Коалиция делегациясининг Вашингтон сафари ва уни ёлғондан Сурия халқ вакили қилиб кўрсатиш Жарбани малай Асад ўрнига келадиган навбатдаги малай қилиб тайёрлашдан ўзга нарса эмас
بِسْمِ اللهِ الرَّحْمنِ الرَّحِيمِ
Коалиция делегациясининг Вашингтон сафари ва уни ёлғондан Сурия халқ вакили қилиб кўрсатиш Жарбани малай Асад ўрнига келадиган навбатдаги малай қилиб тайёрлашдан ўзга нарса эмас
2014 йил 5 май куни Сурия Миллий коалицияси делегациясининг Жарба бошчилигидаги узоқ муддатли Вашингтонга сафари кеча 14 майда ниҳоясига етди. Бу сафар чоғида Америка маъмуриятининг ташқи ишлар, мудофаа министрлиги ва миллий хавфсизлик кенгашидаги катта масъуллари билан, шунингдек конгрессменлар ҳамда ҳукуматнинг амалдаги ва собиқ масъуллари билан учрашувлар бўлди. Учрашув ниҳоясида, сафарнинг сўнгги соатида Америка президенти Барак Обама билан «фавқулодда» учрашув ҳам бўлиб ўтди. Бу учрашув белгиланган сафар программалари ичида бўлмаган эди. Учрашувда Вашингтон томонидан бу ташрифга алоҳида эътибор кўрсатилди. Бу алоҳида эътибор Вашингтондаги Сурия коалицияси идорасига «хорижий миссия» сифатини бериш, бир вақтнинг ўзида, Асад режимининг Вашингтондаги элчихонаси билан бир неча консулликларини ёпиб қўйиш билан кўрсатилди. Американинг Суриядаги вакили (у ҳозир Америка элчиси вазифасини ўтамоқда) Даниэль Рубинштейн Жарбанинг Озод армия қўмондони Абдулилоҳ Башир ва бир неча сиёсий етакчиларни ўз ичига олган делегация раиси сифатида қилган бу ташрифи бағоят аҳамият касб этишини таъкидлади.
Айтилишича, бу ташриф Америка маъмуриятининг Сурия масаласи тўғрисида қилган мурожаати билан бир пайтга тўғри келган. Бу эса ташрифга маъмурият томонидан сигнал берилганини, унинг ортида коалицияни синаб кўриш режаси ётганини англатади. Синов эса «бу коалиция худди Асад каби Америка манфаатларига хизмат қилишга яроқлими ёки яроқли эмасми?» шуни текширишдан иборатдир. Буни Қўшма Штатлар билан «янги Сурия» ўртасида «муштарак манфаатлар»га асосланган узоқ муддатли стратегик алоқа барпо этиш, «экстремистик гуруҳларга қарши террорга қарши курашиш йўлларини» излаш, «моддий ёрдамлар, тинчлик учун йўл харитаси ва Суриядаги хавфсизлик билан боғлиқ лойиҳа»ни тақдим этиш, «хавфсизлик соҳасида ҳамкорлик, Озод армия иқтидори ва Америка моддий ёрдамларидан масъулият билан фойдаланишга риоя қилиш» сингари учрашувлар мобайнидаги сўзлар ифодаламоқда.
Америка ўз малайи Башарнинг картаси энди батамом куйиб битганини билди. Шунинг учун Обаманинг коалиция билан учрашуви ортидан Оқ уй томонидан чиқарилган баёнотда «Башар Асад Сурияга етакчилик қилишда барча қонунийликни йўқотди, энди унга юрт келажаги борасида ҳеч қандай ўрин йўқ», деган сўзлар такрор айтилди. Гарчи Америка Башарни бошқарувда туришини қўллаб-қувватлаётган ва жиноятларини ҳимоя қилаётган бўлса-да, буларни бир альтернатив малай топиб бўлгунга қадар ҳамда эртанги ўтиш даври раҳбариятидаги ўз позициясини мустаҳкамлаб олиш учун қилди, холос. Шуни таъкидлаш жоизки, бу баёнотда кўп нарсага далолат қилувчи ишоралар бор. Жумладан, унда қуйидаги сўзлар келади: «Президент Обама коалициянинг етакчилик ролини ва музокара учун конструктив йўлини юксак баҳолади ҳамда коалицияни барча суриялик халқни гавдалантирувчи кенгқамровли келишув йўлидаги ўз қарашларини мустаҳкамлашга тарғиб қилди». Шубҳасиз, бу сўзлардан шу нарса очиқ кўриниб турибдики, коалицияга янги малай ўлароқ ишонишда муайян бир мақсад бор, у ҳам бўлса, «барча суриялик халқни гавдалантирувчи кенгқамровли келишув» йўлидаги ўз қарашларини мустаҳкамлашга ҳаракатдир. Шунингдек, баёнотда «барча сурияликларни гавдалантирувчи» ҳукумат тузишга чақирилган. Бу эса Женева конференциясидаги чақириқларнинг айнан ўзи. Гўё Америка ўтиш даври етакчилигига Женева конференциясида келган нарсаларга мувофиқ – айниқса, Иброҳимий ишдан бўшатишларини талаб қилганидан сўнг – шахсан ўзи бошчилик қилмоқчи. Бу яна шуни ҳам таъкидламоқдаки, баёнотда «террористик жамоаларнинг ҳар бир бўлинмасига қарши курашиш зарур»лиги айтилган. Яъни Асад режимига қарши исломий лойиҳа асосида курашаётган ва экстремистлар, кофирга чиқарувчилар, дея аталаётган қўзғолончи мусулмонлар гуруҳига қарши ҳамда режимнинг қўллари қонга ботган гуруҳига қарши кураш зарурлиги айтилган, ҳолбуки, режимнинг барча гуруҳлари қўллари қонга ботган. Баёнотдаги бу сўзлар Жарбанинг сўзлари, яъни – коалиция Америка ечимига хизмат қилувчи учинчи ўрта чизиқни ташкил қилиши тўғрисидаги сўзларининг айнан ўзидир. Аммо коалицияни қуроллантириш мавзусига келсак, бу борада Американинг Сурия билан боғлиқ махсус ҳисоб-китоблари бўлиб, бу ҳужжат бевосита Америка разведкаси қўлига топширилади ҳамда Америка бу ҳужжат учун Америкага мойилликлари тўла кафолатланган шахсларни тайёрлайди, то коалициянинг Америка йўлидан юраётганига, экстремистлар масаласини тўла ҳал қила олишига ишонч ҳосил қилмагунча, бу ҳужжатдан фойдаланишга рухсат бермайди. Ана шундагина, худди ота-ўғил Асадларни қудратга олиб келганидек, аввал Башарни музокара столига ўтиришга бўйсундириш «спектакл»идан сўнг уни ишдан четлатади, кейин эса Женева конференцияси бандларида қайд этилган ўтиш даври ҳукумат ҳайъатини тузади.
