Инсон ҳаётининг илдизи
Инсон ҳаётининг илдизи
بِسْمِ اللهِ الرَّحْمٰنِ الرَّحِيم
Дарахтларга эътибор беринг, сиз кўриб кўзларингиз қувонадиган дарахтдаги гўзал манзарада ёки мазасидан баҳраманд бўладиганингиз меваларда, табиийки, дарахт илдизининг аҳамияти жуда катта. Яъни шу илдизсиз дарахтларнинг безаги ҳам, меваси ҳам бўлмайди. Агар илдиз билан тана ўртасидаги алоқа бузилса, бунинг натижаси дарахтнинг устки қисмига таъсир қилмай қўймайди. Шунинг учун дарахт экадиган одам ва парвариш қиладиганлар унинг илдизига жиддий эътибор берадилар. Илдизнинг соғломлиги, унинг ўрнашиш жойи ва бу жойга қанчалик мустаҳкам ўрнашганлиги муҳим ҳисобланади.
Инсон ҳаётида ҳам илдиздек аҳамияти юқори бўлган нарса бор. Бу ақида. Инсонлар ўзлари эътиқод қиладиган ақида асосида ҳаётларини шакллантирадилар. Ақида тўғри ақида бўлса ундан шаклланган ҳаёт ҳам тўғри ҳаёт бўлади. Худди дарахтнинг ҳолати илдизига ва у билан тананинг алоқаси унинг соғломлигига боғлиқ бўлгани каби инсонларнинг ҳаётлари гўзал бўлиши шу ақидага ва бу ақидага боғланишга боғлиқдир.
Ақиданинг тўғрилиги ва уни инсонлар онгида қанчалик мустаҳкам ва чуқур ўрнашганлиги жамият ҳаётида ўз аксини топади. Ақида тўғри бўлса-ю, лекин жамиятнинг яшаш тарзида муаммолар кўп бўлиб, қолоқликда, хорликда ҳаёт кечираётган бўлса, унда бу жамият ўз илдизига тўғри боғлана олмаётган бўлади. Яъни бу жамият ўз ақидасига боғланиб муаммолари учун ечим олишни унутиб қўйган ёки ақидаси билан алоқа қилишида тўсиқлар бор. Балки ҳар икки ҳолат ҳам мавжуддир. Чунки касаллик сабаб ўз илдизи билан тўлиқ ва соғлом боғланишни унутиш мумкин. Демак, бундай ҳолатдаги бирламчи вазифа инсон ўз ақидаси билан соғлом боғланишни йўлга қўйиб олиши керак. Бунинг учун касалликдан, яъни ақидасини тушунишдан ва унга боғланиб яшашдан тўсаётган омиллардан қутулиши керак.
Биз мусулмонларнинг ҳаётий илдизимиз Ислом ақидасидир. Шу ақидамизни тушунишдан тўсувчи, чалғитувчи ва шу ақидамизга боғланиб яшашдан бошқа томонга бураётган ҳар қандай омиллар биздаги касалликлардир. Зеро, ақидамиз тўғри ва мукаммалдир, демак, ҳаётимиздаги муаммоларнинг кўпайиши, қолоқлик, хорликка уни татбиқ қилинмаётганлиги сабабдир. Ислом ақидасини татбиқ қилиш учун ҳаракат қилиш эса, ҳар бир мусулмоннинг бурчидир.
Ҳизб ут-Таҳрирнинг Ўзбекистондаги медиа офиси. Абдуллоҳ
11.12.2019й
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми