Кофирлар байрамини нишонлашда мусулмон ақидаси ва иймонига зўр хатар бор!
بسم الله الرحمن الرحيم
Кофирлар байрамини нишонлашда мусулмон ақидаси ва иймонига зўр хатар бор!
Маълумки, мустамлакачи кофирлар Ислом юртларини босиб олишар экан, бу юртларда ўз ҳазоратлари ва сақофатларини ёйиш билан бирга, ўз байрамларини кенг ёйишга ҳам аҳамият беришди. Буни шу юртларда ўзлари ўрнатиб қўйишган маҳаллий қўғирчоқ, илмоний ҳукуматлар қўли билан амалга оширишди. Ўзбекистон ҳукумати ҳам ҳар йили “янги йил”ни байрам сифатида нишонлаб, уни умумхалқ байрами сифатида кўрсатишга харакат қилади, қадаҳлар маст қилувчи ҳаром ичимликлар билан лиммо-лим тўлдирилади, оммавий ахборот воситаларида турли-туман байрам программалари ва кўрсатувлари ташкил қилинади, ўқув юртлари, мактаблар, болалар боғчаларида янги йил байрами тадбирлари уюштирилади. Ана шу тарзда ёш авлод онгига куфр байрамлари сингдириб борилади.
Ваҳоланки Росулуллоҳ ﷺ:
"من تشبه بقوم فهو منهم"
“Ким ўзини бир қавмга ўхшатса, бас, у ўшалардан” дедилар. Ўзини бир қавмга ўхшатиш шунчалик хатарли экан, кофир қавмнинг диний байрамларида иштирок этиш қандай хатарли эканлиги ўз-ўзидан маълум. Мусулмоннинг кофирларнинг диний маросимларидан биронтасига билмасдан тушиб қолишининг ўзи улкан ёмонликдир.
Уммул мўмининг Оиша розияллоҳу анҳо икки саҳиҳда ривоят қилган ҳадисда Росулуллоҳ ﷺ бундай дедилар:
“إن لكل قوم عيداً ، وإن عيدنا هذا اليوم”
“Ҳар бир қавмнинг ўз ийд-байрами бор, бизнинг ийдимиз мана шу кун (ийдул фитр ва ийдул азҳо)дир”.
Имом Заҳабий роҳимаҳуллоҳ бу ҳадис ҳақида бундай деди: “Пайғамбаримиз ﷺ нинг бу сўзлари ҳар бир қавмнинг ийди ўша қавмнинг ўзигагина хос бўлишини вожиб қилиб қўядики, бу худди Аллоҳ Таолонинг:
” لِكُلٍّ جَعَلْنَا مِنكُمْ شِرْعَةً وَمِنْهَاجًا
“Сизлардан ҳар бир миллат (яъни дин) учун (алоҳида) шариат ва йўл қилиб қўйдик” (Моида:48). деган қавли кабидир.
Ибн Қоййим роҳимаҳуллоҳ бундай деди: “мусулмонларнинг мушриклар байрамларига ҳозир бўлиши илм аҳлининг иттифоқи билан асло жоиз эмас, буни тўрт мазҳаб тобеларидан бўлмиш фуқаҳолар ўзларининг китобларида очиқ айтганлар”.
Шунинг учун демак, ҳар бир мусулмон кофирларнинг байрамларидан ўзини олиб қочиши, ўзини, аҳли оиласини, болаларини бундан асраши лозим.
Биз мусулмонлар ўзлигимизга тўлиқ қайтишимиз фурсати аллақачон етди. Бизнинг ўзлигимиз Исломдир, байрамларимиз Ислом кўрсатиб берган байрамлардир. Рошид халифа Умар ибн Хаттоб розияллоҳу анҳу айтганидек биз Ислом билан азизмиз, азизликни ундан бошқасидан истасак хор бўламиз. Буни бугунги аччиқ воқелигимиз тасдиқлаб турибди.
Аллоҳим, бизни Ислом билан азиз қилгин! Ўзинг ваъда қилган рошид Халифалик Давлатини тезлат. Халифалик Давлати соясида ўз байрамларимизни шодлик билан нишонлайдиган кунларга бизларни тезроқ етказ. Сен ҳар шайга Қодир Зотсан!
Ҳизб ут-Таҳрирнинг Ўзбекистондаги матбуот бўлими учун Ислом абу Халил
