Матбуот баёноти

Ҳизб ут-Таҳрир – Танзания Ғазо мудофааси учун мусулмон армияларга мурожаат қилди

Босқинчи яҳудий вужуди АҚШ ва бошқа Ғарб давлатлари қўллаб-қувватлови ҳамда мусулмон юртларидаги малай ҳукмдорлар тил бириктируви ва хиёнати билан Ғазо ва унга қўшни исломий юртлардаги мусулмонларга қарши геноцид, ваҳшиёна қирғин ва зулм кампаниясини бошлаганига бир йилдан зиёд вақт ўтди.

Бунга нисбатан Ҳизб ут-Таҳрир – Танзания 2024 йил 8 ноябрда жума намозидан кейин мамлакатнинг кўплаб ерларида яҳудийлар ваҳшийлигини қоралаб норозилик пикетларини ўтказди. Пикетларда мусулмон юртларидаги, хусусан, Миср, Иордания, Сурия, Туркия ва Саудиядаги армияларни Ғазо мусулмонларига нусрат беришга даъват қилди.

Ҳизб Танзаниянинг Занзибар, Мванза ва Танжа шаҳарларида норозилик намойишларини уюштирди. Улардан энг каттаси Доруссалом шаҳри Тиндил районидаги Ку Биматму масжиди ташқарисида бўлиб ўтди.

Доруссалом шаҳридаги намойишдан сал аввал Ҳизб ут-Таҳрир аъзоларидан бири маъруза қилиб, уламолар ва малай ҳукмдорларга Ғазо мусулмонларининг Ислом Уммати ва армиялари томонидан яҳудий вужуди қирғинига қўйиб берилаётганининг даҳшатли оқибатларини эслатди ва огоҳлантирди.

Дорус Саломдаги норозилик намойиши кўплаб оммавий ахборот воситаларида тилга олинди. Тадбир Ҳизб ут-Таҳрир – Танзания марказий алоқалар қўмитаси раиси шайх Мусо Килионинг Қуръон тиловати ва дуоси билан бошланди. Сўнг Ҳизб ут-Таҳрирнинг Танзаниядаги матбуот вакили Масъуд Муаллим барча исломий юртлар армияларига мурожаат йўллади. Қуйида мурожаат матнини келтирамиз:

Ҳизб ут-Таҳрир – Танзаниядан Миср, Иордания, Сурия, Туркия, Саудия ва бошқа юртларимиз армияларига мурожаат

Эй мусулмон юртларидаги армиялар!

Ғазо вайрон этилди, энди навбат Ливанга келди. Сиз эса қўзғалиш ва уларга ҳарбий ёрдам кўрсатиш учун нимани кутяпсиз?!

Босқинчи яҳудий вужуди АҚШ ва бошқа Ғарб давлатларининг тўлиқ қўллаб-қувватлови ҳамда мусулмон юртларидаги малай ҳукмдорлар тил бириктируви ва хиёнати билан Ғазода геноцид ва ваҳшиёна қирғин содир этиб, уй-жойлар ва инфратузилмани йўқ қилаётганига бир йилдан зиёд вақт ўтди.

Бу душман Ливанда нафақат бундай қирғинларни амалга ошириш билан кифояланди, балки Эрон ва Сурияга ҳам ҳужумлар қилмоқда. Сизнинг сезиларли бирор чора кўрмаётганингиз билан наҳотки бутун Ислом Уммати шунчалик хор бўлса?!

Бир йил давомида сизнинг бутунлай ғафлатдалигингиз билан Фаластин, Ливан, Сурия, Эрон, Ироқ ва Яман дохил олтита исломий юртга ҳужум қилинди.

Бу масаланинг икки томони бор бўлиб, учинчи томони йўқ. Биринчиси, Ислом душманлари қўллаб-қувватлаган томон, иккинчиси Ислом Уммати томони. Хўш, сиз қайси томонда бўласиз?! Уммат билан алоқангиз Исломга иймон келтириш асосида эмасми?! Душманларимиз бошқа мусулмон юртларига ҳужум қилмаслигига ишончингиз комилми?! Хавфсиз эканлигингизга ишонасизми?!

Афсуски, душман қон тўкишдан, ўт очишдан бошқа нарсани билмайди. У ҳеч қачон таслим бўлишни қабул қилмайди.

