بِسْمِ اللهِ الرَّحْمٰنِ الرَّحِيمِ

Форс кўрфази ҳукмдорлари яҳудий вужуди билан муносабатларни нормаллаштиришда ўзаро мусобақалашишмоқда

Муҳандис Боҳир Солиҳ

Ҳизб ут-Таҳрирнинг муборак Фаластин

заминидаги матбуот бўлими аъзоси

Мусулмон юртлари ҳукмдорлари, шу жумладан, Форс кўрфази ҳукмдорлари Фаластин масаласини яҳудийлар фойдасига йўқ қилишда асосий воситадир, деб айтиш камлик қиладиган бўлиб қолди. Чунки улар бу ишда бир-бирлари билан мусобақалашишмоқда… Эҳтимол, Вашингтон ёки Лондондан келадиган олий фармонларни бажаришда, баъзи тафсилот ва ўзгаришларга амал қилишда секин ҳаракат қилишаётгандир. Бироқ, Фаластин масаласини босқинчи фойдасига йўқ қилишда бир-бирлари билан келишиб, тил бириктириб олишган.

Шу нуқтаи назардан, Форс кўрфази давлатлари ҳамкорлиги кенгашининг ўтган чоршанба кунги йиғинида уларнинг позицияси «Фаластин масаласига биринчи навбатда aраб вa мусулмонлар масаласи сифатида ёндашишда қатъий экани ҳамда 1967 йил 4 июндаги чегараларда ва пойтахти Шарқий Қуддус бўлган мустақил Фаластин давлатини барпо этишда қўллаб-қувватлашлари» ҳақида айтилди.

Ушбу баёнот яҳудийларнинг Ақсо масжидига қарши содир этган тажовузларига жавоб сифатида келиб, Фаластин масаласи учун ижобий ва қўллаб-қувватловчи баёнот бўлиб кўринаётган бўлса-да, бироқ Кўрфаз давлатлари ҳукмдорларининг шармандали позицияларини фош қилмоқда. Чунки бу баёнот пойтахти Шарқий Қуддус бўлган 1967 йилги чегаралардаги Фаластин давлати ҳукмдорлар томонидан қўллаб-қувватланишини кўрсатиб турибди. Бошқача ибора билан айтганда, бу ҳукмдорлар Фаластиннинг озод этилишини ҳам, яҳудийларнинг у ердан чиқарилишини ҳам қўллаб-қувватлашмаяпти, аксинча, яҳудийларнинг ушбу муборак заминдан 80 фоизидан зиёдини эгаллашларига, Қуддуснинг Шарқий ва Ғарбий Қуддусга бўлинишига, яҳудийларга шарқий эмас, балки ғарбий майдон тортиқ қилинишига имкон беришяпти. Яъни бу Фаластиннинг тўртдан бир қисмида «фаластин», деган заиф давлатча қурилиши эвазига бу заминнинг тўртдан уч қисмидан ва Қуддусдан воз кечишни англатади. 1959 йилда АҚШ маъмурияти томонидан тасдиқланган Американинг эски лойиҳаси мана шу. Ўшанда АҚШ маъмурияти можарони яҳудийларни Фаластинда ғолиб қиладиган ҳамда унинг хавфсизлиги ва барқарорлиги Ислом Уммати томонидан таъминланадиган тарзда ҳал қилган эди.

Ҳукмдорларнинг Фаластин масаласи aраблар вa мусулмонларнинг биринчи галдаги масаласи, деган гапларига келсак, агар бу халқлар ва инсонлар ҳақида айтилаётган бўлса, ҳа шундай. Бундай бўлиши табиий, чунки Фаластин, Қуддус ва Ақсо мусулмонларнинг қалби тўридан жой олган ва булар билан бўлган алоқалари Ислом, Муҳаммад ﷺ ва Исро сураси билан бўлган алоқаларидан балқиб чиққан. Мустамлакачилар, яҳудийлар ва анави ҳукмдорлар томоғига санчилган суюк ҳам мана шу. Аммо мазкур гапни ўзларининг биринчи галдаги масаласи, деган маънода айтишаётган бўлса, бу очиқ уйдирма ва ғирт ёлғондир. Чунки уларнинг эскию янги ва янгиланувчи позициялари фақат мустамлакачи манфаатини таъминлашга ва Фаластин масаласига ёрдам бермай, уни йўқ қилишга олиб келмоқда.

Бунга энг яққол далил, яқинда яҳудийлар билан очиқдан-очиқ нормаллашув кампанияси олиб борилди ва унда Кўрфаз ҳукмдорлари яҳудийларнинг Фаластин аҳлига тинмай ҳужум қилаётганларига парво ҳам қилмай, кампанияда юзсизлик ва расволик билан фаол қатнашишди. Ҳолбуки, яҳудийларнинг бу қилмишлари чор атрофга, осмону фалакка етиб, ҳеч кимга сир бўлмай қолган.

