Инсон инсондан қўрқиши керакми?

بِسْمِ اللهِ الرَّحْمٰنِ الرَّحِيم

Инсон ва чумоли. Бу икки махлуқот орасида улкан фарқ бор. Айниқса, куч-қудрат борасида инсон билан чумолини асло таққослаб бўлмайди. Озгина тасаввур қилишга ҳаракат қилиб кўринг, чумоли инсонга қарши урушса натижа қандай бўлиши мумкин? Албатта, бундай савол ноўрин, ҳатто кулгили. Инсон чумолини ўлдириш учун бир қадам босишининг ўзи кифоя қилади, у инсон учун шунчалик майда нарсаки, ҳатто чумолини ўлганини сезмай ҳам қолади. Инсон учун чумолининг қанчалик куч-қудратга эгалиги шу даражада аҳамиятсизки, бу тўғрида ҳатто бош ҳам қотирмайди. У чумолидан шунчалик даражада устунки, агар хоҳласа уни ўлдириши ёки шафқат қилиб қўйиб юбориши мумкин. Бу борада чумолининг қўлидан ҳеч нарса келмайди, у ўзининг энг қудратли даражасига етган тақдирда ҳам инсонга ҳеч қандай қаршилик кўрсата олмайди. Демак, бу икки махлуқотнинг куч-қудрати борасидаги ҳолат кундек равшан, ҳеч қандай мавҳумлик йўқ.

Бугун инсоният орасида шундай кимсалар борки, улар бутун борлиқни яратган Яратувчи – Аллоҳ Таолога қарши уруш очмоқдалар. Улар кофир кимсалар ва мусулмонлар орасидан чиққан мунофиқлардир. Аллоҳнинг душманлари бу урушни Исломни йўқ қилишга, уни турли таъвиллар билан ўзгартиришга ҳаракат қилиш, Ислом Уммати вужудини парчалаш, мусулмонларни бир-бирига қарши қўйиш… каби ифлос ишлар билан олиб бормоқдалар. Бундай кимсаларнинг ҳаракатлари юқорида айтилган чумолининг инсонга қарши уруш очишига ўхшайди. Куч-қудрати чексиз бўлган Яратувчига куч-қудрати чекли бўлган инсонларнинг қарши чиқиши ҳақида нима ҳам дейиш мумкин? Бу савол ҳам кулгили эмасми? Ахир, куч-қудратига ишонаётган ўша кофир ва мунофиқлар Аллоҳга қанчалик зарар етказишлари мумкин? Улар Аллоҳнинг қудрати олдида чумолидан ҳам майда ва заиф махлуқлар эканлиги ҳамда улар энг куч-қудратга тўлган пайтда ҳам Аллоҳнинг наздида ўта аҳамиятсизлиги кундек равшан эмасми? Агар Аллоҳ хоҳласа уларни бир лаҳзадан ҳам камроқ муддатда йўқ қилиб юбориши мумкинлиги ҳақиқат эмасми? Бу кимсаларнинг моли-ю жони аслида Аллоҳнинг қўлида эканлиги, У хоҳлаган вақтда буларни тортиб олиши ва бунга қарши уларнинг қўлидан ҳеч нарса келмаслиги ҳам аниқ-равшан эмасми? Албатта, буларнинг барчаси ҳақиқатдир! 

Шундай экан, мусулмонлар ўзларига ўхшаган оддий инсонлардан, яъни кофир ва мунофиқлардан қўрқишлари мумкинми? Балки мусулмонларни уларнинг куч-қудрати қўрқитаётгандир. Шундай бўлса, аввал чумолига, кейин ўзларига бир боқсинлар. Чумоли аслида ўзига ўхшаган чумолилардан қўрқиши керакми ёки бир қадам босса эзиб-янчиб юборадиган инсонданми? Шунинг сингари инсон ўзига ўхшаган ва ҳар тарафлама чекланган инсондан қўрқиши керакми ёки ҳеч қандай чегараси бўлмаган Аллоҳ Таолоданми? Буюк ва куч-қудратда тенгсиз Аллоҳ Субҳанаҳу ва Таоло айтади:  

فَلاَ تَخْشَوْا النَّاسَ وَاخْشَوْنِي

– “Бас, одамлардан қўрқмангиз, Мендан қўрқингиз”. (Моида:44)

Ҳизб ут-Таҳрирнинг Ўзбекистондаги медиа офиси. Фаррух

25.07.2019й