بِسْمِ اللَّـهِ الرَّحْمَـٰنِ الرَّحِيمِ

Квебекдаги масжидга қилинган ҳужум: таҳликали замонда сабот ва бирдамлик

2017 йил 29 январ якшанба куни Квебек шаҳридаги исломий маданият марказига қилинган ҳужумда олти нафар мусулмон ҳалок бўлиб, беш нафари оғир, ўн нафари енгил жароҳат олди.

Шаҳар аҳолисидан бири Александр Биссонетга бешта айблов, энг биринчи навбатда Масжидга қарата ўқ узиш орқали қотиллик содир этиш айблови қўйилди.

Ахборот воситалари хабарига кўра, айбланувчи айни ҳужумни «қочқинларга нисбатан нафрат туйғусига эга бўлгани ҳамда мисс Ле Пен ва жаноб Трамп сиёсатларини қўллаб-қувватлагани сабабли» содир этганини очиқ айтган. Ижтимоий электрон саҳифаларда «мисс Ле Пеннинг Франциядаги Ислом ва мусулмонларга қарши йўналишдаги асосий партияларга етакчилик қилиши» айтилган.

إِنَّا لِلَّـهِ وَإِنَّا إِلَيْهِ رَاجِعُونَ

«Албатта биз Аллоҳнинг бандаларимиз ва албатта Ўзига қайтажакмиз»                                                                             [Бақара 156]

Биз очиқдан-очиқ содир этилган бундай ҳужумда шафқатсизларча ўлдирилган олти нафар қурбонлар оиласига холис таъзиямизни билдирамиз. Аллоҳ Субҳанаҳу ва Таолодан қурбонларни Ўзининг чексиз раҳматига буркашини, аҳли оилаларига сабри жамил ва чиройли таъзия ато этиб, мусибатларига савоб ато этишини ва марҳумларни қиёмат куни шаҳидлар ажрига ноил қилишини сўраймиз. Зеро, уларнинг биргина «гуноҳ»лари масжидда Роббиларига яқин бўлишлари эди, холос. Ҳужумда жароҳат олганларга ҳам ҳар ишни билувчи ва ҳар ишга қодир Аллоҳдан заррача касалликни қолдирмайдиган шифои том ато этишини, жароҳатларини ажри азимга айлантириб, гуноҳларини мағфират айлашини сўраймиз.

Шу муносабат билан биз бугунги таҳликали замонда ўзимиз ва Умматимизга Аллоҳ Субҳанаҳу ва Таолонинг Ўзи хавфсизлик ва омонлик беришга қодир эканини, У қуйидаги каломни айтганини эслатмоқчимиз:

أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ

«Қаерда бўлсангиз, ҳатто мустаҳкам қалъалар ичида бўлсангиз ҳам ўлим сизларни топиб олур»

                                                                                                        [Нисо 75]

Ўзимиз ва яхши кўрган инсонларимиз жонидан хавотирланаётган эканмиз, бу қўрқув бизни зинҳор-базинҳор бир нарсани унуттириб қўймаслиги керак. Гап шундаки, ўлим фақат Аллоҳ Таоло белгилаб қўйган пайтда келади, биз эса шу ўлим ва тириклик қўлида бўлган, келган жойимиз ҳам кетар жойимиз ҳам унинг даргоҳи бўлган ёзғиз Аллоҳга таваккал қилмоғимиз лозим.

Жинояткор қотилни ўрганишимиз натижасида у содир этган жиноятдан қаттиқ нафратланмоқдамиз. Шу билан бирга, нега бу кимсадаги дискриминация шу даражага етиб борди, нега у Ислом ва мусулмонларни шу қадар ёмон кўради?!

Баъзилар унинг қотиллиги сабабини мисс Ле Пеннинг ўтган йили Канадага келиши натижасида келиб чиққан «экстремистик сиёсат»га боғлашга уринмоқда. Шундай бўлса-да, Квебекдаги сиёсий синфнинг Исломга қарши олиб бораётган сиёсатлари анча вақтдан бери давом этмоқда.

Масалан, жорий йилнинг март ойида Квебек вилояти мусулмонларга қарши 94-қонунни ишлаб чиқди. Унда муслималарни ниқобни ечишга мажбур қилиниши айтилган. Квебек вилояти мэри либералист Жан Шаре «Икки сўз: юз ёпилмасин», дея очиқ айтган.