Ҳа, бу ҳукмдорлар, шу жумладан Кўрфаз ҳукмдорларининг Фаластин масаласига қарши охирги йилларда қанчалар тил бириктиришаётгани яққол маълум бўлиб қолди. Масалан, улар Фаластин масаласини йўқ қилишга ҳисса қўшиш учун ўз алоқаларини ва Умматдан тортиб олган пулларини сарфлашди. Яъни бир томондан, босқинчи вужуд билан яширин ва ошкора алоқалар ўрнатиб, бу билан савдо ва техника жиҳатидан уларнинг мусулмон юртларига кириб боришларига йўл очиб беришаётган бўлса, иккинчи томондан, Ғазо ва Фаластин маъмуриятидаги айрим фракциялар билан алоқа қилиб, муборак замин аҳлини тиз чўктириш ва қаршилик ҳаракатларини «тарбиялаш» устида ишлашмоқда.

Дарҳақиқат, АҚШнинг бугунги ва кечаги маъмуриятлари ўзларининг тополмаётган нарсаларини мана шу Кўрфаз ҳукмдорларида топишди. Айниқса бу ҳукмдорлар Американи розилигига эришиш учун елиб югурадиган бўлиб қолишган. Буни ё Америкага малай эканликларидан келиб чиққан ҳолда ёки Америкага бир нарса умидида ва қўрққан ҳолда эргашаётган қари инглиз хўжайинларининг буйруғига риоя қилган ҳолда амалга оширишяпти. Зеро, Трамп қудратдалик пайтида Кўрфаз давлатлари ҳукмдорларидан жирканчли суратда фойдаланиб, молларини талон-торож қилган ҳамда миллиардлаб пулларини қурбон қилишга мажбурлаган эди. Шундан кейин улар билан «Абраҳам», деган келишув доирасида яҳудийлар билан алоқаларни ошкора нормаллаштириш кампаниясини бошлади ҳамда уларни нормаллаштириш ва Яқин Шарқдаги режаларини амалга ошириш томон судради. Байден келгач, Амирликларга яҳудийлар билан алоқаларни нормаллаштириш ролини, Қатарга эса, Ғазо, қаршилик ҳаракатлари ва уларнинг етакчиларини назорат қилиш ролини топширди. Яҳудийларга ялтоқлик қилиш, уларни зиёрат қилиш, улар билан ярим нормаллашиш Саудия ҳукмдорларига, очиқ-ошкор нормаллашиш Баҳрайн ҳукмдорларига топширилди. Тез-тез алоқалар ва зиёратлар содир бўлаётгани хабари Уммон султонлигидан ҳам сизиб чиқмоқда… Буларни айтиб-санаб тугатиб бўлмайди. Кўрфаз ҳукмдорлари нормаллашишда ҳам, Америка ва яҳудийларнинг минтақадаги лойиҳаларини бажаришда ҳам пешқадамлик қилишди.

Хуллас, Форс кўрфази ҳукмдорлари Миср, Иордания, Туркия, Марокаш ва Тунис ҳукмдорлари каби мустамлакачи Ғарбнинг шахмат ўйинидаги пиёдаларидир. Америка бошчилигидаги Ғарб бундан ўн йиллар аввал муборак заминда яҳудийларни ҳукмрон қилиш зарурлиги бўйича ҳамда Ислом Уммати қалбида ўзининг хавфсизлиги ва мавжудлигини кафолатлаш учун муҳит ва муносабатларни тайёрлаш кераклиги тўғрисида қарор қабул қилиб бўлган. Шу боис, биз Ғарб талаб қилган пайтда ҳукмдорларнинг содиқлик ва итоат кўрсатиш учун бир бирлари билан беллашаётганига гувоҳ бўляпмиз. Шунингдек, яҳудий вужуди билан муносабатларни нормаллаштириб, алоқа боғлашаётганига, ердан воз кечиш ҳамда бўлиб ташлаш ва парчалаш лойиҳаларини илгари суришаётганига, мустамлакачилик ва яҳудий вужудига бир оз ноқулайлик ва безовталик туғдирадиган позициядан ҳам ўзларини тийишаётганига гувоҳ бўляпмиз. Шунинг учун яқинда уларнинг яҳудийлар ҳужумларини қоралашлари ҳам энг юмшоқ шаклда бўлди… Чунки улар яҳудийлар ва Ғарб билан қалбда ҳам, қолипда ҳам бир хилдирлар.

Аммо Фаластин эса, ўзининг Қуддуси ва Ақсоси билан озодликка, нусратга, азизлик ва куч-қудратга муштоқ. Бу иш Уммат армиялари ва холис қўшинларисиз асло амалга ошмайди. Дарвоқе, Фаластин аҳлининг Умматга ва армияларга кечаю кундуз хитоб қилиб, озодлик маъракасини бошлашга чақираётганлиги яҳудийларни ҳам, мустамлакачиларни ҳам ҳаловатини бузаётган экан, бу Аллоҳнинг изни ила, албатта амалга ошажакдир.

Роя газетасининг 2022 йил 15 июн чоршанба кунги 395-сонидан