Маҳаллий кучлар кофир Ғарб сиёсатини амалга ошириш учун қўлланиладиган пиёдалардир
Матбуот баёноти
Маҳаллий кучлар кофир Ғарб сиёсатини амалга ошириш учун қўлланиладиган пиёдалардир
Яман аҳли учун ягона ечим Аллоҳнинг шариатини ҳукмрон қилишдир
Амр ибн Хубреш Али (сўнгги тўққиз йил давомида Ҳазрамавт губернаторининг биринчи ёрдамчиси) бошчилигидаги Ҳазрамавт қабилалари коалицияси ва Ҳазрамавт Иттифоқи Конференцияси Ҳазрамавтнинг тортиб олинган ҳуқуқларини қайтариб олиш учун уч ойдан кўпроқ вақтдан бери Ҳазрамавт платосида намойиш уюштириб келмоқда. Улар PetroMasila компаниясидан дизел экспортини тўхтатиб, компаниянинг ишлаб чиқаришни тўхтатишига сабаб бўлдилар. Компаниядан маҳаллий бозор ва Мукалладаги электр станциялари каби баъзи объектларга ёқилғи ташувчи юк машиналарининг ўтишини тўсиб қўйишди.
Бу намойиш Яман президентлик кенгаши ҳукумати ва Ҳусийлар ўртасида Ҳазрамавтдан нефть экспортини қайта йўлга қўйиш тўғрисида келишувга эришилгани ҳақида хабарлар тарқалиши ортидан келиб чиқди. Маълумки, Ҳусийларнинг президентлик кенгаши ҳукуматига қарашли нефть портларига уюштирган ҳужумлари туфайли нефть экспорти узоқ вақтдан бери тўхтаб қолган эди. Намойиш бўлаётган бир пайтда, ушбу ҳукумат бош вазири 2024 йил 27 июлда Ҳазрамавтга келди, аммо намойиш масаласини умуман тилга олмади. Бунинг муқобилида Ҳазрамавт Иттифоқи Конференцияси Ҳазрамавт вилоятининг хизмат кўрсатиш ва турмуш тарзи масаласида аянчли аҳволни бошдан кечираётганини очиқлади. Унинг таъкидлашича, Ҳазрамавтнинг аҳамиятига қарамай, у ҳокимиятдан муносиб ғамхўрлик кўрмади, ҳатто шунча берилган қурбонликларига қарамай, бир четга чиқариб ташланди. Ҳазрамавт Иттифоқи Конференциясининг матбуот баёнотида президент Рашод Алимийнинг Ҳазрамавтга режалаштирилган сафари қабул қилинмаслиги ва талаблар бажарилиб, Ҳазрамавтнинг барча ҳуқуқлари берилмагунича рад этитилиши билдирилди.
Намойиш ҳали ҳам давом этмоқда, у ўз олдига қўйган бирорта мақсадига эришгани йўқ. Яъни намойишчилар қилган талаблар қабул қилинмади ҳамда Ҳусийлар билан эришилган келишув асосида нефть экспорти қайта йўлга қўйилмади. Ҳазрамавт вилояти ҳокими Махбут ибн Мозий намойишни зиёрат қилиб, уни қўллаб-қувватлашини, уларнинг талабларига қўшилишини билдирди. Бироқ намойишни тугатиш ёки талабларни қондириш учун ҳеч қандай амалий чоралар кўрмади. Аксинча, вилоят ёқилғи маҳсулотлари бўйича кучли кризисга кириб, электростанциялар «Petro Masila» томонидан дизел ёқилғиси билан таъминланмаслик сабабли электр ўчиш соатлари янада кўпайди.
Бунга диққат билан қараган киши Яман устида шиддатли кураш манзарасида душман сиёсий ютуқларни қўлга киритиш учун маҳаллий малайлардан қандай фойдаланаётганига гувоҳ бўлади. Масалан, Саудия Яман президентлик кенгаши ҳукуматига Ҳусийлар билан келишиши ва нефтни экспорт қилиши учун босим қилган бўлса, бу ёқда Амирликлар Ҳазрамавт Қабилалари Иттифоқига ушбу келишувга тормоз беришни буюрди. Шу нуқтаи назардан, Саудия 2024 йил 8 октябр куни Ҳазрамавт миллий кенгаши аъзолари билан учрашиб, кенгаш қайта фаоллашгани ва янги маъмурий тузилма ташкил этилганини билдирди. Бундан кўриниб турибдики, маҳаллий унсурлар зоҳирда Ҳазрамавтга хизмат қилишдек умумий мақсадга эга бўлсалар-да, аслида уларнинг сиёсий тобеликлари турлича бўлиб, улар шу асосда позиция эгаллайдилар. Баъзан эса босқинчи кучлар манфаатларига хизмат қилиш учун қонли тўқнашувларга киришадилар. Мустамлакачи давлатлар эса ҳеч қандай ҳаракат қилмай, ўзларининг минтақадаги малайлари орқали осонгина бурнини суқадилар.
Ҳазрамавтдаги ва Яманнинг бошқа ҳудудларидаги аҳлимиз Яманнинг шимоли ва жанубидаги сиёсий раҳбарлар яманликларнинг муаммолари ёки эҳтиёжларига бефарқ эканликларини, шунингдек, иқтисодиётнинг ёмонлашиб бораётгани ҳамда электр ва сув каби оддий хизматларнинг йўқлиги уларнинг қийинчиликларини янада кучайтираётганини англаши керак. Шунинг учун вазифамиз уларнинг барчасидан умидни узишдир. Чунки улар ҳаракат қилишса ҳам, кофир Ғарбга хизмат қилиш учун ҳаракатга келишади. Агар сукут қилишса, мамлакат ва фуқаро бойликларини талон-торож этишади. Улардан на ҳисоб сўрайдиган бор, на назорат қилувчи!
Биз сизга Аллоҳ Таолонинг ушбу каломини эслатамиз:
﴿وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا﴾
«Ким Менинг эслатмамдан юз ўгирса, унинг учун танг-бахтсиз ҳаёт бўлур» [Тоҳа 124]
Мана, бугун биз Аллоҳнинг динидан ҳамда сиёсат, иқтисод ва барча ҳаётий ишларга тааллуқли аҳкомларидан узоқлашдик. Ислом аҳкомларини татбиқ этувчи давлатнинг йўқлиги барча муаммоларимиз ва қийинчиликда ҳаёт кечиришимизнинг ҳамда на аҳдга ва на бурчга боқмайдиган кимсаларнинг устимиздан ҳукмрон бўлишининг асосий сабабидир. Шунинг учун сизни бу малай ҳукмдорларни супуриб ташлаш ҳамда Исломни татбиқ қиладиган давлат бўлмиш Пайғамбарлик минҳожи асосидаги Халифалик соясида Аллоҳнинг Китоби ва Росулининг суннатлари билан ҳукм юритадиган битта халифага байъат қилиш учун биз билан бирга фаолият қилишга даъват қиламиз.
﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ﴾
«Эй мўминлар, Аллоҳ ва Росули сизни абадий ҳаёт берадиган нарсага даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]
Ҳизб ут-Таҳрирнинг Яман вилоятидаги матбуот бўлими
