بِسْمِ اللهِ الرَّحْمنِ الرَّحِيمِ

Нима учун бизлар фикран ухлоқмиз?

Атрофимиздаги бўлаётган ходи-саларга шунчалар бепарво  бўлиб кетдикки, хатто биз яхши инсон деб биладиган қўшниларимиздан бири тўғрисида ёмон маълу-мотлар тарқаб қолса ҳам “Шунақа эканми?” деб ишониб кета-верадиган бўлиб қолдик. Биз ўзимизга келган маълумотни текшириб кўрмаймиз, миш мишлар “қахрамони” тўғрисида оғзиларига келганини гапириб юраверадилар, лекин бирон бир мусулмон “Биродар сен тўғрингда шундай гап эшитдим, шу ростми?” дея бу гапларга ойдинлик киритишни ўйламайди ҳам. Ёки бу ходисаларни бирон кимдан эшитган чоғда “Сенда исбот далил борми? Мусулмон инсон бошқа мусулмонни шаънини тўкадиган бундай гапларни тарқатиб юрмайди” дея, ёлғон ёки ғийбат маълумотларни тарқалишини олдини олишга харакат қилмайди. Аксинча бу маълумотлар “қулоғига ёқиб” эшитаверадилар.

Атрофингизга қаранг “Хаёт шу эканда” дея, зулмли хор хаётига рози бўлиб, келажакда яхшилик бўлишига умид қилмай қўйганлар қанча. Авваллари айтардик “Чет элда пулинг бўлса одамсан, пулинг бўлмаса одам сифатида кўришмайди” деб. Бугунги кундаги хаётимизга назар ташлар эканмиз, ўзимизнинг хаётимиз керак бўлса ундан ҳам баттар бўлиб қолганини кўрамиз. Инсонларда хаётнинг асл маъноси пул билан боғлиқ бўлиб қолди, бахт, лаззат, буюк ғоялар худди пулга боғлиқ, пулсиз булар бўлмайдигандек.

Чунки биз капиталистик ақида бўйича яшай бошладик, бизнинг хаётга деморкатик “кийимни кийиб олган” капитализм ақидасига оид фикрлар кириб келди. Ва биз, “Барчаси қалбга боғлиқ” дея, худдики эътиқод амалда кўринмайдигандек, ўз Исломий ақидамиздан воз кечиб қўя қолдик.Чунки Ислом ақидаси билан яшашни қийин деб биламиз, бу тушунчани ҳам бизга кофирлар берди. Мусулмон бўла туриб кофирларнинг гапларига қулоқ соламиз, лекин Қуръон ва Хадисдан далил келтираётган мусулмоннинг фикрларига қулоқ солмаймиз.

Исломга қарши ташкилотлар тузишиб, кўплаб давлатлар бирлашишмоқда, лекин бир ақидага эътиқод қиладиган мусулмонлар бири иккинчисидан айб, хато қидириш билан овора. Оддий қилиб айтганда Аллоҳдан қўрқадиган, итоат қиладиган инсонлардан кўра, Аллоҳга итоат қилмайдиган инсонлар осон бирлашиб кетишмоқда. Мусулмонлар эса бир бирлари билан биродар эканликларини унутиб қўйишган. Анашу унутиб қўйишганлари, Ислом шариати билан яшамаётганликлари, мусулмонларни ухлоқ эканлигини кўрсатмоқда.

Биз АҚШ ва Европа давлатлари жамиятини фикран уйғоқ жамият деб биламиз. Ўзимизчи? Нима учун биз мусулмонлар фикран ухлоқмиз, куфр жамияти аъзолари нима учун уйғоқ? Бизнинг Ислом динимиз қолоқми, бизларни ухлатаётган нарса эътиқод қиладиган Ислом динимизми? Бу саволларга жавоб бериш учун воқелигимизга эътибор қилайлик. Ислом динимизни айблашдан аввал, шу дин шариатига амал қилиб яшаган сахоба розиаллоҳу анҳулар бизларга асл ўрнак бўлиб қолмадиларми?! Биз бугунги кунимизда бу шариатга амал қилябмизмики айбни динга юкласак. Юқоридаги давлатларнинг уйғоқ бўлишларининг асосий сабаби, ақидалари тўғри бўлмасада тушуниб, шу ақидалари бўйича яшашлари бўлди.

Аллоҳ Таъоло биз амал қилишимиз керак бўлган Ислом динини мукаммал қилиб берди ва шу дин шариатига амал қилиб яшасаккина рози бўлишини айтди. Биз эса кофирлар томонидан ўйлаб топилган “Ислом дини замонавийликка қарши”, “ Ислом замон талабига жавоб бера олмайди”, “Техника асрида яшаб, Халифалик бўлиши мумкин эмас” деган фикрларни, биз мусулмонлар ҳам гапирадиган бўлиб қолдик. Ва биз ўз динимизни унутишимизга, асл мохиятини билмаслигимизга эътиборсиз бўлдик. Бу динни бутун борлиқни яратган Илоҳ берганлигига аҳамият қилмадик.

Энди, биз уйғонишимиз учун куфрга эргашишимиз эмас, аксинча тўғри бўлган, Илоҳ томонидан берилган ақидамизни тушуниб шу ақидамиз асосида яшашимиз керак. Мусулмонман дея куфрга эргашиб яшашлигимиз бизларни тубанлик ботқоғига ботиради холос. Ақидамизни тушунмас эканмиз бу хаётда яшашни ҳам билмаймиз.

Ҳизб ут-Таҳрирнинг Ўзбекистондаги медиа офиси Абдуллоҳ

15.11.2014й.