Бу ташриф қуйидаги ишларни таъкидламоқда: Биринчи, Америка Суриядаги вазиятни бир ўзи қўлида ушлаб қолишга ҳаракат қилмоқда, ўтиш даври босқичида ҳам бошқа давлатларсиз бир ўзи қадам ташлашни бошлади, Женева конференцияси ҳам ўз мазмун-моҳиятлари билан ҳамон тирик турибди, коалиция ўзининг Америкага малайлик қилишга лойиқлигини ва у «янги Сурия»ни қабул қилиб олишда Америка режаси бўйича қадам ташлай олишини исботлашга тиришмоқда. Жарба берган баёнотлар билан коалиция позициясига назар ташлаган киши унинг ҳақиқий америкапарастлигини гувоҳи бўлади. У Вашингтонда туриб турфадинли фуқаролик демократик давлат қуришни талаб қиляпти, Американинг экстремист ақидапарастларга қарши кураш, деган сўзларини қалбига жойлаб оляпти, Америка маъмуриятига ёқадиган учинчи ўрта чизиқ бўлиш таклифини ўртага ташлаяпти. Ҳатто бу кимса Озод армияни оз миқдорда бўлса ҳам янги турдаги қурол-яроқлар билан таъминлашга ҳам чақирди ва шу орқали Америка ечимини амалга ошириш йўлида Башарни музокара столига ўтиришга мажбур қилмоқчи бўляпти. Зотан, айни дамда Америка бу ечимни лойиҳалаштириш ва ижрога тайёрлаш билан машғул, агар ижро қилиш қўлидан келса, албатта.
Эй Шом Суриясидаги мусулмонлар!
Сиз Американи Сурия бошқарувини ўз қўлида сақлаб қолиш режасини барбод этишингиз билан ҳолдан тойдирдингиз. Шундай бўлгач, бугун ҳам унинг янги гумашталари бўлган анави Жарба ва унинг коалициядаги тўдаларининг айни бошқарувдаги Америка нуфузини сақлаб қолишларига йўл қўйманг. Чунки сиз шунча қурбонликларингизни юртимизда тоғут бошқаруви яна сақланиб қолавериши учун берганингиз йўқ, албатта. Унутманг, сиз Халифалик давлатида гавдаланувчи исломий лойиҳани амалга оширмагунингизгача, юртимизда Американи мағлубиятга учратиб, илдизи билан қўпориб ташлашга асло қодир бўлолмайсиз. Чунки Халифалик давлати Американинг бутун минтақадаги илдизига болта уриб, хору зор аҳволда ортга қочиб қолишга мажбур қилади.
وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ
«Аллоҳ Ўзига ёрдам берадиган зотларга албатта нусрат-ёрдам беради, Шубҳасиз, Аллоҳ кучли, қудратлидир» [Ҳаж 40]
Биз Ҳизб ут-Таҳрир аъзолари Халифалик давлати лойиҳасидан бошқа лойиҳани мутлақо қўлга олмаймиз, чунки барча ишларимиз шу Халифалик давлати билан тўғри бўлади, бу лойиҳа Аллоҳ бизга фарз қилган лойиҳа бўлиб, уни рўёбга чиқаришга ҳаракат қилиш билан Аллоҳ биздан рози бўлиб, бизга нусратини беради. Росулуллоҳ ҳадиси қудсийда бундай марҳамат қилдилар:
«وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا اِفْتَرَضْتُهُ عَلَيْهِ»
«Бандам Мен унга фарз қилган нарсадан ҳам кўра Менга суюклироқ бўлган нарса билан Менга яқинлашолмайди» (Имом Бухорий ривояти).
Аллоҳ Таоло бундай деди:
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ
«Аллоҳ сизлардан имон келтирган ва яхши амаллар қилган зотларга худди илгари ўтган (имон-эътиқодли) зотларни халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар итоатсиз кимсалардир» [Нур 55]
Ҳизб ут-Таҳрир 16 ражаб 1435ҳ
Сурия вилояти 15 май 2014м
