بِسْمِ اللهِ الرَّحْمنِ الرَّحِيمِ

Ислом овозини ўчириш учун зўравонлик йўлини тутган хоин ҳукмдорларни тийиб қўйинг

Бугун Покистондаги ҳукмдорлар хоинликда рекорд қўйди. Чунки улар Американинг Ислом ва мусулмонларни бостиришга қаратилган миллий фаолият режасини амалга оширишмоқда. Режимнинг бу режани шижоат билан адо этаётганидан бу билан нима мақсадни кўзлагани яққол кўриниб турибди. Масалан, у қамоқхоналарни сиёсатчиларга, уламоларга тўлдириб ташлади, ҳолбуки, уларнинг «жиноят»лари ҳаётий турмуш тарзи ва бошқарув тузуми сифатида Исломга даъват қилганликлари эди, холос. Шунингдек, жиноятчиларга ва мазҳабпарастларга қарши хавфсизлик амалиётлари, деган нарсани дастак қилиб, холис мусулмонларнинг уйлари ва иш жойлари дахлсизлигини бузяпти. Муҳандислар, ўқитувчилар, шифокорлар, қариялар, ҳатто қўлида боласи бор аёлларни ҳам қамоққа оляпти.

Режимнинг бу миллий фаолият режасидан матбуот ва электрон ахборот воситалари ҳам омон қолмаяпти. Журналистларнинг ҳам бемалол ишлашларига қўймай, уларга қарши куч ишлатиш билан пўписа қилиб, исломий сиёсий фаолият қилишни тақиқлаяпти. Шунингдек, айни режа доирасида судьяларга ҳам босим ўтказиб, таҳдид қилиб, Ислом байроғини кўтариб чиқаётган холис мусулмонларни озод этмасликка, балки қамоққа ҳукм қилишга уларни мажбурлаяпти. Шу ишларнинг ҳаммасини Ислом номи билан ташкил топган ва аҳолиси минг йилдан зиёд вақтдан буён Исломга эътиқод қилиб келаётган бир юртда содир этмоқда.

Бугунги режим олиб бораётган сиёсатларнинг ҳаммаси мана шундай. Чунки у Америкага итоат қилиш йўлини танлаган бўлиб, унинг ўзи бу ҳақиқатни инкор қилмоқда. Пайғамбарлик минҳожи асосидаги Халифаликнинг қайта барпо этилиши яқинлашар экан, Америка сиёсий қудрат сифатида Исломнинг қайтишига қарши бор кучи билан курашмоқда. Шунинг учун мусулмонларни куч билан бостириш сари Тунисдан тортиб, Бангладешгача исломий дунёдаги барча малайларини сафарбар қилди. Чунки у бугун барча диққат-эътиборини Ислом ва мусулмонларнинг қайтадан барча одамлар учун чиқарилган энг яхши Умматга айланмасликларини таъминлашга қаратмоқда.

Покистонга нисбатан олсак, муштарак стратегик музокара қўмитасининг 2015 йил 13 январ куни чиқарилган баёнотида «зўравонлик ва экстремизмга қарши муваффақиятли курашиш»да АҚШ-Покистон ҳамкорлиги зарурлиги таъкидланди. Америкалик масъуллар ва сайланган вакилларнинг айтишларича, Раҳил-Навоз ҳукуматидаги нуфузли мулозимларни «нафрат қўзғаш», «исломий зуравонлик» ва «экстремизм» каби нарсаларни тақиқлашга йўналтириш лозим эмиш. Албатта, буларнинг барчасидан мақсад, Исломга ва сиёсий фикр билдиришга қарши курашдир. Чунки Америка жосуслик хизмати демократия каби ғайриилоҳий қонунларни инкор этиш, Исломни ҳукмрон қилиш, босиб олинган исломий юртларни озод этиш ва уларнинг ҳаммасини бирлаштириш, Пайғамбарлик минҳожи асосидаги Халифаликни қайта барпо этиш… каби айрим исломий тушунчалардан хавотирланмоқда. Дарҳақиқат, Америка Покистондаги ўз малайларини адлия, ахборот, таълим ва хавфсизлик соҳасида ислоҳот ўтказиш лойиҳаларини ишлаб чиқишга ва уни татбиқ этишга тарғиб қилди ҳамда бунинг учун миллионлаб долларлар миқдорида маблағ билан таъминлади. Шу орқали улар Пайғамбарлик минҳожи асосидаги рошид Халифалик давлати барпо этилишига йўл қўймаслик учун Покистонни полиция давлатига айлантиришмоқчи.

