Матбуот баёноти

Келгинди яҳудийлар қурмоқчи бўлаётган янги тураржойлар яҳудий вужуди алангалатган навбатдаги уруш бўлиб, у қўшиб олиш ва қувиб чиқаришга замин тайёрлайди

Яҳудий мудофаа вазири Исраэл Кац билан молия вазири радикал Бецалел Смотрич томонидан берилган қўшма баёнотга кўра, яҳудий вужуди яна 22 та келгинди яҳудийларнинг янги тураржойларини барпо этади. Бу тураржойлардан баъзилари Ғарбий соҳилнинг ички ҳудудларида, айримлари эса аввал яҳудийлар чиқиб кетган жойларда, яна баъзилари ҳатто Иордания билан чегарадош ҳудудларда жойлашади. Бу қарор хавфсизлик вазирлари кенгашининг янги қарори доирасида қабул қилинган бўлиб, яҳудийлар томонидан Осло келишувидан буёнги энг катта ишғол ҳисобланади. Смотрич ушбу тураржойлар билан фахрланиб, «Навбатдаги қадам – суверенитетдир. Биз бегона ерни эмас, аждодларимиз меросини олдик», деди. Жума куни Исраэл Кац 22 та янги тураржой қуриш ҳақидаги баёнотидан сўнг бундай деди: «Бу – Франция президенти Эммануэл Макрон ва унинг дўстларига очиқ нома: улар Фаластин давлатини қоғозда тан оладилар, биз эса реал воқеликда яҳудий Исроил давлатини қуряпмиз».

Иордания ташқи ишлар ва хориждаги фуқаролар ишлари вазирлиги ўзининг матбуот котиби доктор Суфён Қузот орқали мазкур қарорни қатъий қоралади. Зеро, бу қарор БМТ Хавфсизлик Кенгашининг 2334-сонли резолюциясига зид бўлиб, у 1967 йилдан буён фаластинликлар ерларида демографик таркиб ва ҳудудий табиатни ўзгартиришга қаратилган яҳудий вужудининг барча ҳаракатларини қоралайди. Фаластин маъмурияти ҳам Ғарбий соҳилдаги ишғолни қоралади ва бундай ҳаракатларнинг минтақага зўравонлик келтиришидан огоҳлантирди. Миср ва Британия ҳам келгинди яҳудийларнинг янги тураржойларнинг қурилиши борасидаги ушбу қарорини қоралади.

Иордания ташқи ишлар вазири Айман Сафадий Европа Иттифоқининг ташқи ишлар ва хавфсизлик сиёсати бўйича олий вакили Кая Каллас билан суҳбатда яҳудийларнинг ғайриқонуний ҳаракатлари Ғарбий соҳилда портлаш хавфини келтириб чиқараётганини айтди. У «икки давлат ечими»дан бошқа ечим йўқлиги ва бу тинчликни таъминлайдиган ягона йўл эканини қайд этди. Шунингдек, Сафадий яҳудий вужудининг Ғазодаги ваҳший тажовузи ва систематик очлик сиёсати ҳар қандай чегара ва инсоний меъёрни бузиб ўтганини таъкидлади.

Биз ушбу воқеалар ва яҳудий раҳбарларининг баёнотлари ҳамда араб режимларининг муносабатларига нисбатан қуйидагиларни баён қиламиз:

