بِسْمِ اللهِ الرَّحْمنِ الرَّحِيمِ

Исломий Умматга ҳозирги пайтда хато тушунчалар ҳужум қилган…

деган саволни жавоби

Савол: Исломий Умматга ҳозирги пайтда Исломий ақидага ҳамма томонлама зид ва тескари бўлган ва тўғри динимизга кириб келган ботил эътиқодлару хато тушунчалар ҳужум қилган. Шулардан бири ботил демократиядир. Бу эса бизнинг Индонезиядаги ҳатарли муаммодир. Индонезиядаги айрим мусулмонларни кўряпмизки, улар демократия исломдандир, деб иддио қилишиб, адашган ва адаштирувчи тушунчаларга Қуръони карим ва Суннати Набавиядан далиллар келтиришмоқда.

1. эй шайх, демократия ҳақида сизнинг райингиз?

2. бу хатарли муаммодан қандай қутулса бўлади?

3. мен шу ишга оид китоб ёзмоқчиман. Эй шайхимиз, сизнинг райингиз? Шу ишга оид менга насиҳат қилишингизни истайман.

Жавоб:

Ва алайкус салом ва роҳматуллоҳи ва баракотуҳ

Демократия – ҳокимият халқники, деган маънони билдиради. Демак, у – Аллоҳни қўйиб, ўзи қонун чиқаради, яъни Аллоҳни қўйиб, нарсалар устидан ҳалол ва ҳаром, деган ҳукм чиқаради. Бу ҳақда Аллоҳ Субҳонаҳу шундай дейди:

(إِنِ الْحُكْمُ إِلَّا لِلَّهِ يَقُصُّ الْحَقَّ وَهُوَ خَيْرُ الْفَاصِلِينَ)

Ҳукм қилиш фақат Аллоҳнинг Ўзига хосдир. У фақат ҳақни сўйлар. У (ҳақ билан ноҳақни) ажратгувчиларнинг энг яхшисидир.

Табароний "Кабийр"да чиқарган ҳадиси шарифда Адий ибн Ҳотим шундай дейди: Мен бўйнимда тилла салиб (хоч) билан Набий САВни ҳузурларига келгандим, у зот: "Эй Адий бу бутни бўйнингдан олиб ташла" дедилар. Мен уни олиб ташлаб, у зотнинг ҳузурларига борганимда "Бароат" сурасидан:

اتَّخَذُواْ أَحْبَارَهُمْ وَرُهْبَانَهُمْ أَرْبَاباً مِّن دُونِ اللّهِ

Улар Аллоҳни қўйиб ўзларининг донишмандларини ва роҳибларини Парвардигор деб билдилар. [9:31]

оятини ўқиб тугатганларида, мен: Биз уларга ибодат қилмас эдик, дегандим, у зот: "Улар Аллоҳ ҳалол қилган нарсани ҳаром ва ҳалол қилган нарсасини ҳаром дейишганда, сизлар ҳам ўша нарсаларни ҳаром ва ҳалол санамасмидинглар? дедилар. Мен: ҳа, дегандим, у зот: "мана шу – уларга ибодат қилишдир" дедилар. Шунинг учун Аллоҳни қўйиб, қонун чиқарадиган кишини гуноҳи жуда каттадир.

• Демократия мана шу жиҳатдан куфр низомидир. Чунки қонун чиқариш ҳуқуқини башарга беради, башарнинг Роббисига эмас.

Иккинчи жиҳатдан эса у тўртта эркинлик: ақида, фикр, мулк ва шахсий эркинликларга эътиқод қилади.

Натижада киши хоҳлаган нарсасига эътиқод қилишига рухсат беради. Масалан, у ўзи хоҳлаганидек, динини ўзгартириши ҳам, у ҳатто муқаддас нарсаларни таҳқирлаб бўлса ҳам истаган райни айтиши ҳам… ҳалолу ҳаром йўллар билан мулкка эга бўлиши ҳам, модомики икки тарафни рози қилар экан зино билан шуғулланиши ҳам мумкин. Бу эса Исломда ҳаром қилинган. Чунки муртадлик ҳаром, зино ҳаром, ношаръий воситалар билан мулкка эга бўлиш ҳаром, шунингдек, сўкиш ва ҳақорат қилиш ҳам ҳаромдир.

• Шундай қилиб, демократия эркинликларни бўш қўйганлиги сабабли куфр низомидир. Чунки у шаръий ҳукмлардан халос бўлиш, деганидир.

"Демократия куфр низоми" номли китоб бор, уни мамлакатингиздаги ҳизбнинг китобхонасидан истаб кўринг. Унда демократия ва унинг қандай куфр низоми экани ҳақида батафсил ёритилган.

Ва ниҳоят, сизга салом йўллаган ҳолда сизга Ислом ва мусулмонлар тўғрисида ёзаётган асарингизга муваффақият тилаб қоламан.

Биродарингиз Ато ибн Халил Абу ар-Рашта

20 ражаб 1434ҳ

30 май 2013м