Эй Покистондаги мусулмонлар!

Аллоҳ Таоло мана бундай деяётган бўлса-ю, қандай қилиб биз бу ҳукмдорларнинг Америка билан иттифоқчилик қилаётганига сукут қиламиз?!:

إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُم مِّن دِيَارِكُمْ وَظَاهَرُوا عَلَى إِخْرَاجِكُمْ أَن تَوَلَّوْهُمْ وَمَن يَتَوَلَّهُمْ فَأُوْلَئِكَ هُمُ الظَّالِمُونَ

«Аллоҳ сизларни фақат динларингиз тўғрисида сизга қарши урушган ва сизни ўз диёрингиздан ҳайдаб чиқарган ҳамда сизни ҳайдаб чиқаришда бир-бирларига ёрдамлашган кимсалардан – улар билан дўстлашишингиздан қайтаради, кимки улар билан дўстлашса, бас, ана ўшалар золим кимсаларнинг ўзидир» [Мумтаҳина 9]

Қандай қилиб биз юртимиз бойликлари ва ресурслари мустамлакачи кофирлар томонидан талон-тарож қилиниши олдида қўл қовуштириб турамиз, ахир, Аллоҳ Таоло бундай деяётган бўлса?!:

مَّا يَوَدُّ الَّذِينَ كَفَرُواْ مِنْ أَهْلِ الْكِتَابِ وَلاَ الْمُشْرِكِينَ أَن يُنَزَّلَ عَلَيْكُم مِّنْ خَيْرٍ مِّن رَّبِّكُمْ وَاللّهُ يَخْتَصُّ بِرَحْمَتِهِ مَن يَشَاءُ وَاللّهُ ذُو الْفَضْلِ الْعَظِيمِ

«На аҳли китоблардан бўлган кофирлар ва на мушриклар сизга Роббингиз тарафидан бир яхшилик тушишини истамайдилар, Аллоҳ эса раҳмат-марҳаматини Ўзи хоҳлаган кишиларга хос қилиб беради, Аллоҳ буюк фазлу карам соҳибидир»  [Бақара 105]

Қандай қилиб биз қуролли кучларимизнинг Афғонистон, Кашмир ва Фаластин каби исломий юртларни озод этишдек бурчларидан воз кечишларига жим қараб турамиз, ахир, Росулуллоҳ САВ

«مَا تَرَكَ قَوْمٌ الْجِهَادَ إلاَّ ذُلُّوا»

«Бирор қавм жиҳодни тарк этган бўлса, хор бўлади» (Имом Аҳмад ривояти), деяётган бўлсалар!? Қандай қилиб биз золим бошқарувга чек қўйишни ва Пайғамбарлик минҳожи асосидаги рошид Халифаликни қайта барпо этишни талаб қилишдан воз кечамиз, ахир, Росулуллоҳ САВ унинг қайта барпо бўлажагини башорат қилган бўлсалар?!

«… ثُمَّ تَكُونُ مُلْكًا جَبْرِيَّةً فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةً عَلَى مِنْهَاجِ النُّبُوَّةِ ثُمَّ سَكَتَ»

«… Сўнг золим-зўравон подшоҳлик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосида Халифалик бўлади. Кейин Пайғамбар CAB сукутга чўмдилар».

Эй Покистондаги мусулмонлар!

Аллоҳ ҳақ сўзни айтганга ажри азим ваъда қилган бўлса-ю, нега биз уни гапирмаймиз, ахир?! Росулуллоҳ САВ марҳамат қиладилар:

«أفْضَلُ الْجِهَادِ كَلِمَةُ حَقٍّ عِنْدَ سُلْطانٍ جَائِرٍ»

«Афзал жиҳод золим султон олдида ҳақ сўзни айтмоқликдир». Мусулмон киши истибдод қаршисида тура оладиган, унга бўйин эгмайдиган, аксинча, худди олов пўлатни янада мустаҳкам қаттиқ қилгани каби, машаққатлар унинг қувватини янада мустаҳкамлайдиган кишидир.

