بِسْمِ اللهِ الرَّحْمٰنِ الرَّحِيمِ

АҚШ ва Толибон

Ким ютдию ким бой берди?!

Устоз Мўътазбиллаҳ Ашқар

Яқинда Толибон ҳаракатининг АҚШ билан имзолаган келишуви ҳаракатнинг жон томирига қаттиқ зарба бўлди, унинг барқарор мақсадларига путур етказди. Чунки Толибон Америка зиёнига ҳеч кимга ёрдам бермасликка, Афғонистонда Америкага қарши ҳеч қандай ҳарбий операция бўлмаслигига ваъда берди. Бу билан Аллоҳ Таолонинг

﴿وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ﴾

«Агар улар дин йўлида сизлардан ёрдам сўрасалар, ёрдам қилиш зиммангиздадир»                                                                            [Анфол 72]

деган каломига ҳамда Росулуллоҳ ﷺнинг

«الْمُسْلِمُ أَخُو الْمُسْلِمِ، لَا يَظْلِمُهُ، وَلَا يَخْذُلُهُ»

«Мусулмон мусулмоннинг биродаридир, унга зулм қилмайди, уни ёрдамсиз қолдирмайди», деган сўзларига зид иш қилди.

Масалан, Покистон аҳли Америка қўлида қатли омга учраса, ушбу келишувга кўра, Толибон уларга ёрдам бермайди, балки қирғин қилинишига қўйиб беради. Бу келишувдан сўнг Толибоннинг бирор мусулмонга нафақат ёрдам бериши тақиқланди, балки Толибондан агар мусулмон унинг келишувига қарши чиқса, уни ўлдириш ҳам талаб қилинди!! Бу биринчидан.

Иккинчидан, мусулмон кофир билан ярашиши ва ўрталарида кофирга тинчлик, мусулмон биродарига эса зарар келтирадиган шартнома имзоланиши ножоиздир. Чунки мусулмонлар бошқа кишиларсиз бир умматдирлар, тинчликлари ҳам бир, урушлари ҳам. Ораларидан бирортаси уруш ва тинчликда алоҳида бўлиб олиши ҳаргиз мумкин эмас. Бундай ҳолни мусулмонларнинг устидан битта инсон ҳукм юритган, уруш ва тинчликни эълон қилиш фақат унинг қўлида бўлган замонларда ҳеч ким тасаввур қилмаган эди.

Америка мусулмон юртларимизни босиб олган капиталистик мустамлакачи давлат, бунга асло шубҳа йўқ. У билан фақат уруш ҳолатида муомала қилинади. Америкаликлар ҳам, Фаластин босқинчилари яҳудийлар ҳам баб-баробар. Агар Толибоннинг Америкага қарши жанг қилиш қўлидан келмаса, бу биз билан Америка ўртасида уруш ҳолати йўқ эканини англатмайди. Ваҳоланки, Толибон Американи тупикка олиб киришга ва мусулмонларга бўлган адоватини тўсиб, бурнини ерга ишқашга ўн тўққиз йил давомида қодир бўлиб келди. Америка Толибон билан ўзининг тарихида энг узоқ вақт курашди ва минглаб аскарлари ҳалок бўлди ва жароҳатланди. Бунинг устига, АҚШ Афғонистон урушида юз миллиардлаб доллар зиён кўрди. Америка Обама замонидан бери чираниб, Афғонистондан ўз обрўси билан, ҳеч бўлмаса ҳайбатини сақлаб чиқишга уринди ва такаббур давлат бўлгани учун мағлуб аҳволда чиқишни истамади.

