بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Яман президенти юртдаги кураш халқаро кураш эканини яхши била туриб, миллатчилик вазиятини янада таранглаштирмоқда

Ҳодий Маърабда бундай деди: Яманда форслар давлати тикланишига асло йўл қўймаймиз

Яман президенти Абдуроббиҳ Мансур Ҳодий ўтган якшанба куни юрт шимолидаги Маъраб вилоятига у ердаги хавфсизлик ва ҳарбий вазиятни ўрганиш учун борди. Ҳодий БМТнинг Ҳусийлар билан коалицион ҳукумат тузиш қарорини тиқиштиришига асло йўл қўймаслигини таъкидлади.

Абдуроббиҳ Мансур Ҳодий Маърабни Ҳусий жангариларидан ва Солиҳдан ўз назорати остига қайтариб олгандан буён у ерга биринчи бор сафар қилиши. Ҳодий кўп сонли маърабликлар олдида нутқ сўзлаб, БМТ шундай қарор чиқаргудек бўлса, Кувайтга ҳаргиз бормаслигини қўшимча қилди.

У мен Ҳусийларнинг Яманда форслар давлатини тиклашларига асло йўл қўймайман ва яқинда пойтахт Санъода бўламан, деди.

Яман президенти Маърабдаги коалиция кучлари қароргоҳини зиёрат қилди ва Маъраб, Санъо, Жавф, Шабвадаги ҳарбий амалиётлар жараёни билан танишди.

Ал-Жазиранинг Ямандаги мухбири Самир Намрийга кўра, Ҳодийга ушбу сафари чоғида унинг ўринбосари Али Муҳсин Аҳмар ва айрим ҳукумат масъуллари ҳамроҳлик қилди. Мухбирнинг изоҳлашича, бу зиёрат рамзий кўламга эга бўлиб, армия ва халқ қаршилик кучлари Ҳусий жангарилардан қайтариб олган минтақаларда «қонунийлик»ни мустаҳкамлашга қаратилган. (Ал-Жазира нет).

Роя газетаси шарҳи:

Яман президенти Абдуроббиҳ Мансур Ҳодийнинг бу баёноти юртдаги курашни халқаро кураш эканидан қасддан чалғитиш учун берган қатор баёнотларининг биринчиси эмас.

Масалан, ўтган йилнинг март ойида «Адан» фазовий каналига берган интервьюсида «Ҳусийлар ва уларнинг тарафдорлари ўртасида келишилган Эроннинг ўн икки имом тажрибасини Яман халқи асло қабул қилмаслиги»ни айтган эди. Ўшанда у асл ҳолатга зид равишда юртдаги кураш мазҳаблараро кураш дея Яман аҳлини алдашга уриниб, тоифачилик-мазҳабчиликни қўзғади.

Ҳодий Маърабда берган баёнотида Ислом нафратланган ва унга қарши уруш очган жоҳилият миллатчилигини қўзғади ҳамда юртдаги курашга миллатчилик тусини бериб, Яман Аҳлини алдашга уринди!!!

Яман президенти Ҳодий Ўзини ёлғондан шиа намояндаси қилиб кўрсатувчи Эронга тобе бўлган Ҳусийларнинг Ямандаги Америка сиёсатини амалга ошираётганини жуда яхши билади. Ҳодийнинг ўзи ва уни қўллаб-қувватлаб, ўзларини ёлғондан суннийлик намояндалари қилиб кўрсатаётган Форс Кўрфази давлатлари эса Британия сиёсатини ижрочиларидир.

Юртдаги кураш моҳиятан сунний-шиа ўртасидаги кураш эмас, мазҳаблараро уруш ҳам эмас. Шунингдек, миллатчилик уруши ҳам, форс миллати билан араб миллати ўртасидаги уруш ҳам эмас. Балки, мустамлакачи давлатларнинг регионал ва маҳаллий қуроллари ёрдамида олиб бораётган нуфуз талашиш курашидир.

Роя газетасининг 2016 йил 13 июл чоршанба кунги 86-сонидан