• Яҳудий вужуди ва унинг раҳбарларининг ниятлари ҳам, амалий ҳаракатлари ҳам ишғолни давом эттиришга, Ғарбий Соҳилни аннексия қилишга ва «Яҳудо ва Самария» деб аталувчи ҳудудда яҳудий давлатини қуришга қаратилган, бунга асло шубҳа йўқ.
• Яҳудийлар икки давлат ечимини истамасликларини ҳамон билдириб келишяпти. Улар амалда бу қоғоздаги давлат учун жой қолдирганлари ҳам йўқ. Бу ечим халқаро тузум ва араб давлатлари ҳукмдорлари томонидан ташкил қилинган сиёсий тил бириктирувдан бошқа нарса эмас.
• Икки давлат ечими хиёнаткор сиёсий ўйин бўлиб, араб режимлари ва Фаластин маъмурияти томонидан яҳудий вужуди билан муносабатларни нормаллаштириш, уни барқарорлаштириш, ўз ҳукмронликларини сақлаб қолиш учун қўллаб-қувватланаётган воситадир. Бу фақат қоғоздаги давлат бўлиб, реал воқеликда мавжуд эмас.
• Келгинди яҳудийларнинг янги тураржойларини кенгайтириш фақат икки давлат ечимини йўққа чиқариш эмас, балки келгусида босиб олиш ва фаластинликларни мажбуран чиқариш режасининг амалий босқичидир. Бу режа икки йилдан бери Ғарбий соҳилда яҳудий вужудининг зўравон ва қирғинбарот машинаси орқали амалга ошириляпти.
• Яҳудий вужудининг такаббурлиги ва истибдоди ортида турган асосий куч Америкадир. Америка бу вужудни ҳукмронликка эришиши ва мавжудлигини давом эттириши учун зарур воситалар билан таъминлаб келмоқда. У, шунингдек, мусулмон ўлкаларидаги ҳукмдор режимларни ўзига бўйсундириб келмоқда. Бу Трампнинг сафарида очиқ намоён бўлди.
• Иордания режими яҳудий вужуди тажовузларини – масалан, Ақсо масжидини топташи, Ғарбий Соҳилдаги ҳужумлари, келгинди яҳудийларнинг янги тураржойлар қуришлари каби қилмишларни – йиллар давомида расман-юзаки қоралаб келмоқда. Кейин эса халқаро тузум ва халқаро ҳуқуққа шикоят қилиб, улардан ечим кутмоқда. Иордания ташқи ишлар вазирининг ўзи халқаро ҳуқуқни «анча вақтдан бери кўмилиб йўқ бўлиб кетган»ини таъкидлаган бўлишига қарамай, уни жорий қилишни талаб қилмоқда. Бу эса Иордания режимининг на муваффақиятли ва на холис эканини, аксинча, яҳудий вужуди билан ҳамкорлик қилаётганини ва Иордания манфаатларини қурбон қилиб, ўз ҳукмронлигини сақлашни устун қўяётганини яққол кўрсатиб турибди.
• Яҳудий вужудининг зулмкор таҳдидлари ва агрессив позициялари қаршисида жиддий ва холис бўлиш лозим. Бу эса Иордания режимидан Аллоҳ Субҳанаҳу ва Таоло амрига итоат қилган ҳолда, суверенитет ва мардликка мос, жиддий қадамлар ташлашни, яҳудий вужуди билан барча алоқаларни узиб, унга қарши душманлик ва уруш ҳолатини эълон қилишни (чунки у биз билан худди шундай тилда гаплашяпти), шунингдек, унинг ёвузликларини кўрмасликка ва эшитмасликка олган халқаро тузумга ҳануз умид боғлаб мурожаат қилиш ва шу орқали ўзини хор қилиш каби ишлардан тийилишни талаб қилади.

Америка, Ғарб ва яҳудий вужуди – мағлуб этилмайдиган ва енгиб бўлмайдиган тақдир эмас. Биз уларнинг мағлубиятларига ҳамда ўз кучлари билан бостириб кирган Ислом юртларидан қўшинларининг қандай қочганига гувоҳ бўлганмиз. Яҳудий вужудининг ўзи ҳам шуни яхши биладики, қачон Аллоҳ Ислом Умматига нусрат ва ғолиблик берса ва у ўз давлатини барпо этса, бу вужуднинг пойдеворларини қулатиб, уни илдизи билан қўпориб ташлашга – ҳатто ҳозирги тузумлар раҳбарлари яҳудийлар билан тил бириктиришаётган бўлсалар ҳам – албатта қодирдир.

Эй мусулмонлар!

Яҳудий вужуди, Америка ва Ғарбдан иборат душманларингиз сизларга қарши тажовузкорликда ва мустамлакачилик лойиҳаларини амалга оширишда, юртларингизни босиб олишда, бойликларингизни талон-торож қилишда, Ғазо, Ғарбий соҳил ва бошқа жойларда аҳолингизни ўлдириш ва қувиб чиқаришда давом этмоқдалар. Яҳудий вужуди бутун Фаластинни эгаллаш орзусида. Шундай экан, агар сиз Халифаликни барпо этишда кечиксангиз, бунинг тўлови жуда қимматга тушади.

﴿وَلَيَنصُرَنَّ ٱللَّهُ مَن يَنصُرُهُۥٓۚ إِنَّ ٱللَّهَ لَقَوِيٌّ عَزِيزٌ + ٱلَّذِينَ إِن مَّكَّنَّٰهُمۡ فِي ٱلۡأَرۡضِ أَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ وَأَمَرُواْ بِٱلۡمَعۡرُوفِ وَنَهَوۡاْ عَنِ ٱلۡمُنكَرِ وَلِلَّهِ عَٰقِبَةُ ٱلۡأُمُورِ﴾

«Албатта Аллоҳ Ўзига (яъни динига) ёрдам берадиган зотларни ғолиб қилур. Шубҳасиз Аллоҳ кучли, қудратлидир. Уларни (яъни мусулмонларни) агар Биз ер юзига ғолиб қилсак – улар намозни тўкис адо этадилар, закотни (ҳақдорларга) ато этадилар, яхшиликка буюрадилар, ёмонликдан қайтарадилар. (Барча) ишларнинг оқибати Аллоҳнинг (измидадир)»                           [Ҳаж 40-41]

Ҳизб ут-Таҳрирнинг Иордания вилоятидаги матбуот бўлими