بِسْمِ اللهِ الرَّحْمنِ الرَّحِيمِ

Демократия тўғрисида

يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً* أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُواْ بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ وَيُرِيدُ الشَّيْطَانُ أَن يُضِلَّهُمْ ضَلاَلاً بَعِيداً* وَإِذَا قِيلَ لَهُمْ تَعَالَوْاْ إِلَى مَا أَنزَلَ اللّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُوداً

– „Эй мўминлар, Аллоҳга итоат қилингиз ва пайғамбарга ҳамда ўзларингиздан бўлган (яъни мусулмон) ҳокимларга бўйсунингиз! Бордию бирон нарса ҳақида талашиб қолсангиз, – агар ҳақиқатан Аллоҳга ва охират кунига ишонсангиз – у нарсани Аллоҳга ва пайғамбарига қайтарингиз! Мана шу энг яхши ва энг чиройли ечимдир. (Эй Муҳаммад), ўзларини сизга нозил қилинган нарсага (Қуръонга) ва сиздан илгари нозил қилинган нарсаларга иймон келтирган, деб ҳисоблайдиган (айрим) кимсаларнинг шайтонга ҳукм сўраб боришни истаётганларини кўрмадингизми? Ҳолбуки, уларга унга ишонмаслик буюрилган эди. (Чунки) шайтон уларни бутунлай йўлдан оздиришни истайди. Қачон уларга: „Аллоҳ нозил қилган Китобга ва пайғамбар ўгитларига келинглар", дейилса, бу мунофиқларнинг сиздан қаттиқ юз ўгирганларини кўрасиз".   [4:59-61]

Мулк эркинлиги фикрати ва манфаат барча ишларнинг миқёси, бош ўлчами бўлганлиги оқибатида, йирик капитализм вужудга келди. У ўзининг саноат корхоналарини юргизиш учун хом ашёларга ва ишлаб чиқарган маҳсулотларини сотиш учун истеъмол бозорларига муҳтож эди. Шунинг учун капиталистик давлатлар, ҳар қандай руҳий, ахлоқий ва инсоний қийматларга тамоман зид равишда ривожланишдан орқада қолган оламни мустамлака қилиш, унинг моддий бойликларини эгаллаш, табиий бойликларини ўзлаштириш ва халқларининг қонини сўриш борасида ўзаро рақобатлаша бошладилар.

Дарҳақиқат, ушбу капиталистик давлатлардаги очкўзлик ва таъмагирлик кучайиб, охир оқибат, уларни руҳий, ахлоқий ва инсоний қийматлардан бутунлай ажратиб қўйди. Улар ҳаром йўллар билан мол-дунё орттиришда бир-биридан ўзишга ҳаракат қилишиб, ҳатто халқларнинг қони билан савдо қилишгача етиб бордилар. Ишлаб чиқарган маҳсулотларини сотиш, улкан фойда келтирувчи ҳарбий саноатларини юргизиш учун давлатлар ва халқлар ўртасида фитна ва уруш оловини ёқдилар.

Америка, Британия ва Франция сингари мустамлакачи демократик давлатлар барча инсоний ва ахлоқий қийматларни оёқ ости қилиб, инсоннинг жамики ҳуқуқларини поймол этмоқдалар, инсон қонини бекордан-бекорга тўкилишига сабаб бўлмоқдалар. Айни вақтда, уларнинг демократик қийматлар, инсон ҳуқуқлари ҳақида оғиз тўлдириб гапиришлари, беорларча мақтанишлари нақадар нафратомуз ва кулгили бир ҳодисадир. Фаластин, Жанубий-Шарқий Осиё, Лотин Америкаси, Африка ва Жанубий Африкада бўлаётган воқеалар уларнинг қай даражада ёлғончи ва дажжол эканини, нақадар инсофсиз ва беорликларини яъни асл башараларини очиб берувчи ёрқин далилдир.

Булар демократик қийматлар вужудга келтирган, ғарб кўкларга кўтариб мадҳ этаётган умумий эркинликларнинг намуналари ва демократиянинг маданий қиёфасининг бир шаклидир. Ғарб бу билан фахрланмоқда, шунга чақирмоқда ва бутун олам ушбу қабиҳ қиёфада ғарбга шерик бўлиши учун уни оламга ёймоқда. Бу намуналар фақат бир нарсадан, яъни мазкур демократиянинг қай даражада бузуқ ва чиркинлиги, нақадар бадбўй, қўлансалигидан дарак беради.

