Матбуот баёноти

Қирғизистонда муслималарга яна тажовуз қилинди

بِسْمِ اللهِ الرَّحْمٰنِ الرَّحِيم

Шу йилнинг 29 март куни Бишкек шаҳар Ленин тумани ички ишлар бошқармаси ходимлари эрта тонгда, бомдод намозидан кейин 6та хонадонга бостириб кириб, бир нечта опа-сингилларимизни қўлга олишди. Қўлга олишганидан сўнг улар бир синглимиздан Пайғамбаримиз ﷺнинг шарафи ҳимоя қилинган тадбирларда иштирок этгани борасида кўрсатма олишган. Бошқа опа-сингилларимизни ҳам шундай баҳона билан қўлга олишган.

Бу ҳолат юзасидан шуни айтамизки, аввало, муслима опа-сингилларимиздан Аллоҳ рози бўлсин. Биз уларни Ислом учун қилаётган фаолиятларини доимо қўллаб-қувватлаймиз. Уларнинг Исломий ҳаётни қайта бошлаш йўлидаги фаолиятлари ҳукуматнинг қўрқинчли тушига айланибдики, у энг разил ва пасткаш услубда курашишдан ўзга чора топа олмай қолди. Ислом мафкурасига фикрий жиҳатдан қарши курашиш муваффақиятсизликка учраганидан сўнг ягона йўл куч ва қўрқитиш бўлиб қолди. Бироқ бундай кураш услуби ҳозирги ҳукумат ва тузумларнинг нақадар заифлашиб кетганлигини кўрсатади холос. Ахир, ожизаларнинг уйига ҳам тиш-тирноғигача қуролланган ниқоблиларнинг саҳарлаб бостириб киришига буйруқ берадиган ҳукумат ҳақида нима дейиш мумкин? Бир вақтлар ҳатто Абу Жаҳл ҳам бундай пасткашликка боришни ўзи учун иснод, деб билган эди. Ваҳоланки, у мушрик эди, ҳозир эса, мусулмонман деганлар шундай ишни қилмоқдалар.

Эй, Абу Жаҳлдан ҳам паст кетган ҳокимият эгалари! Сизларнинг ақлингиз жойидами ёки ақлингизни ҳам қоринга қўшиб юбордингизми? Агар жонингиз чиқмасидан эс-ҳушингизни йиғиб олмасангиз охиратда Аллоҳнинг буюк азобига тайёрланаверинг! Чунки Аллоҳ Таоло: «Ким Менинг дўстимни хорлаган бўлса, шубҳасиз у Менга қарши майдонга тушибди» дейди. Аллоҳнинг дўстлари эса, ҳеч ҳам қўрқмайдилар ва хафа бўлмайдилар. Аллоҳ Таоло айтади:

أَلا إِنَّ أَوْلِيَاء اللّهِ لاَ خَوْفٌ عَلَيْهِمْ وَلاَ هُمْ يَحْزَنُونَ

– “Огоҳ бўлингларки, Аллоҳнинг дўстларига ҳеч қандай хавф йўқдир, улар хафа ҳам бўлмаслар”.                                                                   (Юнус:62)

Ҳизб ут-Таҳрирнинг Ўзбекистондаги матбуот бўлими

05.04.2021й