Исломнинг ҳаётимиздаги бугунги ўрни сизни қониқтирадими ёки мўминлик шартини бажаряпсизми?
بِسْمِ اللهِ الرَّحْمٰنِ الرَّحِيم
Исломнинг ҳаётимиздаги бугунги ўрни сизни қониқтирадими ёки мўминлик шартини бажаряпсизми?
Бугунги кунда Ислом мусулмонлар ҳаётида қандай ўрин тутмоқда? Тарихдан маълумки, дини, эътиқоди учун моли тугул, жонини ҳам фидо қилиш мўминлар учун хос ишга айланган. Чунки улар ўз динини ҳаётдаги барча нарсалардан азиз ва муқаддас деб билишган. Ҳаётидаги барча нарсаларидан динини устун қўя олишган. Бунинг сабаби эса, улар Исломни асл моҳияти билан тушунишган. Бугунги кунда эса, ҳатто уламо дея танилган инсонлар ҳам осонгина ўз динини сотишмоқда, мансаб, обрў ёки бойлик учун.
Бугунги ҳаётга эътибор бериб диннинг аҳамияти, қадри қай даражага келиб қолганлиги борасида мулоҳаза юритиб кўрсак. Жамият ҳаётига назар солинса, дин инсонлар ҳаётининг арзимас бир қисмига айланиб қолганлигини кўрамиз. Кимдир бу фикрларимизга эътироз билдириши мумкин. Лекин эътибор берилса, масжиддан ташқаридаги ҳаётнинг қаерида динга мурожаат қилинмоқда? Никоҳ ва яна бир-икки нарсаларни келтириш мумкин, холос. Тўғри, шахсий тарзда кимдир ўз касбида ҳам Исломга риоя қилмоқда, лекин диннинг бундай шахсий тарздаги кўринишини кофирлар яшайдиган юртлардан ҳам топиш мумкин. Яъни бу жамиятда динга муносабатнинг аҳамияти юқори даражада дейилишига сабаб бўлмайди. Аллоҳ Таоло айтади:
مَا أَنْزَلَ اللَّهُ إِلَيْكَ﴾ ﴿وَأَنِ احْكُمْ بَيْنَهُمْ بِمَا أَنْزَلَ اللَّهُ وَلَا تَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ
– “(Эй Муҳаммад), улар ўртасида Аллоҳ нозил қилган нарса билан ҳукм қилинг, уларнинг ҳавойи нафсларига эргашманг ва Аллоҳ сизга нозил қилган ҳукмларнинг айримларидан сизни буриб фитнага солиб қўйишларидан эҳтиёт бўлинг!” (Моида:49)
Биз фитнага солинмадикми?! Жамиятимиз фитна остида эмасми?! Аллоҳ нозил қилган шариатга кимларнингдир ҳавойи нафсига эргашилмаган ҳолатда бизларга етказилганидек, тўлалигича амал қилинмоқдами?!
Нима учун динимиз умумий ҳаётимизда – гарчи биз мусулмон бўлсакда – бу ҳаётнинг арзимас бир бўлагига айланиб қолди? Бу кўриниш жамиятимиз ҳаёти диндан ажралиб қолганлигининг тасдиқи эмасми?! Бу ҳолат капитализмнинг диннинг ҳаётдан ажратилиши, дин бошқа, ҳаёт бошқа каби фикрлари жамиятимиз ҳаётида акс этаётганига далолат қилмайдими?! Барча мусулмонлар бу тўғрисида фикр юритиши шарт. Бу оятга эътибор беринг:
﴿فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجاً مِمَّا قَضَيْتَ وَيُسَلِّمُوا تَسْلِيماً﴾
– “Йўқ, Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича ва кейин сиз чиқарган ҳукмдан дилларида ҳеч қандай танглик топмай, тўла таслим бўлмагунларича-бўйсунмагунларича зинҳор мўмин бўла олмайдилар”. (Нисо:65)
Оятдан мўмин бўлишнинг шартлари қандай эканлиги очиқ-ойдин кўриниб турибди. Бу борада баҳс қилишга ҳожат йўқ. Энди ўрталаримизда чиқадиган келишмовчиликларнинг салмоғини англаб олсак бўлди. Яъни ҳар бир инсонда келиб чиқадиган хоҳ шахсий, хоҳ кўпчилик ўртасидаги муаммолар – келишмовчиликлардир. Бу келишмовчиликлар исталган соҳада келиб чиқиши мумкин. Кўриб турганимиздек, ҳар қандай соҳадаги келишмовчиликларга ёки муаммоларга Росул с.а.в олиб келган шариатни ҳакам қилишимиз зарур экан. Ўзимизга савол бериб кўрайлик. Биз шундай қиляпмизми?! Яъни мўмин бўлишнинг шартини бажаряпмизми?!
Ҳизб ут-Таҳрирнинг Ўзбекистондаги медиа офиси. Абдуллоҳ
01.05.2019й.
