بسم الله الرحمن الرحيم

Ислом шариати бўйича яшашни хоҳлаймиз. Яна ким хоҳлайди?

“Мусулмон бўлгандан кейин Ислом билан яшашни хоҳлайди – да, ҳаммамиз ҳам Аллоҳдан қўрқамиз” – деймизу ҳаракатларимиз аксини исботлайверади. Атрофимизга назар солайлик ана шу инсонларнинг баъзилари Аллоҳга итоат қилиб Росули соллаллолоҳу алайҳи васаламга эргашиб хаётини Исломий қилишга ҳаракат қилмоқда. Аслида биз ҳам ана шундай ҳаракат қилишимиз керак эмасмиди? Ўтиб бораётган хаётингизнинг бир кунига яхшилаб эътибор беринг, қилган амалларингизнинг қанчаси ўзингиз эътиқод қиладиган Исломга, мусулмончиликка тўғри келади? Ақалли бирор марта фикрлаб кўрайлик. Шахсий хаётингиздаги айрим холатларда Исломга мувофиқ деб ўйлаганингиз баъзи амалларни бажариб шу билан мусулмончилик, инсонийлик вазифамни бажарябман деб ўйлаябсизми? Яна айтамиз “Хаётимизни нимаси Исломга зид экан?!”, “Ха энди хато қилаётгандирмиз, беайб Парвардигор”, “Бугунги кунда хар бир қиладиган ишингни Ислом билан қилиш қийин”, “Бизга ҳам инсоф бериб қолар” – дейсиз ёки кимнидир шундай деганини эшитасиз.

Ислом инсонлар амал қилиши учун қийин динми? Келинг аввал мана шу саволга жавоб берайлик. Аввало эътибор беринг кўп такрорлаймизки инсонни энг мукаммал тарзда, яъни хар бир хоҳиш истагию, руҳий кечинмалари дейсизми, ёки хурсандчилик ва ғам, ташвишли холати, хуллас катта муаммоларидан тортиб энг арзимас кичик муаммоларигача биладиган зот шубҳасиз Аллоҳ Таъолодир. Ва бизларга амал қилишимиз учун берган шариати орқали ҳам албатта мана шу барча нарсани эътиборга олиб, инсоний имкониятимиз, салоҳиятимиз, куч қувватимиз етадиган тарзда қайсидир амалларга буюрган ва қайсиларидандир қайтарган. Умумий қилиб айтганда Ислом дини аҳкомлари инсон табиатини жуда яхши билган, мукаммал ақл ва чексиз билимга эга бўлган Аллоҳ таъоло томонидан берилганлиги учун инсониятнинг табиатига мувофиқ келади. Бу аҳкомлар инсон муаммоларига фақат муолажа, ечим бўлади. Инсоннинг табиатига номувофиқ келадиган чекланган ақл маҳсули бўлган қонунлар сингари бир муаммони бартараф қилгандек кўриниб бошқа муаммолар гирдобига ташлаб қўймайди.

Аслида мусулмонларга Исломни мақташни ёки Исломни химоя қилишни хожати йўқ, Ислом рекламага ва химояга мухтож эмас. Шундай бўлсада мусулмон сифатида Ислом шариати инсонларнинг муаммоларига жуда чиройли ечимлар берганлигини эътироф этгимиз келаверади. Бу Ислом динимизга бўлган муҳаббатимиз сабабидир. Исломимизга ёмон кўз билан қараганларнинг зулм билан чўзилган қўлларини тийиб қўйиш учун, ким бўлса ҳам мазлумнинг хаққини олиб бериш учун курашгимиз келаверади. Аслида инсоний вазифамиз ҳам ана шундан иборатдир, яъни Ислом бизларни ана шундай журъат ва шижоатли бўлишга чақиради.

Бу нарсаларни хеч биримиз инкор қилмаймиз, лекин хаётимиз мобайнида қиладиган амалларимизнинг барчасини Ислом ақидаси асосида бажаришга келганда қийин бўлиб туюлаверади. Чунки бизларга “Исломга амал қилиш қийин” каби фикрлар сингдирилган ва Исломсиз яшашни чиройли қилиб кўрсатиб бизларни ўз Исломимиздан узоқлаштирилган. Шунинг учун биз кофирларнинг хаётига хавас қилиб уларга эргашишга ҳаракат қиламиз, уларнинг хаёт хақидаги ва инсоний муаммоларга берадиган ожизона ечимларига ошиқ бўлганмиз.