Ғарб демократик мустамлакачилиги сабабли бутун олам бошига олиб келган балою офатлар, мустамлака қилинган ва ривожланишдан орқада қолган халқларнинг мусибатлари: моддий бойликларининг ўғирланиши, табиий бойликларининг талон-тарож қилиниши, аҳолисининг қашшоқлаштирилиши, халқларининг хорланиши ва юртларининг мустамлакачилар саноати ва маҳсулотлари учун истеъмол бозорларига айлантирилиши очиқ-ойдин кўриниб турганлигига қарамасдан;

Юқоридагилар, балки улардан ҳам кўпроқ нуқсонлари бўла туриб, кофир ғарб ўзининг бузуқ демократик фикрлари учун мусулмонлар юртида бозор оча олди.

Кофир ғарб Ислом аҳкомларига ҳеч қандай алоқаси бўлмаган демократик куфр фикрлари учун мусулмонлар юртида қандай қилиб бозор очишга имкон топди?

Бунинг сабаби қуйидагича: кофир ғарб давлатлари Ислом ва мусулмонларни қаттиқ ёмон кўради. Уларнинг адовати ўзларининг жигар-бағрини кемириб ташлаган. Оллоҳ таоло бу ҳолни шундай сифатлайди:

قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ

– „Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир".    [3:118]

Кофир ғарб давлатлари мусулмонлар қувватининг сири Ислом экани, Ислом ақидаси мусулмонлардаги буюк қувватнинг манбаи эканини англаб етдилар. Шундан сўнг, Ислом оламига табширий-миссионерлик ва сақофий-маориф ҳужумини уюштириш учун улкан режа туздилар. Бу ҳужум асносида улар ўз сақофатлари, фикрлари (демократия ҳам шу фикрлардан), дунёқараши ва ҳаёт ҳақидаги нуқтаи назарларини ёйдилар. Уларнинг мақсади, мусулмонлар шу нарсаларни ўзларининг фикр юритишлари ва ҳаёт ҳақидаги нуқтаи назарлари учун асос қилиб олишига эришишлик эди. Улар бу билан мусулмонларни Исломдан оғдиришни ва Исломга амал қилишдан, Ислом аҳкомларини татбиқ этишга риоя қилишдан узоқлаштиришни қасд қилдилар. Токи, уларга Ислом давлати – халифалик давлатини йўқ қилиш, қола берса, Ислом ва Ислом аҳкомлари ҳаёт, давлат ва жамиятда татбиқ этилишига барҳам бериш осон бўлсин. Улар шу йўл орқали мусулмонлар уларнинг куфр фикрлари, низомлари ва қонунларини қабул қилиб, Ислом ўрнига шуларни татбиқ ва ижро этишларини мақсад қилдилар. Токи, мусулмонлар Исломдан тамоман узоқлашсин ва уларнинг устидан ҳукмронлик қилиш имкони туғилсин. Аллоҳ Таъоло улар ҳақида айтган қуйидаги сўзида нақадар ҳақ:

وَلَنْ تَرْضَى عَنْكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلاَ نَصِيرٍ

– „Яҳудий ва насронийлар уларнинг динига кирмагунингизча ҳаргиз сиздан рози бўлмайдилар. Айтинг: „Аллоҳнинг йўлигина ҳақиқий йўлдир". Қасамки, агар сизга келган ҳақиқий билимдан кейин уларнинг нафс-ҳаволарига эргашсангиз, Оллоҳ тарафидан сизга на бир дўст ва на бир ёрдам бергувчи бўлмайди".         [2:120]

Аллоҳ Таъоло айтади:

وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا

– „Пайғамбар сизларга нимани келтирган бўлса олинглар, нимадан қайтарган бўлса қайтинглар".                                                                                             [59:7]

Яна айтади:

فَلاَ وَرَبِّكَ لاَ يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ

– „Йўқ Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича зинҳор мўмин бўлмайдилар".    [4:65]

Яна айтади:

وَمَا اخْتَلَفْتُمْ فِيهِ مِنْ شَيْءٍ فَحُكْمُهُ إِلَى اللَّهِ

– „Сизлар ихтилоф қилган ҳар бир нарсанинг ҳукми Оллоҳга қайтарилур". [42:10]

Яна айтади:

فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ

– „Бордию бирон нарса ҳақида талашиб қолсангиз, у нарсани Аллоҳ ва пайғамбарига қайтарингиз".                                                                          [4:59]

Ҳизб ут-Таҳрирнинг Ўзбекистондаги медиа офиси Абдуллоҳ

16.02.2015й.