بِسْمِ اللهِ الرَّحْمٰنِ الرَّحِيم

Матбуот баёноти

Келтириб чиқараётган сабабни муолажа қилиш билан ўзаро жанг оловини ўчиринг

Шом қўзғолони тўрт йилдан зиёд вақтдан бери давом этаётган бўлса, шу кунгача жангчи гуруҳлар кўп марта, хилма хил ном ва йўналишда бир-бирларига қарши жанг қилишди. Бу ўзаро жанглар ҳар сафар ҳар турли баҳоналар билан бошланиб, уларнинг бадалини фарзандларимиз ўзларининг бебаҳо қонлари билан тўламоқдалар. Жангчи гуруҳларнинг бундай манфур ўзаро жангларига кўп нарса сабаб бўлган. Чамаси, шу сабабларнинг асосийси, гуруҳ етакчиларининг «қўллаб-қувватловчи» давлатлар билан алоқа қилганлари бўлса керак. Бу давлатлар гуруҳларни бўлиб ташлашга, бир неча амалиётлар орқали уларнинг бирлашишини олдини олишга уринишди ва ўз навбатида, бу уларнинг бир-бирлари билан низолашишларига, қирпичоқ бўлишларига олиб келди. Агар шундай давом этаверсалар, албатта заифлашиб, куч-қувватлари кетади. Аллоҳ Таоло бундай деди:

وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ

«(Ўзаро) низолашмангизки, у ҳолда сустлашиб, куч-қувватингиз кетур»  [Анфол 46]

Гуруҳларнинг бир-бирларига қарши жанг қилишлари сабабларидан яна бири «қўллаб-қувватловчи» давлатлар буйруғи бўйича ҳаракат қилишга олиб борган сулҳ битимидир. Мана шу битим бўйича ҳаракат қилиш гуруҳ етакчиларининг Шом тоғутига қарши курашаётган ўз биродарларига қарши жанг қилишларига, душманлари билан эса, тинчлик ўрнатишларига олиб келди.

Жангчи гуруҳларда исломий ақидадан балқиб чиқувчи аниқ-тиниқ сиёсий лойиҳа йўқ. Зеро, бу лойиҳа мавзудаги хираликни кетказиб, ноаниқ мақсадларни йўқ қилади. Шунингдек, улар онгли холис сиёсий етакчиликка эргашишмади. Чунки бу етакчилик қўзғолон кемасини Ғарбнинг тил бириктирувлари денгизида ғарқ бўлишдан қутқариб қолиш ва кема штурманини жиловсиз шиддатли тўлқинлар узра маҳкам ушлаб, кемани нажот қирғоғига элтиш жавобгарлигини ўз зиммасига олганди. Яна бу гуруҳлар ғарбпараст «қўллаб-қувватловчи» давлатлар режаларини ижро этишдан ўзларини четга олишмади. Чунки бу режалар қўзғолон оловини ўчириб, уни Американинг қул бозорида сариқ чақага сотиб юбориш билан тугайдиган режалар эди. Буларнинг барчаси албатта ёмон оқибатга, қўзғолонни қўзғолон аҳли қўли билан бузиб-вайрон этилишига олиб боради. Бу Ғарб давлатлари ва исломий юртлардаги улар ясаган қўғирчоқ ҳукмдорлардан иборат Аллоҳнинг душманлари режасининг айнан ўзидир. Бу энг катта жиноятдир.

Эй муборак Шом заминидаги мусулмонлар!

Шубҳасиз, сиз мусулмонларнинг бир-бирларига қарши жанг қилишлари, нақадар улкан ҳаром амал эканини яхши биласиз. Унинг сабаб ва оқибатларини ҳам билиб турибсиз. Шунингдек, сизга қарши қандай фитна тўрлари тўқишаётганини, қўзғолонингизни нима қилишмоқчи бўлишаётганини ҳам англайдиган бўлиб қолдингиз. Демак, ҳар бирингиз тўкиш ҳаром ҳисобланган қонлар тўкилишини тўхтатиб қолиш учун бор кучингизни аямай ҳаракат қилмоғингиз, унинг сабабларини муолажа қилиб, ёмон оқибатларидан сақланмоғингиз даркор. Бас, фарзандларингизни бир-бирларига қарши жанг қилишдан тийиб, барчаларини ҳаққа эгиб қўйинг. Чунки Шом қўзғолони кўплаб гуруҳ раҳбарларидаги масъулиятсизликка энди тоқат қилолмайди. Аллоҳ Таоло бундай деди:

وَاتَّقُواْ فِتْنَةً لاَّ تُصِيبَنَّ الَّذِينَ ظَلَمُواْ مِنكُمْ خَآصَّةً وَاعْلَمُواْ أَنَّ اللّهَ شَدِيدُ الْعِقَابِ 

«Сизлардан фақат золим кимсаларнинг ўзигагина етмай (балки барчага етадиган) балодан сақланингиз! Ва билингизки, албатта Аллоҳнинг азоби қаттиқдир»    [Анфол 25]

Ҳизб ут-Таҳрир-Сурия вилояти матбуот бўлими

Skype: TahrirSyria

Электрон почта: media@tahrir-syria.info – ahmadabdalwahab2@gmail.com

Сурия вилояти расмий сайти: www.tahrir-syria.info

+1

0