Биз душманларимиз учун биздан фойдаланаётган, улар олдида бизни кучсизлантиришга уринаётган бугунги малай ҳукмдорларни рад этмоғимиз лозим. Бизнинг вазифа сиёсий ва ҳарбий раҳбариятдаги хоинларга қарши овозимизни баралла кўтаришдир. Чунки улар Исломнинг сиёсий истиқболи бўсағасида ва Пайғамбарлик минҳожи асосидаги рошид Халифалик олдида тўсиқ бўлишга уринишмоқда. Бу курашда Ҳизб ут-Таҳрир ўз халқини алдамайдиган етакчи сифатида ҳақ сўзни айтишда олдинги сафда кетмоқда. Бас, унга қўшилинг ва ҳақни баралла айтиб, Аллоҳ Субҳанаҳу ва Таолодан бошқа ҳеч кимдан қўрқманг. Росулуллоҳ CAB бундай деганлар:

«أَلاَ لاَ يَمْنَعَنَّ أَحَدَكُمْ رَهْبَةُ النَّاسِ أَنْ يَقُولَ بِحَقٍّ إِذَا رَآهُ أَوْ شَهِدَهُ فَإِنَّهُ لاَ يُقَرِّبُ مِنْ أَجَلٍ وَلاَ يُبَاعِدُ مِنْ رِزْقٍ»

«Огоҳ бўлингларки, агар бирортангиз ҳақни кўрган ёки гувоҳи бўлган бўлса-ю, уни айтишдан одамлардан қўрқиши ман қилмасин, чунки у ажални ҳам яқинлаштирмайди, ризқни ҳам узоқлаштирмайди» (Имом Аҳмад ўз «Муснад»ида ишлаб чиққан).

Эй Покистон қуролли кучлари зобитлари!

Сиёсий ва ҳарбий раҳбариятдаги хоинлар ҳақ сўзни айтаётган ва Исломга ёрдам бераётган ҳар бир мусулмонни репрессия қилишяпти, уларнинг Исломни давлат ва салтанат сифатида барпо этишдек ўз вазифаларини адо этишларига йўл қўймаяпти. Сиз бу репрессияни Парвез Мушарраф даврида ҳам гувоҳи бўлиб, уни даф қилиш учун ҳеч нарса қилмаган эдингиз. Энди бўлса уни лаънатлаб ётибсиз. Кейин Киёний даврида ҳам репрессияни гувоҳи бўлиб, уни ҳам даф қилишга ҳеч нарса қилмадингиз ва уни ҳам бугун лаънатлаяпсиз. Бугун Раҳил даврида ҳам Исломни репрессия қилинишини кўриб туриб, яна ҳеч нарса қилмаяпсиз, уни ҳам лаънатлашда давом этяпсиз… Наҳотки, шундай давом этаверсангиз?! Хусусан, бугун режимнинг жинояткорлик ниқоби йиртилиб, асл башараси фош бўлиб, олдимизда уни йўқ қилиш учун қулай фурсат туғилган бўлса!

Эй қудрат ва ёрдам аҳли!

Сиз агар ўз халқимни душмандан мудофаа қиламан, дея ичган қасамингизга вафо қилсангиз, юртимизда турли ёвуз режаларни тузаётган анави Америка ва унинг малайларини бир неча соатдаёқ йўқ қилишга қодирсиз! Америка ҳукмронлигидан халос бўлиш фақат сизнинг қўлингизда. Бу эса Пайғамбарлик минҳожи асосидаги рошид Халифалик давлатини барпо этиш учун Ҳизб ут-Таҳрирга нусрат-ёрдам беришингиз орқали амалга ошади. Бас, энди ҳаракатга келинг. Ҳизб ут-Таҳрир амири, давлат арбоби ва улуғ олим Ато ибн Халил Абу Рaшта етакчилиги остида ҳаракатга келинг. Ана шунда барчамиз Ислом ҳукмронлиги бошланадиган янги даврга кирамиз. Худди ўтган замонда бўлгани каби, ушбу даврда қайта Ислом ёғдуси нур сочиб, бутун дунёга ўз зиёсини таратади.

يُرِيدُونَ لِيُطْفِؤُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

«Улар Аллоҳнинг нурини оғизлари билан ўчирмоқчи бўлишади, Аллоҳ эса, гарчи кофирлар хоҳламасалар-да, Ўз нурини тўла ёйгувчидир»   [Саф 8]

Ҳизб ут-Таҳрир                                                                 3 муҳаррам 1437ҳ

Покистон вилояти                                                           16 октябр 2015м