بِسْمِ اللهِ الرَّحْمٰنِ الرَّحِيمِ

Покистон режими Ҳизб ут-Таҳрир аъзоларидан бирини ҳибсга олди

Ҳизб ут-Таҳрир – Покистон вилояти матбуот бўлими нашр қилган баёнотда бундай дейилади:

«Лоҳарда фуқаролик кийими кийиб олган Покистон «терроризм»га қарши кураш хизмати ходимлари Халифалик учун фаолият қилаётган ва IT соҳаси бўйича маслаҳатчи ва минтақадаги нуфузли кишилардан бири, уч фарзанднинг отаси Аршад Жамолни ҳибсга олди. Аршад Жамол Ҳизб ут-Таҳрирнинг Покистондаги расмий нотиғи Навид Батт билан бирга унинг 2012 йил 11 майда ўғирлаб кетилишидан олдин бир неча йил бирга фаолият қилган…

Биз Покистон ҳукмдорларидан ҳисоб сўраш учун Аршад Жамолнинг сўзларидан афзал сўзни тополмадик. Ўшанда Навид Баттнинг ўғирлаб кетилиши ва Аршаднинг қамоққа олиниши ортидан 2012 йил 26 декабрда биродаримиз Аршад бундай сўзларни ўртага ташлаган эди: «Исломнинг сиёсий тузумини ва рошид Халифалик давлатини тақиқловчи бирор асос борми?! Мусулмон юртлари ҳукмдорлари билан Ғарб ўртасидаги яширин ва ошкор тил бириктирувларни фош этиш тақиқланиши керакми?! Покистон аҳли ва Қуролли кучларига қарши тил бириктираётган фуқаролик ва ҳарбий раҳбариятнинг хиёнатларини фош қилиш ман этилиши лозимми?!».

Матбуот баёноти сўнггида Покистон ҳукмдорларга қуйидагича талаб йўлланди:

«Аллоҳга дўст бўлган ва Аллоҳ нозил қилган аҳкомлар билан ҳукм юритишга чақираётган инсонларни Қуръон нозил бўлган шундай улуғ ойда репрессия қилишни дарҳол бас қилинг. Агар зулмингиздан қайтмасангиз, билиб қўйинг, бугун келажак мусулмонларники, шармандалик ва расволик тоғутларникидир. Ўтмишдаги Намруд, Фиръавн ва Қурайш мушриклари дохил мутакаббир аждодларингиз қандай ҳолга тушган бўлса, сизлар ҳам шундай ҳолга тушасиз. Аллоҳ Таоло бундай деган:

﴿إِنَّ الَّذِينَ يُحَادُّونَ اللَّهَ وَرَسُولَهُ أُوْلَئِكَ فِي الأَذَلِّينَ﴾

«Албатта Аллоҳ ва Росули чизган чизиқдан чиққан кимсалар — ана ўшалар энг хор кимсалар қаторидадирлар!»                                                      [Мужодала 20]

Роя газетасининг 2022 йил 27 апрел чоршанба кунги 388-сонидан