Ҳисоботларга кўра, Ғазода шаҳидлар сони 43 мингга етган. Бошқа бир қанча манбалар эса 200 мингга етганини айтмоқда. 7 минг ёки ҳисобсиз инсонлар харобалар остида бедарак қолган. 100 мингдан зиёди ярадор. Уй-жойларнинг 80 фоизи вайрон этилган.

Ғазода тирик инсонлар ҳар ерда сарсон-саргардон юрибдилар, уларни чор атрофдан яҳудийлар ўраб олиб, инсонпарварлик ёрдамларининг етиб келишига тўсқинлик қилишмоқда. На егулик бор, на сув ва на хизмат кўрсатиш. Устига-устак тинмай бомбардимон қилинмоқдалар ва очликдан вафот этмоқдалар. Касалхона ва тиббий марказларнинг деярли барчаси вайрон этилган.

Эй мусулмон юртлари қўшинлари, булар сизнинг биродарларингиз эмасми?!

60дан зиёд масжид вайрон этилди. Бу Исломга қарши очилган урушдан бошқа нарса эмас.

Эй мусулмон юртлари армиялари!

Мусулмон учун жанг майдонида жиҳод қилиб нусрат қучишдан ёки шаҳид бўлишдан буюкроқ шараф борми?! Бу ҳолатда жиҳодни тарк этмоқ гуноҳи кабиралардан бири эканини билмайсизми?!

Душман ҳамон мусулмонлар қонига ташна, фақат уйларни вайрон этиш билан тўхтамай, билки заиф аёллар ва болалар паноҳ топган чодирларни ҳам бомбардимон қиляпти.

Эй мусулмон юртлари армиялари!

Биродарларингизга ёрдам беришдан воз кечсангиз, у ҳолда, кимга ёрдам берасиз?!

﴿يَٰٓأَيُّهَا ٱلَّذِينَ ءَامَنُواْ مَا لَكُمۡ إِذَا قِيلَ لَكُمُ ٱنفِرُواْ فِي سَبِيلِ ٱللَّهِ ٱثَّاقَلۡتُمۡ إِلَى ٱلۡأَرۡضِۚ أَرَضِيتُم بِٱلۡحَيَوٰةِ ٱلدُّنۡيَا مِنَ ٱلۡأٓخِرَةِۚ فَمَا مَتَٰعُ ٱلۡحَيَوٰةِ ٱلدُّنۡيَا فِي ٱلۡأٓخِرَةِ إِلَّا قَلِيلٌ * إِلَّا تَنفِرُواْ يُعَذِّبۡكُمۡ عَذَابًا أَلِيمٗا وَيَسۡتَبۡدِلۡ قَوۡمًا غَيۡرَكُمۡ وَلَا تَضُرُّوهُ شَيۡ‍ٔٗاۗ وَٱللَّهُ عَلَىٰ كُلِّ شَيۡءٖ قَدِيرٌ﴾

«Эй мўминлар, сизга нима бўлдики, Аллоҳ йўлида (жиҳодга) чиқинг, дейилса, ўз ерингизга (яъни, юртингизга) ёпишиб олдингиз?! Охират (неъматлари)дан юз ўгириб, ҳаёти дунё (лаззатлари)га рози бўлурмисиз?! Охират олдида бу дунё матоси жуда оз нарса-ку?! Агар (жиҳодга) чиқмасангиз, (Аллоҳ) сизни аламли азоб билан азоблайди ва ўрнингизга бошқа бир қавмни келтиради. Сиз эса У зотга бирон зиён етказа олмайсиз. Аллоҳ ҳамма нарсага қодирдир»  [Тавба 38-39]

Эй мусулмон юртлари армиялари!

Ҳеч нарсадан қўрқманг, чунки бутун Ислом Уммати сиз билан. Шубҳасиз, Аллоҳнинг қўшини мадад ва нусрат қучажак:

﴿فَإِنَّ حِزۡبَ ٱللَّهِ هُمُ ٱلۡغَٰلِبُونَ﴾

«Аллоҳнинг ҳизби-гуруҳигина ғолибдир»    [Моида 56]

Мурожаат матни тамом.

Аллоҳ Азза ва Жалладан Ғазо аҳлига ва ер юзининг мағрибу машриқидаги барча мусулмонларга нусрат бериш билан бизга илтифот этишини сўраб қоламиз, омин.

Масъуд Мусаллим

Ҳизб ут-Таҳрирнинг Танзаниядаги матбуот бўлими раиси