بِسْمِ اللهِ الرَّحْمنِ الرَّحِيمِ

Матбуот баёноти

Ҳизб ут-Таҳрир аъзосини ҳибсга олиш ҳукуматнинг эркинликлар иддиоси ёлғонлигини ва унинг Исломга қарши курашаётганини фош этди!

Ҳизб ут-Таҳрир-Судан вилояти томонидан нашр қилинган «Ёқилғи маҳсулотлари билан электр токи нархини қимматлатиш… аҳмоқлик ва қарамлик бўлиб, танг-бахтсиз ҳаётдан ўзга нарса келтирмайди», сарлавҳали варақа тарқатилиши ортидан Судан хавфсизлик ва разведка хизмати  Шарқий Нил минтақасидан биродар Аҳмад Абдулфаттоҳни ҳибсга олди, сўнг шанба куни қўйиб юборди. Сўнг айни варақанинг Шақилоб минтақасида масжидда омматан тарқатилиши ортидан ака-ука Муҳаммад Хомис ва Одил Фараҳларни ҳам ҳибсга олиб, Калокила полиция участкасида уларга нисбатан Судан жиноятлар тўғрисидаги қонуннинг 63-моддаси (зўравонлик ёки жиноий куч орқали давлат ҳокимиятига қарши чиқиш) билан айблов иши очди. Бу варақада қандай зўравонлик ёки куч ишлатиш бўлсин, ахир, унда мазкур нарсалар нархининг нима мақсадда оширилишини фош этиб, Умматга буни тушунтиришдан бошқа нарса бўлмаган бўлса?! Ҳар қандай ақлирасо киши Исломга даъват қилишдек буюк амалга 63-модданинг мутлақо алоқаси йўқлигини тушуна олади. Биродарлар тарқатган варақаларда шаръий аҳкомлар баён қилиниб, одамлар бехабар қолаётган ҳақиқатлар ёритилган ҳамда уларни юрт бошдан кечираётган муаммо ва бўҳронларни Ислом аҳкомлари орқали ечадиган Ислом давлати барпо этишга даъват қилинган.

Ўзларини эркинликлар принципига риоя қилишларини иддио қилувчи хавфсизлик хизмати гумашталари, Ҳизб ут-Таҳрир аъзолари иродаларини ва ҳақ устидаги саботларини синдиришни кўзлаб, йигитларимизни ҳибсга олишди. Ушбу баёнот ёзилаётган пайтда ҳам улар полиция участкасида ушлаб турилган эди. Уларни адлия эътирофи орқали кўрсатма беришга тақдим қилишганини даъво қилишмоқда. Ваҳоланки, ўзлари яхши билишади, йигитларимиз варақа тарқатганларини ҳам, Ҳизб ут-Таҳрирга аъзо эканликларини ҳам эътироф этишган. Бироқ аслида уларни якшанба кун ўтиб, душанба келгунча ушлаб туришни ният қилишган. Бас, ниятлари ҳам, режалари ҳам омадсизликка учрайди, чунки  бу йигитлар бошларига тушган бундай ишлар билан Аллоҳга яқин бўлишни мақсад қиладилар, бироқ золимлар буни қаердан ҳам билишсин!

Биз Ҳизб ут-Таҳрир-Судан вилояти аъзолари, ҳукуматни ва хавфсизлик хизматини Аллоҳнинг қаҳр-ғазабидан огоҳлантирамиз, чунки улар Аллоҳнинг йўлига тўсқинлик қилишяпти, даъватни етказаётган инсонларни золимона ҳибсга олишлар билан қувғин қилишяпти. Уларга айни қилмишлари даъватни етказаётган йигитларимизни фақат қувватларига қувват, саботларига сабот беришини, карами кенг, қудрати улуғ Аллоҳнинг нусрати яқинлигига бўлган ишончларини янада зиёда қилишини таъкидлаймиз.

Шунга эътибор берсинлар, агар Қуръони Каримни ўқиб тадаббур қилсалар, Аллоҳнинг ўтмишдаги тоғутларни зулм ва туғёнга бориб, Аллоҳнинг бандаларига туҳматлар қилганларидан кейин албатта ушлаганини билиб олишади. Аллоҳ Таоло бундай деган:

الَّذِينَ طَغَوْا فِي الْبِلَادِ* فَأَكْثَرُوا فِيهَا الْفَسَادَ * فَصَبَّ عَلَيْهِمْ رَبُّكَ سَوْطَ عَذَابٍ* إِنَّ رَبَّكَ لَبِالْمِرْصَادِ

«Улар юртларида ҳадларидан ошиб, у ерларда бузғунчиликни кўпайтириб юборган эдилар. Шунда Роббингиз уларнинг устига турли азоб-офатни ёғдирди! Шак-шубҳасиз, Роббингиз (барча нарсани) кузатиб тургувчидир»    [Фажр 11-14]

Ҳақиқатдан, Роббингиз туғёну зулм қилиб, инсонлардан Аллоҳнинг шариатини татбиқ этилишини тўсаётган, ҳатто халққа озор бериб, ер юзида барча бузғунчилик ишларини содир этаётган ҳар бир кимсани кузатиб туради. Инсонларга ҳибс қилиш билан озор етказиш ҳам бузғунчиликка киради. Биз карами кенг, қудрати улуғ Роббимиз нусратига қаттиқ ишонамиз ва бизни ҳаргиз таҳдидлар қўрқитолмайди, қамоқлар мақсадимиздан буролмайди.

Иброҳим Усмон (Абу Халил)

Ҳизб ут-Таҳрирнинг Судан

вилоятидаги расмий нотиғи