Ким айбдор?

بسم الله الرحمن الرحيم

31 март куни соат 12:19 да Андижон вилояти Избоскан тумани Мирзо Улуғбек МФЙ ҳудудида жойлашган Аҳмадали Хўжа жоме масжидида ҳаво-газ аралашмасининг чақнашидан портлаш содир бўлган. Маълум қилинишича, масжиднинг таҳоратхона биноси ертўласида иситиш мосламаларига уланган газ қувурларидан сизиб чиққан табиий газ хона ичига тўпланиб қолиши натижасида, электр энергияси ёқилган вақтда чақнаш содир бўлиб, бино қулаб тушган. Натижада бино ичида бўлган 10 нафар шахс турли даражада тан-жароҳатлари олган ва 3 нафар шахс воқеа жойида вафот этган. Мазкур ҳолат юзасидан Андижон вилоят прокуратураси томонидан Ўзбекистон Республикаси Жиноят кодексининг 205-, 259-моддалари билан жиноят иши қўзғатилиб, дастлабки тергов ҳаракатлари олиб борилмоқда.

Водийда бўлиб турган Бош вазир ўринбосари Очилбой Раматов ҳамда Фавқулодда вазиятлар вазири генерал-майор Ботир Қудратхўжаев Избоскан туманига етиб борган. Кейинроқ Ўзбекистон мусулмонлари идораси раиси, муфтий Нуриддин Холиқназар ҳам воқеа жойига жўнаб кетган. Шунга қарамасдан, Ўзбекистон ҳукумати вафот этганлар оилаларига таъзия билдирмади. Ваҳоланки, Ўзбекистон ташқи ишлар вазири Бахтиёр Саидов Фаластин заминида болалар, гўдаклар ва аёлларнинг таналарини тонналаб бомбалар билан тилка-пора қилаётган жиноятчи яҳуд вужудининг Ўзбекистондаги элчиси Гидеон Лустигга раввин Цви Коганнинг вафоти муносабати билан “чуқур ҳамдардлик” билдирганди. Ўзбекистон президенти эса, яҳуд вужудини ҳар томонлама қўллаб-қувватлаётган Американинг марказий ва жанубий штатларида рўй берган торнадолар оқибатида  инсонлар қурбон бўлгани муносабати билан президент Дональд Трампга таъзия мактуби йўллаган эди. Энди Ўзбекистонда аҳолига газ ўрнига ҳаво-газ етказилишига келсак, бунинг бир неча сабаблари бор:

1. Газ танқислиги: Ўзбекистонда аниқланган 118 та газ конлари мавжуд бўлиб, газ захиралари 1,86 триллион куб метрдан ортиқ деб баҳоланади. Газ саноатини, асосан Россия, шунингдек, Хитой эгаллаган. Шу даражага етдики, Ўзбекистон ўз газини Россиядан сотиб оладиган бўлди. Ҳожаларини “сув текин”га газ билан таъминлаётган Ўзбекистон ҳукумати ўз аҳолисига газ етказишда танқисликка учраб, ўрнини ҳаво билан тўлдирмоқда.

2. Газ инфратузилмасининг эскирганлиги: Газ қувурлари ва тарқатиш тизимларининг аксарияти собиқ совет давридан қолган эскирган ва таъмирталаб ҳолатда. Ҳукумат эса, аҳоли солиқларидан йиғилган бюджет маблағларини халқ манфаатига эмас, балки мустамлакачи давлатлар манфаатига хизмат қиладиган саммит ва учрашувларга, кўнгилочар тадбирларга сарфламоқда.

3. Статистик маълумотларга кўра, Ўзбекистонда чет эл сармояси иштирокида 15503 та, шундан 11492 таси хорижий, 4011 таси эса қўшма корхоналар фаолият кўрсатади. Шулардан 3576 таси Хитойга, 3016 таси Россияга тегишли. Бу корхоналар юртимизнинг “сув текин” хомашёси ва халқимизнинг арзон меҳнати эвазига арзон маҳсулот ишлаб чиқариб, уни жаҳон бозорида қиммат нархга сотади, яъни сармоячилар фақат ўзларининг чўнтагини семиртиради, холос. Мана шу корхоналарни узлуксиз тоза газ билан таъминлаш ҳисобига аҳолига етказиладиган газ босими ҳаво билан ушлаб турилади.

Ҳаво-газ аралашмаси газ сифатининг ёмонлашишига олиб келиши билан бирга, унда ёнувчанлик ва портлаш хавфи ҳамда заҳарланиш хавфи кучли бўлади. Интернет саҳифаларида газ портлаши ёки ундан заҳарланиш ҳодисалари кундалик хабарлар қаторидан жой олганлиги ҳақиқатдир.

Бу ҳодисалар оқибатида бир йил давомида юздан ортиқ одамлар вафот этиб, юздан ортиғи жароҳат олаётгани ҳам бор гап. Устига-устак газ ҳисоблагичлар ҳавони ҳам ёзиб борар экан, халқимиз ҳаво учун пул тўлаб келмоқда. Буларнинг барчасига айбдор бўлган Ўзбекистон ҳукумати эса, бамайлихотир айбни ўзидан бошқага юклаши одатий ҳолга айланган.

Биз Аҳмадали Хўжа жоме масжидига ибодат қилиш учун келиб, портлаш оқибатида вафот қилган диндошларимизнинг охиратдаги манзили жаннат бўлишини Роббимиздан сўраймиз ва яқинларига сабру жамил тилаймиз.

Шу билан бирга, шариатимизга кўра халқимизнинг мулки ҳисобланган газ ва бошқа бойликларини фақат мусулмон халқимиз манфаатига сарф қиладиган, мустамлакачи кофир давлатлар эгалик қилишига йўл бермайдиган Рошид Халифалик Давлатини тиклаш учун ҳаракат қилаётганларни ҳар томонлама қўллаб-қувватлашга чақириб қоламиз. Аллоҳ таоло айтади:

يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ ۖ

– “Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни динга) даъват қилар экан, уни қабул қилинглар”.                                                                      (Анфол:24)

Ҳизб ут-Таҳрир Ўзбекистон матбуот бўлими аъзоси Иззатуллоҳ

06.04.2025й