بِسْمِ اللهِ الرَّحْمٰنِ الرَّحِيم

Исломий Умматнинг бирлашиши амалга ошмайдиган ишми?

(2-қисм)

Бугунги кундаги тарқоқ умматни бирлаштириш мавзусини давом эттириб шуни айтамизки, агар дин битта, миллат битта бўлса, дин ақида ва шариатдан иборат бўлиб, шахс ва жамоатнинг ишларини ўз ичига олса, бу нарса мусулмонларни сўзсиз битта Умматга айлантиради.

 Пайғамбар (с.а.в.) дедилар: «Қурайш, Мадина аҳли ва уларга эргашиб, уларга қўшилган ва улар билан бирга жиҳод қилган кишилардан иборат мусулмонлар бошқа одамлардан алоҳида битта Умматдир». Аҳмад ривояти.

«Мўминлар бир-бирларига меҳр-муҳаббат ва раҳм-шафқат қилишларида бамисоли битта танага ўхшайдилар. Агар унинг бирор аъзоси оғриб қолса, бошқа аъзолари ҳам бедор бўлиб, иситмалаб чиқади» (муттафақун алайҳ).

«Мусулмонлар гўё битта инсондир. Агар унинг кўзи оғриса, барча аъзоси оғрийди. Агар боши оғриса, барча аъзоси оғрийди» (Муслим ривояти).

 «Эй инсонлар, огоҳ бўлингизким, сизларнинг Роббингиз битта, отангиз ҳам битта. Арабнинг ажамдан ва ажамнинг арабдан, қора танлининг қизил танлидан ва қизил танлининг қора танлидан афзаллиги йўқ. Афзаллик фақат тақво билан бўлади. Етказдимми?» Саҳобалар: «Ҳа», деб жавоб бердилар. Расулуллоҳ (с.а.в.) дедилар: «Бас, ҳозир бўлганлар ҳозир бўлмаганларга етказсин» (Табарий ривояти).

 «Мусулмон мусулмоннинг биродаридир, уни ёрдамсиз ташлаб қўймайди ва уни таҳқирламайди. Тақво мана бу ердадир (уч марта кўксиларига ишора қилдилар). Кишининг ўз биродарини камситиши унинг ёмон эканлигига кифоя қилади. Ҳар бир мусулмоннинг қони, моли ва обрўси бошқа мусулмонга ҳаром» (Муслим ва ибн Можжа ривояти).

 Шунингдек, Расулуллоҳ (с.а.в.) тарафкашлик, ватанпарварлик ва миллатчилик ҳақида шундай дедилар: «У сассиқ нарсадир. Уни тарк этинглар» (Муслим ривояти).

 Лекин ботил аҳллари ва адаштирувчилар Умматни йўқ қилишни хоҳлади. Аллоҳ Субҳанаҳу ўз каломида динимиз душманлари хақида шундай дейди;

قَدْ بدَتِ الْبـَغْضَاءُ مِنْ أَفـْوَاهِهِمْ وَ مَا تخُْفِي صُدُورُهُمْ أَكْبـَرُ قَدْ بـيـَّنَّا لَكمُ الآياتِ إِنْ كُنْتُمْ تـَعْقِلُونَ

– „Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир. Агар ақл юргизсангизлар, сизлар учун оят-аломатларни аниқ баён қилдик“. (Оли Имрон:118)

Бугунги уммат золим мустабидлар зулми остида қай аҳволга тушиб қолгани барчамизга маълум. Агар биз ҳолатни ўзгартирмасак, у шундай давом этаверади, тузумлар ва оммавий ахборот воситалари бизнинг қурбон бўлаётганимиз ҳақидаги хабарларни тарқатаверади. Мусулмонлар эса гўё бир-бирига алоқаси йўқдек тураверади.

 Аллоҳ Таоло ўз каломида мўминларнинг ўзоро дўстлиги хақида шундай дейди;

وَالْمُؤْمِنُونَ وَالْمُؤْمِنَاتُ بـعْضُهُمْ أَوْلِياء بـعْضٍ

– „Мўмин ва мўминалар бир-бирларига дўстдирлар“, (Тавба:71)

وَإِنِاسْتَنصَرُوكُمْ فيِ الدِّينِ فـَعَلَيكمُ النَّصْرُ

– „Агар улар дин йўлида сизлардан ёрдам сўрасалар, ёрдам қилиш зиммангиздадир“. (Аньфол:72)

Дунёнинг барча бурчакларидаги мусулмонлар бошқа одамлардан алоҳида битта Уммат эканликларини тушуниб етишлари ва бу ҳақиқатга иймон келтиришлари, бу шаръий ҳақиқатни маҳкам ушлашлари, унинг асосида ҳаракат қилишлари ва ундан бошқа ҳар қандай иш-ҳаракатни тарк этишлари лозим.

 (Аль-Вайи журналидан фойдаланилди).

Хизб-ут Таҳрирнинг Ўзбекистондаги медиа офиси. Зайниддин

21.02.2019й.