга қодир эканини исботлаб келди ҳамда барча тадбирларини қонуний чоралар асосида бажарди. Шу боис, бу Ҳизб олиб борган тадбирлар жамоатчилик хавфсизлигига таҳдид солинишига ва Индонезия республикаси тинчлигини хавф остига қўйилишига сабаб бўлади…, деган гап ёлғон айбловдир.

2 –Ҳизб тарғиботчи ташкилот ҳисоблангани учун, унинг тадбирлари Ислом ва исломий тушунчаларни етказишга асосланган. Хоҳ исломий ақида, хоҳ сиёсий шахсият, хоҳ шариат, хоҳ даъват ёхуд Халифалик билан боғлиқ бўлсин, Ҳизб етказаётган фикрларда мутлақо Ислом мафкурасидан бошқа нарса йўқ. 2013 йил қабул қилинган 17-рақамли қонуннинг жамоатчилик ташкилотларига оид 59-моддасига биноан, Ислом таълими «Панкасила»га зид таълимлар рўйхатига кирмайди. Шунинг учун Ҳизбнинг «Панкасила» асосида қурилган мақсадлар, принципларга зид, деган даъволар нотўғри. Шу билан бирга, бу жамоатчиликка оид қонуннинг ўзига ҳам тескари даъводир.

3 –Ҳизб ут-Таҳрир Индонезиянинг ҳар бир жойида даъват ишларини олиб бориши билан, келажаги порлоқ шахсияларни яратиш орқали юртдаги инсоний ишчи кучини ўстиришга доир ишларга катта ҳисса қўшиб келди. Аслида, юртимиз дуч келаётган турли кризислар даврида биз муҳтож бўлаётган нарса ҳам айнан мана шудир. Чунки коррупция сингари иллатлар бугунги мавжуд инсоний потенциалларни пок ва омонатлигига нисбатан совуққонлик билан ёндашишдан келиб чиққан. Бундан ташқари, Ҳизб ут-Таҳрир, юрт ва фуқарога зарар етказилишига сабаб бўлаётган турли либерал қонунчиликларни танқид қилиш саъй-ҳаракатларида ҳам ҳамкорлик қилмоқда, масалан, нефт, газ, табиий ресурслар, сармоя ётқизиш, маҳаллий таълим ва бошқа соҳаларга оид қонунлар каби. Шунингдек, гиёҳванд моддаларга қарши кураш, бўлиниш, сепаратизм ҳаракатларига қарши туриш билан боғлиқ жамиятни маърифатлаш ишларида ҳам ҳамкорлик қилмоқда. Шу билан бирга, Ҳизб аъзолари юртнинг турли ерларида юз бераётган табиий офатлар қурбонларига ёрдам кўрсатиш ишларида ҳам фаол иштирок этмоқдалар. Мисол учун 2004 йилдаги Атчих Цунамисида, 2006 йилдаги Жакарта зилзиласида ва бошқаларда. Шунинг учун Ҳизб бирор ижобий роль бажаролмади, деган даъво ҳам нотўғридир.

4 –Юқорида келтирилган фактларга асосан, Ҳизб ут-Таҳрир-Индонезия ҳукуматдан бундай режани тўхтатишни талаб қилади. Агар бу шундай давом этадиган бўлса, у ҳолда, жамоатчилик фикрида демак, мавжуд ҳукумат режими Исломга қарши, репрессив режим экан, деган хулосага оид далиллар янада кўпаяди. Масалан, уламоларни жиноятчига чиқариш (улардан баъзилари ҳамон қамоқда ётибди), бир неча ерларда даъват фаолиятига тўсқинлик қилиш, бугун эса исломий ташкилотларни тарқатиб юбориш қарорини қабул қилиш каби далиллар. Бир вақтнинг ўзида, режим Қуръони Каримни ҳақорат қилган кимсаларни зўр бериб ҳимоя қилмоқда, масалан, бу кимсалар суднинг тинглаш йиғинида мутлақо адолатсиз равишда суд қилиняпти ва буни бутун жамоатчилик гувоҳ бўлиб турибди.

Бизга Аллоҳнинг Ўзи етарли ва У нақадар яхши вакил, нақадар яхши дўст ва нақадар яхши нусрат берувчидир.

Муҳаммад Исмоил Юсанто

Ҳизб ут-Таҳрирнинг Индонезиядаги

расмий нотиғи

Телефон: 0811119796

Электрон почта: Ismailyusanto@gmail.com