2013 йил Квебека Либерал партияси ҳижобни тақиқлашга уринди. Расмий жиҳатдан олганда бу тақиқ ҳамма динлар билан боғлиқ. Бироқ асосан унда муслималар нишонга олинган.

Бугунги кунда жамиятдаги айни ирқчи жамоаларда Исломга нисбатан очиқ душманлик тўлқини кучли жўш урган.

Шунинг учун гарчи бу ҳужум зарба бўлиб тушган бўлса-да, бироқ нафрат билан тўлиб тошган бугунги вазиятда кутилмаган ҳодиса эмас. Чунки айни нафратни яратган, ривожлантирган ва тарқатган оппортунистик сиёсатлардир.

Канада, Европа ва АҚШ сиёсатчилари жамиятдаги муҳожирларга қарши миллатчи тоифалар ва мазкур айримачилардан ўзларига тобора кўпроқ қўллаб-қуватлов йиғишга ҳаракат қилишмоқда. Биз ниқобга қарши ва умуман мусулмонларга қарши ҳужум қилувчи Канада консерватив партияси мисолида бунга кўп гувоҳ бўлдик. Бу каби ҳужумлар тўлқинини Трампнинг қудратга келиши билан янада кучаяётганига ҳам гувоҳ бўлдик, айниқса, маълум бир юртдан келган мусулмонларга қарши. Шанба куни, Квебекдаги ҳужумдан атиги бир кун олдин ирқчилар АҚШнинг Техас штати Виктория шаҳридаги бир масжидни ёқиб ташлашди. Европада эса ҳижоб, ниқоб, ҳатто Қуръони Каримни тақиқлашга чақириқлар бўлаётганини кўрдик!

Буларнинг барчаси нима учун бўлмоқда?!

Капиталистик иқтисод вайрон бўлиб, айни системанинг миллиардлаб инсонлар ишларини бошқаришда омади чопаётган бир пайтда, ғарблик капиталист сиёсатчилар олдида икки йўл бор: ё янгитдан тараққиётга эришиш ва одамлар машаққатларига чек қўювчи сиёсий ўзгаришлар ясаш керак ёки бунинг акси ўлароқ, ҳамма нарсага балогардон мусулмонлар ва бошқа озчилик аҳоли, деган арзонгаров сиёсатни қўллаб, тўғри сиёсат олиб боролмаганликларидан одамлар диққатини буриб, уларни капиталистик тузумлари сабабли келиб чиққан реал муаммолардан чалғитиш керак.

Афсуски, ғарблик капиталист сиёсатчи синф иккинчи йўлни танлади.

Бундан ташқари, капиталистик юртлардаги сиёсий синф қабул қилган қўрқитиш ва нафрат сиёсати уларга яна бир нарса ҳам беради: исломий оламга арзонгаров урушлар очиб, мусулмонлар ишларига аралашиш, шу орқали уларнинг бойликларини ўзлаштириш орқали ўз иқтисодиётлари ва манфаатларини тиклаш. Шунинг учун бу сиёсат Ироқ каби юртларимизни бутунлай вайрон этишга олиб келди.

Қаерда бўлмасинлар, барча мусулмонларнинг вазифаси, динларидан ёки унинг бир қисмидан воз кечиш талаб этилаётган босимларга таслим бўлмасликдан иборат. Таслим бўлмасликдан ташқари, ҳатто мақсадда собит туриш либосига бурканиб, ўзларига қарши бўлаётган бундай дискриминация ва зўравонликка қарши курашмоқлари ҳамда барча инсоният учун тўғри ҳақиқий ечимга даъват қилишда давом этишлари керак. Зеро, ушбу ечим Аллоҳнинг бутун инсонларга армуғон этган раҳматига эришиш ва Қуръони Карими билан суннати набавияда нозил қилган тузумга ҳидоятланишдир.

Аллоҳдан бизни ҳақда собитқадам қилишини, ўзимизни ва оиламизни, барча мусулмонларни ҳимоя қилишини, дину ҳақиқат устида барқарор посбон бўлиб қолишимизга ёрдам беришини сўраймиз.

Ҳизб ут-Таҳрир                                                           6 жумодул-аввал 1438ҳ

Канада                                                                                    3 феврал 2017м