Биз мусулмон бўлатуриб Исломнинг хаётдаги амаллар ўлчови, фикр ва тушунчаларини билмайдиган, билсакда амал қилмайдиган бўлиб қолдик. Ва шунинг учун кўп мусулмонлар ўз яшаш тарзларига Ислом ақидасини эмас куфрнинг фикр ва тушунчаларини асос қилиб олганлар. Мисол учун “Нима бўлганда ҳам тинчлик бўлсин” каби, яъни бундан хаётда биринчи навбатда Ислом шариати эмас тинчлик туриши керак деган тушунча сингдирилмоқда. Эътибор беринг тинчлик асос қилиб олинмайди, хар бир муаммога ечим беришда Ислом ақидасини асос қилинади, яъни Ислом шариати бўйича ечимларни оламиз ва хаётимизга татбиқ қиламиз. Биз эса аксинча, тинчликни мақсад қилиб шариатдан ҳам воз кечиб юборяпмиз. Мисол учун Аллоҳ золимга итоат қилмасликни барча муаммоларимизга Аллоҳ Таъоло ва Росули соллаллоҳу алайҳи васаллам томонидан берилган ечимларни олишимиз кераклигини унутиб Аллоҳга итоатсизларча Ислом шариатидан бошқа бўлган қонунлар бўйича яшаяпмиз. Ислом шариатини ўрганиб эътибор берсак хаётимизга асос қилиб олинган куфрий фикр ва тушунчалар кам эмаслигини кўрамиз.

Ислом билан яшаш кераклигини билсак ҳам ҳаракат қилмасак бу бизнинг Аллоҳга нисбатан хиёнатимиз бўлмайдими? Росулуллоҳ соллаллоҳу алайҳи васаллам жонларини тикиб қўйиб Исломий хаёт учун курашиб яшадилар ва бу йўлда қанча – қанча саҳоба розиаллоҳу анҳулар жон бердилар, бизларни бугунги куфрий зулмларга бош эгиб сукут қилишимиз уларга нисбатан хиёнат эмасми? Атрофимиздаги инсонлар ўзларини мусулмон деб хисоблашади, лекин мусулмон қандай яшаши кераклигини билмаса ва биз ҳам билатуриб уларга ўргатмасак бу мусулмон умматига нисбатан хиёнат эмасми? Исломдан узоқлашиб кетаётганимиз жаханнам сари қадам ташлаётганлигмизни англатишини биламиз ва бу нарсадан хатто яқинларимизни, оила аъзоларимизни огохлантирмаймиз, бу ўз яқинларимиз ва оила аъзоларимизга нисбатан хиёнат эмасми?

Ҳизб ут – Таҳрирнинг мақсади Исломий хаётни қайта қуришдир, яъни хаётимиздаги хар бир соҳа Ислом шариати буюрганидек бўлишини хоҳлайди ва ҳаракат қилади. Жамоа бу йўлда фаолият олиб бориш учун Пайғамбар соллаллоҳу алайҳи васалламнинг тариқатларини асос қилиб олган ва бундан чиқмай ҳаракат қилиб келмоқда. Биз кўп такрорлаймизки Ҳизб бу йўлда моддий ҳаракат қилмайди. Агар моддий ишга қўл урганида минглаган аъзоларини зулм билан зиндонларда ушлаб турган ва кўплаб аъзоларини вахшийларча қийноққа солиб, хатто жонлари таналаридан чиққунига қадар қийнашни буюрганларга қарши моддий ҳаракат билан жавоб бермасмиди?! Зеро улар моддий жавоб қайтаришга лойиқ бўлган ишни қилиб бўлдилар, лекин Ҳизб ўзининг Исломий ҳаётни қайта бошлаш учун фаолиятида Пайғамбаримиз соллаллоҳу алайҳи васалламнинг тариқатларига асосоланади, моддий ҳаракат қилмайди. Ҳизбни билмаганлар, ёки куфрга хизмат қилувчилар эса туҳмат ва бўҳтонларини ёғдираверадилар, жамоа ва унинг аъзолари уларнинг маломатларидан асло қўрқмайди.

Сизга ҳам чин Ислом билан яшаш керак бўлса, хаётингиз исломий бўлишини хоҳласангиз ҳаракат қилинг. Биз ўз имкониятимиздан келиб чиқиб ҳаракат қилмас эканмиз, бизнинг аҳволимизни ўзгартириб қўйгувчи ва ёрдам бергувчи бўлмас, Аллоҳ Таъоло айтади:

إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ

– „Аниқки, то бирон қавм ўзларини ўзгартирмагунларича, Аллоҳ уларнинг аҳволини ўзгартирмас“.                                                                    (Раъд. 11)

Ҳизб ут-Таҳрирнинг Ўзбекистондаги медиа офиси Абдуллоҳ

22.04.2015й.

0

0