Матбуот баёноти

Ҳизб ут-Таҳрир – Ливан вилояти делегацияси депутат Усома Саъдни зиёрат қилди

Ҳизб ут-Таҳрир – Ливан вилояти ўзининг марказий алоқалар қўмитаси аъзоси муҳандис Билол Зайдон ва Сайдо шаҳридаги фаолиятлар қўмитаси аъзоси Ҳасан Наҳҳосдан иборат делегациясини 2024 йил 11 декабр чоршанба куни депутат Усома Саъдни зиёрат қилишга жўнатди.

Делегация Ҳизбнинг турли ҳодисаларга нисбатан, айниқса, Сурия, Ливан ва умуман минтақадаги воқеалар ривожига нисбатан позициясини баён қилди.

Сўнг бир неча масалалар муҳокама қилинди, жумладан:

1 –Сурияда Асад режими қулашининг Ливанга ва минтақага таъсири.

2 –Қаршилик тарафдори сифатида Сурия режимини ҳимоя қилаётган партияларнинг ўз ёндашувларини қайта кўриб чиқишлари кераклиги ҳамда 2011 йилда зулм ва туғёнга қарши ҳақли равишда бошланган Сурия қўзғолонининг асл веқелигини қайта баҳолаш зарурати.

3 –Сўнгги пайтда яҳудийларнинг Ливанга қилган уруши манзарасида Ливандаги сиёсий ўзгаришларнинг ҳақиқати.

4 –Эрон ролининг пасайиши ҳамда яҳудий вужудининг ҳарбий устунлигининг кучайиши сабабли минтақадаги таъсирни қайта шакллантириш режаси аломатларининг кузатилаётгани.

5 –Сурияда юзага келган янги воқеликка хотиржам бўлиб, таслим бўлмаслик. Чунки Америка минтақа ва Ливанда янги воқеликни зўрлаб тиқиштирмоқчи бўляпти, хусусан, ўз манфаатларини рўёбга чиқариш, минтақа бойликларини талон-торож этиш ва яҳудий вужуди хавфсизлигини таъминлашга уриняпти.

Депутат Усома Саъд ва унинг ҳамроҳлари бир нечта масалаларга эътибор қаратдилар, жумладан:

• Суриядаги ўзгаришни ўз халқига зулм қилган золим режимнинг ўзгариши деб қабул қилиш, Сурия қўзғолончиларига нисбатан провокацион сўзларни ишлатмаслик, шу билан бирга, яҳудий вужудининг Сурия ерларида олдинга силжишига ва суриялик халқнинг потенциалларидан саналган армия қуролларини нишонга олишига қарши ҳушёр туриш.
• Суриядаги бу ўзгаришнинг Туркия билан Америка ўртасидаги келишув асосида бўлганига эътибор қаратиш.
• Кўриниб турибдики, яҳудий вужуди билан урушни тугатиш бўйича яқинда имзоланган келишув Ливан учун камситиш ва унинг суверенитетини шу вужудга топширишдир.
• Минтақада воқелик ўзгарганига қарамай, ушбу воқеликка таслим бўлишга ва яҳудий вужуди билан муносабатларни нормаллаштиришга чақирувчи лойиҳа ва таклифларга қарши курашиш кераклиги.
• Ливанда ўзгартириш тарафдори бўлган кучлар билан биргаликда коррупцияга ҳамда Американинг нуфузи ва унга тобеликни ўрнатадиган кучларга қарши туришда давом этиш.

Ҳизб ут-Таҳрирнинг Ливан вилоятидаги матбуот бўлими