بسم الله الرحمن الرحيم

Кимга эргашасиз: ёлғончиларгами ёки ҳақни сўзловчиларгами?!

2016 йил 20 декабр сешанба куни Россия, Эрон ва Туркия ўртасидаги уч томонлама учрашув натижаси, уч давлат вакиллари келишиб олганидек барча бандларни ўзи ичига олган “Сурия инқирозини ҳал этишда кечиктириб бўлмайдиган қадамлар билан олдинга силжиш бўйича Москва декларацияси” бўлди. Декларациянинг энг кўзга кўринган бандларидан бири шуки, Сурия урушидаги энг муҳим нарса бу Асад режимини ағдариш эмас, балки “терроризм” га қарши курашдир, шунингдек Сурия кризисида ҳарбий ечимдан воз кечиш ҳамда қўзғолончилар ва режим ўртасида келишувга эришиш мақсадида янги музокараларни олиб боришни бошлашдир.

Учрашув Ҳалабнинг шарқий районларини фуқаролар ва қўзғолончилардан “озод” этиш амалиёти ўтказилаётган бир вазиятда бўлиб ўтди, бу ҳодисалардан олдин эса қўзғолончи отрядлар раҳбарлари ва Россиянинг Анқарадаги вакиллари йиғилишган эдилар. Бу Ҳалабни топширишнинг бошланғич нуқтаси айнан шу йиғилишлар эканлигини кўрсатади. Бундан ташқари, 20 декабрдаги уч томонлама учрашувларда эришилган келишув бўйича режа ишлаб чиқилган турк мансабдор шахсларининг қўзғолончи гуруҳлар раҳбарлари билан учрашувлари тўғрисида маълумот сизиб чиқди. Шунингдек, бу Сурия ичкарисидаги барча гуруҳларни битта фракцияга қўшилиши ҳақида пайдо бўлган хабарни ҳам ёритиб беради, бу қўзғолончиларни икки лагерга: “мўътадиллар” ва “экстремистлар” га бўлиш жараёни бўлиб ҳисобланади. Ким сиёсий ечим ва ғарбнинг илмоний Сурияни сақлаб қолиш лойиҳасига рози бўлса, улар – “мўътадиллар”, ким норози бўлса, улар – “экстремистлар”дир.

Кўриниб турибдики, Ғарб қўзғолончиларнинг Ҳалабни топширишини Сурия кризиси сиёсий ечимининг янги босқичи деб билмоқда. Туркия ўз позициясини намоён қилди: у Шом мусулмонлари қотиллари тарафида турибди, илгари бу яширин эди, бу босқичда ошкор бўлди. Ғарб бу босқични узоқ йиллар бомбалашлар, қотилликлар ва вайронагарчиликлардан сўнг Шом аҳлига тиқиштираётган сиёсий ечимни амалга оширишдаги бошланғич босқич деб ҳисобламоқда. Шунингдек, Ғарб бу босқични инқилоб тугашининг бошланиши деб ҳисобламоқда ҳамда Башар ва унинг режимига келган хавфни қайтара олдим деб ўйламоқда. Бироқ уларнинг фаразлари Қудратли Аллоҳнинг изни ила нотўғри бўлиб чиққай.

Эй Шом аҳли! Сиз Ҳалабнинг қулашини инқилобнинг тугаши деб ҳисобламаслигингиз керак, балки буни унинг янги босқичини бошланишига айлантиришингиз лозимдир! Лекин энди инқилоб душманлар йўлидан бормаслиги керак, балки Аллоҳ истаганидек бўлмоғи лозимдир. Бу янги босқичда биз кофир Ғарб таъсиридан қутуламиз ва барча қарорларни фақат ўзимиз қабул қиламиз. Биз биринчи бўлиб хоинлик қилган “Сурия халқи дўстлари” дея аталганлар билан барча алоқаларни узиб ташлаймиз. Бу босқич жиноятчи режимни ағдариб ташлашни ва пайғамбарлик минҳожи асосидаги Иккинчи Рошид Халифаликни ўрнатишни кўзда тутадиган буюк исломий лойиҳанинг қабул этилишининг бошланиши бўлади.

Эй Шом мусулмонлари! Анқарадаги бундай йиғилишлар натижаси Ҳалабни топшириш ҳамда фақат “терроризм” билан курашиш қарорининг қабул қилиниши ва янги музокараларни бошлаш бўлди, булар эса шуни тасдиқламоқдаки, савдолашаётган ва шаҳидлар қонини сотаётган гуруҳларга эргашиш эмас, балки Уммат инқилобини қайта тиклаш вақти келди! Холис инқилобчиларнинг ўзларининг ҳал қилувчи ролларини ўйнашлари ва сўнгги сўзларини айтиш  вақти келди. Бу вақт давомида Шом аҳлининг ақидамиздан – “Аллоҳдан ўзга Илоҳ йўқ, Муҳаммад Унинг Расулидир” дан балқиб чиқадиган сиёсий лойиҳага эга холис ва онгли етакчининг етишмаганлигини тушуниб етадиган вақти келди. Буларнинг барчаси Аллоҳнинг Китоби ва Расули САВ нинг Суннатларидан олинган, Буюк Рошид Халифалик лойиҳасини сизга таклиф қилаётган Ҳизб ут-Таҳрир партиясида мавжуддир.

Ахир бу партия инқилоб вақтида сиёсий онг ва бошқарув салоҳиятини намоён эта олди. У воқеликдан ўзиб кетиб, турли учрашув ва йиғилишлар ортида тайёрланган фитналардан огоҳ қилди. У муборак қўзғолоннинг энг бошланғич вақтиданоқ, сиёсий маблағларни олиш хавфидан огоҳлантирди. Шунингдек, Ҳизб ут-Таҳрир партияси Сурия инқилобининг сохта дўстларини хатаридан огоҳлантиришдан сира тўхтамади. У ҳақни очиқ гапирди ва фронтларда сукунат ҳукмронлик қилишига йўл очадиган барча сулҳларни рад қилди. Шунингдек, Ҳизб ут-Таҳрир партияси қўзғолончилар ва режим ўртасидаги барча музокараларни рад қилди ва ўз муаммоларимизни ҳал қилишни душман қўлига топшириш – бу сиёсий жиҳатдан ўз-ўзини ўлдириш эканлигини тушунтирди.

Бўлиб ўтган шунча ишлардан сўнг холис қўзғолончилар Ҳизб ут-Таҳрирга қулоқ солсалар ва унинг даъватига эргашсалар яхши бўларди. Ана шунда ўзларини беҳуда қон тўкилишлардан сақлаб қолган бўладилар, мужоҳидлар эса ўз жонларини фақат Аллоҳ йўлида фидо қилган бўладилар. Шундагина инқилоб кемаси ниҳоят ўз соҳилига ҳалокатга учрамай, катта йўқотишлар билан бўлсада, етиб олади.

 Аллох Таъоло айтади:

يَا أَيُّهَا الَّذِينَ آَمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ * وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ
Эй иймон келтирганлар! Сизга ҳаёт берадиган нарсага чақирганларида Аллоҳ ва Расулига жавоб беринг ва билинки, албатта, Аллоҳ киши билан унинг қалбини ажратиб қўяди ва, албатта, Унинг ҳузурида тўпланурсиз. Ва сизлардан фақат зулм қилганларнинг ўзигагина етмайдиган фитнадан сақланинг. Ва билинки, албатта, Аллоҳнинг иқоби шиддатлидир.       (8:24,25)

Ҳизб ут-Таҳрирнинг Суриядаги Ахборот бўлими

26 Рабиъул аввал 1438 ҳ.й.

25.12.2016й