Толибоннинг бундай шармандали имзоси чўкаётган Америка учун қутқарув чамбараги бўлди. Чунки Америка шу орқали бутун йўқотган эътиборини тиклашга, шармандаликдан қутулишга уриняпти. Агар Толибон ҳаракати сиёсатга ва Афғонистон ичкарисида одамлар ишларини бошқаришга киришадиган бўлса, америкапараст давлатлар сонини яна биттага кўпайтирган бўлади. Бунинг сабаби сиёсатга киришишнинг хатолигидан эмас, балки унинг иши сиёсатдан иборат бўлмаганлиги ва аъзоларини сиёсат билан тарбияламаганидандир. Шунинг учун ҳам куни кеча Трамп чиқиб, «Америка Афғонистонда ўнлаб йиллар давомида полициянинг ишини қилди», деди ва бунинг ажабланарли ери йўқ. Яъни, у – биздан бошқа полициячилик вазифасини қиладиганлар топилмагунича Афғонистондан чиқиб кетмаймиз, демоқчи.

Хўш, полициячилик ролини ким қилиши мумкин, Толибон ҳаракатими?!

Америка мусулмон юртларида рақобатчисиз яккаҳокимлик сиёсатини олиб бормоқда ва бу янгилик эмас, ҳамма ерда шуни қўллайди. Ҳозирда у Толибон каби исломий ҳаракатлардаги Уммат фарзандларига нисбатан ҳам шундай қиламан, деб ўйлаяпти, бироқ янглишади. Чунки улар тилларидан Қуръон тушмайдиган, юртлари ва тупроқлари учун мустамлакачи кофирга қарши жангу жиҳод қилиб лаззатланадиган фарзандларимиздир. Шу боис, картон давлатчалар қаторига Америкага хизмат қилувчи яна бир янги давлатга айлантириш, ақлга ҳам тўғри келмайди, Исломга ҳам. Чунки аслида мусулмон ўлкалари битта бўлиб, мусулмонлар уруши ҳам, тинчликлари ҳам баробардир. Шунча йиллар жиҳод қилиб, жангоҳларда пишиб етилган моҳир мужоҳидлар, битта келишув биланоқ ҳаргиз жиҳодларини тўхтатиб, ўз биродарларини ёрдамсиз ташлаб қўймайдилар. Чунки бутун олам мусулмонлар билан минг бир ўлчов билан ҳисоблашмоқда. Бу мусулмонларнинг давлатлари йўқ пайтидаги ҳол, эртага уларнинг ўз давлат ва вужудлари бўлса, нима бўлади, тасаввур қилаверинг! Ҳозирда бутун дунё, асосан Америка ҳам сиёсий, ҳам иқтисодий жиҳатдан бутунлай орқага кетмоқда. Ислом ва унинг давлати бугунги тузумларнинг амалий меросхўри бўлишини бутун дунё номзод қилиб кўрсатмоқда.

Шубҳасиз, Толибон ҳаракати Америка билан келишув имзолаш билан асосий ютқазувчига айланди. Эҳтимол Толибон бу келишув билан асирларимизни Афғонистон қамоқларидан озод қилишга муваффақ бўлдик, деб ўйлаётгандир ва уларга айрим шаръий аҳкомларни татбиқ этиш рухсат ҳам берилар балки. Бироқ бу нарсалар на Америкага зарар етказсин ва на Ғарбга. Бу америкапараст малай давлатнинг табиатини ҳам асло ўзгартирмайди, балки бу кўзбўямачиликдан ўзга нарса эмас. Бироқ сиёсий киши Толибон ҳаракатининг ютқазиши унинг Америка билан келишув имзолаганидир, деб билади. Чунки бу ҳаракат ҳам ўзининг принципини йўқотди, ҳам ер юзидаги энг кучли бир давлатга қарши қилган жиҳодий тарихини қўлдан бой берди. Ахир, Толибон бу давлатнинг бурнини ерга ишқаганди ва ўзи билан нусрат ўртаси жуда яқин қолиб, фақат сабр қилса кифоя эди. Тарихда мустамлакачи кофирни ўз юртидан чиқариб ташлашга муваффақ бўлган ҳаракат, дея қайд этилган бўлар эди. Бироқ Толибон эртага Афғон конституциясини тузишда – агар у ҳақида чиройли гумон қилинганда – Ашраф Ғанига шерик бўлиши ва ички сиёсатда Исломнинг бир қисмини татбиқ этиши, ташқи муносабатлар эса ғайриисломий асосда қолиб кетиши мумкин. Шундай бўлгач, буни қандай ғалаба ва ютуқ дейиш мумкин?!

