بِسْـــمِ اللهِ الرَّحْمٰـــنِ الرَّحِيـــم

Роя газетаси:

Исломий юртлар ҳукмдорлари Суриядаги қўзғолонни бўғизлашга ҳаракат қилишмоқда

Ҳижрий 1439 йил 21 робиус-соний, милодий 2018 йил 8 январ жума куни Туркиянинг «Ени Шафақ» газетаси сайтида бундай хабар нашр қилинди:

«Махсус маълумотларда Бирлашган Араб Амирликларининг Сурияда қатор суиқасд амалиётларига аралашгани фош этилди. Бу амалиётлар Суриядаги мухолиф жангчи гуруҳлар ичида энг катта ва энг кўп тарқалган «Аҳрори Шом билан Асад режимига қарши қуролли ҳаракатлар ичида энг катта ҳисобланган «Жайшул Ислом» қўмондонларига қарши содир этилган.

Газета бу жамоаларнинг қатор дала қўмондонларигача етиб борган айни суиқасд амалиётлари тафсилотларини қўлга киритган. Унга кўра, «Аҳрори Шом» қўмондонларидан суиқасд қурбони бўлганлар уларнинг раҳбари Ҳасан Абуд ҳамда 45 нафар ҳарбий ва сиёсий етакчилардан иборат бўлган. «Жайшул Ислом»дан унинг қўмондони Заҳрон Аллуш ва бошқа қўмондонлар бўлган. Амирликлар жосуслик хизмати улар ҳақида ва уларнинг қаерда жойлашганлари ҳақида Асад режимига маълумотлар етказиб берган».

Роя газетаси шарҳи:

Сайтдаги хабардан кўриниб турибдики, регионал малай давлатлар Шом қўзғолонига ғоят хавфли бўлиб, барчаси хўжайинлари Америкага нисбатан кескин позиция эгаллаган қўзғолончиларни нишонга олган. Шунинг учун Шомдаги қўзғолончилар ўзларини сурияликларга дўст, дея даъво қилаётган, аслида орқаларидан уларга заҳарли ханжар ураётган бундай ялоқхўр-малай давлатларнинг қанчалар хатарли эканини англамоқлари лозим. Шу боис Туркия, Қатар, Амирликлар ва Саудия каби давлатлар билан алоқа қилаётган гуруҳ етакчиларию Остонага борган барча кимсалар яхши билиб олсинлар: Америка билан унинг малайлари улардан вақтинча фойдаланишади, қачон роллари тугагач, мана шундай тарзда ўлдириб юборишади ёки улардан ҳам итоатгўйроқ ва ихлослироқ етакчиларга уларни алмаштиришади… Шунинг учун бу етакчилар елкаларига олган жавобгарлик юкини ҳис этиб, қўзғолон душманлари билан алоқани узишлари ва ўз қўзғолонлари, умматлари бағрига қайтиш билан Аллоҳ рози бўладиган тўғри қарорни қабул қилишлари лозим.

Роя газетасининг 2018 йил 17 январ чоршанба кунги 165-сонидан