بِسْمِ اللهِ الرَّحْمنِ الرَّحِيمِ

Матбуот баёноти

Испания Каталонияси билан Ироқ Курдистони ўртасида нима фарқ бор?!

«TRT арабийя» сайти «Испания ҳукумати Каталония мухториятидаги бўлиниш референдумини тақиқлади» сарлавҳали хабар нашр қилди. Хабарда 2017 йил 1 октябр якшанба куни эрталаб Испания жандарми, аҳолиси 7.5 миллион бўлган ва ўз-ўзини бошқарув чораларидан кенг миқёсда фойдаланаётган мазкур мухториятнинг мустақиллик референдумини тақиқлади. Полиция сайлов участкаларига бостириб кириб, сайлов қутилари ва сайлов варақаларини мусодара қилди. Шунингдек, сайлов марказлари олдида ўтказилаётган фуқаролар митингларини тарқатиб юборди. Испания Ички ишлар вазирлиги бундай «ноқонуний» референдумнинг ўтказилишига асло рухсат бермаслигини таъкидлади.

Шундай экан, сиз Ироқ ҳукмдорлари буни кўриб ибратланинг. Қаранг, улар ўз юртларини қандай бошқаришяпти, жабрдийда бўлган халқларини қандай ҳимоя қилишяпти, ахир, Испания демократик давлат эмасмиди, фикр билдириш ва бировнинг фикрини тинглаш риоя қилинарди-ку?! Аммо хавфни сезишгач, сохта эркинликлар принципларини улоқтириб ташлаб, бўлиниш даъватчиларини тийиб қўйишди, бу билан сизлардан кўра қатъиятлироқ иш қилишди. Айтишларича, қилич китобдаги хабардан кўра ишончлироқ бўлиб, унинг тиғи жиддийлик билан масхарабозлик ўртасини ажрим қилади.

Бунинг акси ўлароқ, сиз ироқлик раҳбарлар эса, юртни душмандан олдин ўзингиз ҳалок қилдингиз, инглизлар ювундихўри Барзонийга ялиниб, бўлиниш референдумини ўтказиш қароридан воз кечишини илтимос қилдингиз. Ваҳоланки, курдларнинг Аллоҳ Азза ва Жалла ҳаром қилган нарсага қўл урган ана шу раҳбари, бошқаларга ибрат бўлсин учун оёқ-қўлига кишан урилишга лойиқ иш қилди… Сиз ироқлик раҳбарлар на Роббингиз шариатидан ҳидоятландингиз, на кофирлар қонунига эргашдингиз…

فَمَا لَكُمْ كَيْفَ تَحْكُمُونَ

«… Сизларга не бўлди – қандай ҳукм чиқармоқдасиз?!»    [Юнус 35]

Айтишларича, қайси юртни душман урушсиз олса, уни таҳқирлаши осон бўлади, сиз раҳбарлар юртга шунга ўхшаган иш қилдингиз…

Ҳизб ут-Таҳрирнинг Ироқдаги матбуот бўлими

Электрон почта: huti53@yahoo.com