Капитализм мабдасидаги иқтисодий низом хусусидаги хулоса
بسم الله الرحمن الرحيم
Капитализм мабдасидаги иқтисодий низом хусусидаги хулоса
(“Исломда иқтисод низоми” туркумидан)
وَابْتَغِ فِيمَا آتَاكَ اللَّهُ الدَّارَ الآخِرَةَ وَلاَ تَنسَ نَصِيبَكَ مِنَ الدُّنْيَا وَأَحْسِنْ كَمَا أَحْسَنَ اللَّهُ إِلَيْكَ وَلاَ
تَبْغِالْفَسَادَ فِي الأَرْضِ إِنَّ اللَّهَ لاَ يُحِبُّ الْمُفْسِدِينَ
– Аллоҳ сенга ато этган молу давлат билан охиратни истагин ва дунёдан бўлган насибангни унутма. Аллоҳ сенга эҳсон қилгани каби сен ҳам эҳсон қил. Ерда бузғунчилик қилишга уринма, чунки Аллоҳ бузғунчиларни суймас. (Қасос:77)
Биз аввалги мавзуларимизда капитализм иқтисодий тузуми таянадиган асосларга кўз югуртириб чиқиб, бу асослардаги сохталик ва фасодни қисқа тарзда кўрсатиб ўтдик. Бу тузумнинг фасодлиги масаланинг бир томони бўлиб, бошқа томондан эса бу тузум Исломнинг муолажалар-ечимлар борасида тутган тариқати (йўли)га хилоф ва Исломга зиддир.
Унинг муаммоларга ечим беришдаги Ислом тариқатига хилоф эканлигига келсак, бу шундан иборатки, Исломнинг иқтисодий муаммога ечим беришда тутган тариқати-йўли инсоннинг бошқа ҳар қандай муаммоларига ечим беришда тутган тариқатининг ўзгинаси бўлиб, бу тариқат иқтисодий муаммо воқелигини ўрганиб чиқиш, сўнгра шаръий нусусларни ўрганиб чиқиб, бу нусусларнинг шу муаммога мос келишига ишонч ҳосил қилгандан кейин шу нусуслардан бу муаммога ечим излаб топишдан иборатдир. Бу эса капитализмдаги иқтисодий ечим ва ҳукмларга хилофдир. Чунки капитализмда муаммонинг ечими шу муаммони ўрганиб чиққандан кейин шу муаммонинг воқелигидан олинади. Шунинг учун бу низом тутган тариқат ҳам Ислом тариқатига хилофдир. Демак, мусулмон одамнинг бу тариқат берган ечимни олиши асло жоиз бўлмайди.
Энди капитализм иқтисодий низомининг Исломга бутунлай зид эканлигига келсак, бу шундан иборатки, Ислом ўз ечимларини шаръий далиллардан олинган шаръий аҳкомлар бўлганлиги учун олади. Капитализм иқтисодий ечимлари эса шаръий аҳкомлар эмас, балки куфр низомидан олинган аҳкомлар бўлиб, уларга асосланиб нарсалар устидан ҳукм чиқариш Аллоҳ нозил қилмаган нарсалар билан ҳукм чиқариш бўлади. Шунинг учун мусулмон одамга бу ечимларни олиш ҳеч бир жиҳатдан ҳалол бўлмайди. Уларни тўғри, деб эътиқод қилмасдан олиш фосиқлик бўлиб, уларни тўғри ҳукмлар, деб олиш ва Ислом аҳкомларини ҳозирги асрга тўғри келмайди, шунинг учун ҳозирги иқтисодий муаммоларни ҳал қила олмайди, деб ҳисоблаш эса куфрдир. Бундай куфрдан Аллоҳ асрасин.
Кейинги мавзуларимизда сиз азиз муштарийларимизда иқтисод ҳақида янаям тиниқроқ тасаввур ҳосил бўлиши учун Иқтисод мавзусини бошлаймиз, ин ша Аллоҳ.
Ҳизб ут-Таҳрирнинг Ўзбекистондаги медиа офиси. Салоҳиддин
21.11.2017й.
