Матбуот баёноти

Ҳизб ут-Таҳрир – Ливан вилояти делегацияси адвокат Муҳаммад Соблуҳни зиёрат қилди

Ҳизб ут-Таҳрир – Ливан вилояти делегацияси адвокат Муҳаммад Соблуҳни унинг Шом Триполисидаги офисида зиёрат қилди. Зиёратдан адвокатни Ливандаги қийноқлар жиноятини фош қилиш бўйича фаолиятини қўллаб-қувватлаш мақсад қилинди.

Шайх Аҳмад Шамолий ва Ҳожи Муҳаммад Саййиддан иборат делегация Соблуҳдан унинг уч ой давомида судга кириши ҳарбий маҳкама раҳбари томонидан нега тақиқлангани ҳақида маълумот олди.

Адвокат Соблуҳ мусулмон маҳбуслар ва бошқа мазлумларга нисбатан қўлланилган қийноқ усуллари ва адолатсиз ҳукмларни фош қилиш учун ҳаракат қилганини айтиб ўтди. Бундан ташқари, хавфсизлик хизматининг ҳужжатларни сохталаштираётганини ҳам таъкидлади.

Ўз навбатида, делегация Соблуҳнинг саъй-ҳаракатларини тўлиқ қўллаб-қувватлашини, ҳақ сўзни айтиш ва ботил аҳли усулларини фош этишдаги жасоратини қадрлашини билдириб, ҳақ сўзни айтиш, Росулуллоҳ ﷺнинг ҳадиси шарифларида келганидек, Аллоҳ йўлидаги энг афзал жиҳод эканини эслатиб ўтди.

Ўз навбатида, адвокат Соблуҳ ҳам делегацияга бундай эзгу ташриф учун миннатдорчилик билдириб, Ҳизб ут-Таҳрир аъзолари билан алоқани давом эттиришга ваъда берди.

Ҳизб ут-Таҳрирнинг Ливан вилоятидаги матбуот бўлими