Толибон орасидаги ақлирасо ва холис инсонлар ўз раҳбарларига тўғри йўл кўрсатмоқлари даркор. Толибон тарихдан сабоқ олиб, тушуниб етмоғи зарур, акс ҳолда, Американинг тузоғига илиниб, тайёр ўлжасига айланади. Америка мусулмон юртларидаги қуролли ҳаракатларнинг энг кучлиги бўлган Толибонни зарарсизлантирди ва уни ҳам бир пайтлар ўзига қарши қурол кўтарган илгарги исломий ҳаракатлар қаторига қўшди. Толибоннинг айни келишув билан Афғонистон ичкариси ва ташқарисидаги ўз биродарларидан воз кечгани, унинг пешонасига қиёмат кунидаги шармандалик тамғаси қолади. Ким билади, Аллоҳ сақласин, эртага бу Толибон «терроризм»га қарши кураш дастаги остида ўз биродарларига қарши қурол кўтариши ҳамда Американинг вакили сифатида жанг қилувчи давлатга айланиши ҳам мумкин, худди Ливия ва Яманда қуролли гуруҳлар шундай қилишаётгани каби!!

Ҳа, Толибон жуда аламли қилмишга қўл урди. Унинг бу иши йиллаб ўзи тўқиган нарсасини пишиқ-пухта бўлганидан кейин чуваб, бузиб ташлаган хотиннинг ишига ўхшади. Агар у халқаро позиция ва мувозанатнинг ўзгараётганига ақлини ишлатиб кўрганда эди, қуйидагиларга гувоҳ бўлган бўлар эди: Бугун Америка ва Ғарбнинг омад юлдузи сўна бошлади, ҳалокат қирғоғига келиб қолишди. Бутун олам Америка, Ғарб ва унинг ақидаси замонидан бошқа бир замоннинг келишига муштоқ бўлиб турибди. Ҳатто капиталистик ақида, тузум ва унинг қонунлари сўнгги нафасини олмоқда, десак ҳам муболаға қилмаган бўламиз. Яқин орада, Аллоҳнинг изни ила, олам янги мабда барпо бўлганини ва янги ақида ҳукмронлик қилишига гувоҳ бўлади ва бу Халифалик давлатисиз асло амалга ошмайди. Кофирлар бугун Халифаликнинг ҳарфларидан ва сўзларидан ҳам қўрқиб-титраб қолишган. Демакки, Толибон ҳаракати Аллоҳ Субҳанаҳунинг қуйидаги оятларини диққат билан ўйлаб кўрмоғи даркор:

﴿وَأَلَّوِ اسْتَقَامُوا عَلَى الطَّرِيقَةِ لَأَسْقَيْنَاهُم مَّاء غَدَقاً﴾

«Агар улар (Тўғри) йўлда устувор турганларида эди, албатта Биз мўл ёмғир билан суғорган бўлур эдик»                                                                 [Жин 16]

﴿وَلاَ تَهِنُواْ فِي ابْتِغَاء الْقَوْمِ إِن تَكُونُواْ تَأْلَمُونَ فَإِنَّهُمْ يَأْلَمُونَ كَمَا تَأْلَمونَ وَتَرْجُونَ مِنَ اللّهِ مَا لاَ يَرْجُونَ وَكَانَ اللّهُ عَلِيمًا حَكِيماً﴾

«Бу кофир қавмни қувишда сусткашлик қилмангиз! Агар қийналаётган бўлсангизлар, улар ҳам сизлар қийналганингиздек қийналмоқдалар. (Шу билан бирга) сизлар Аллоҳ томонидан улар умид қилмаган нарсани умид қилмоқдасизлар-ку?! Аллоҳ билим ва ҳикмат эгаси бўлган зотдир» [Нисо 104]

Биз Аллоҳ Субҳанаҳудан Толибон орасидаги холис инсонларни рушду ҳидоятга етаклашини сўраб қоламиз.

Роя газетасининг 2020 йил 1 апрел чоршанба кунги 280-сонидан