بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Иорданиядаги режим ва унинг илмоний жарчилари Исломга ҳужум қилиб унга зарар етказиш истагида Карак шаҳрига қилинган жинояткорона ҳужумдан фойдаланишмоқда

Карак шаҳрида рўй берган жинояткорона ҳужум оқибатида бир неча ҳарбийлар ва фуқаролар қурбон бўлган эди. Аллоҳ қурбон бўлганларни ўз раҳматига олсин. Албатта мусулмонлар оммаси, уларнинг уламолари, сиёсатчилар ва бошқалар бу ҳужумнинг Исломга, Исломдаги шаръий ҳукмлардан ҳеч бирига алоқаси йўқлигини яхши биладилар. Зеро Уммат мусулмоннинг қонини тўкиш ҳаромлигини яхши билади

«كُلُّ الْمُسْلِمِ عَلَى الْمُسْلِمِ حَرَامٌ دَمُهُ وَعِرْضُهُ وَمَالُهُ»

«Ҳар бир мусулмонга мусулмоннинг қони, ор-номуси ва моли ҳаромдир». Уммат ўзининг ҳарбийлардан иборат ўғлонларига бу динга ёрдам берувчилар сифатида қарайди ва ўз салтанатини қайтариб олишда уларга умид боғлайди. Шунинг учун Иорданиядаги мусулмонлар бу жинояткорона амалиётларни қатъиян рад этиб, қаттиқ қоралабгина қолмасдан балки бундай амалиётларга ва уларни амалга ошираётган жиноятчиларга қарши курашишга ўзларининг тайёр эканликларини билдирдилар. Айни вақтда Ҳалаб шаҳридаги ва бутун Шомда Уммат фарзандлари учраётган қирғиндан уларнинг туйғулари аланга олмоқда. Мусулмонлар юртларидаги режимларнинг Ҳалаб аҳлига ёрдам беришга ва уларни қирғин қилишни тўхтатишга шармандаларча ожизлик қилаётганидан ҳам уларнинг ғазаблари қайнамоқда.

Шунга қарамай Иорданиядаги режим илмоний жарчиларга ва Исломга ҳужум қилиш учун режа тузувчиларга кенг имконият яратиб бермоқда. Режим уларга сиёсий минбарларда, ахборот воситаларида, идорий ва сиёсий мансабларда имконият бермоқда. Улар Карак шаҳрига қилинган жинояткорона ҳужумдан Исломни, унинг ҳукмларини ва фикрларини ёмон отлиқ қилиб кўрсатиш ҳамда Исломга ҳужум қилиш учун фойдаланишмоқда. Буларнинг барчаси Ислом ва мусулмонларга кек-адоватли мустамлакачининг салибчилик режалари доирасида амалга оширилмоқда. Мустамлакачининг бу малай жарчилари, Иорданиянинг мусулмон халқи уларнинг бузуқ фикрларини, бу юртнинг талаба фарзандларига бериладиган таълим программалари ўзгартирилишини ва масжидлардаги жума хутбаси ҳукуматнинг ҳафталик ғаразли бир баёнотига айланиб қолишини қабул қилади, деб ўйлашмоқда. Улар бунда Карак шаҳрига қилинган жинояткорона ҳужум сабабли юзага келган оғир алам ва қайғудан фойдаланиб қолмоқчи бўлишяпти. Аслида бу ҳужумда асосий жавобгар Иорданиядаги режимдир. Чунки бу режим, унинг вазирлари, муассасалари, мудирликларида маъмурий коррупция, программаларида касбга лоқайдлик, режаларида фикрий бузуқлик чуқур илдиз отган. Бу аҳволдан унинг хафсизлик идоралари ҳам саломат қолмади. Бу режим ҳақ ва яхшиликка чақираётганларни, ёрқин исломий фикрга эга бўлган тақволи, софдил, холис кишиларни таъқиб қилмоқда, уларни қамоққа ташламоқда. Бу режим ёрқин исломий фикрга қарши программали курашини давом эттирмоқда. Ҳолбуки, ёрқин исломий фикр Умматни ҳақиқий уйғотиб унга азизлигини қайтаради, Умматни ва унинг фарзандларини носоғлом фикр ва ғулув кетиш таъсирларидан, Ислом фикрларини тутуруқсиз ҳолга келтирадиган гўлларча фикрдан асрайди. Зеро гўлларча фикрнинг Умматга ва унинг соғлом фикрларига бўлган хатари бошқа хатарлардан асло қолишмайди. Ёрқин исломий фикр мусулмонларга ҳар лаҳза ва ҳар вақт ғаламислик қиладиган илмоний, атеистик фикрдан асрайди.

Эй Иорданиянинг барча жойларидаги ва барча мансаблардаги мусулмонлар: Исломни хунук кўрсатиш ва унга ҳужум қилиш учун ҳар бир ҳодисадан ва ҳар бир фурсатдан фойдаланиб қолишга уринаётган ана шу кимсаларга қарши Ислом, унинг фикрлари ва ҳукмларининг ишончли посбонлари бўлинг. Эй журналистлар, Ислом томонига тўлиқ ўтишингиз учун вақт келди. Ахборот воситалари эшиги Ислом душманлари қаршисида берк, Умматнинг холис фарзандларига очиқ бўлиши учун бу воситалар бошқармасига босим қилинг. Сизнинг сукут қилиб туришингиз билан ахборот воситалари Исломни нишонга олишда душманга шерик бўлишига асло йўл қўйманг ва ўзининг минбарларини Ислом ва мусулмонлар душманларига ланг очиб беришига сукут қилиб тураверманг.

Ҳизб ут-Таҳрирнинг

Иорданиядаги матбуот бўлими

Электрон почта: jordan_mo@hizb-ut-tahrir.info