بسم الله الرحمن الرحيم

МАБДАДА СОБИТ ТУРИШ

2

Биз Ислом мабда-системадир, дер эканмиз, ушбу мабдани тиклаш учун зарур бўладиган омилларнинг энг биринчиси, унинг давлатини барпо қилиш эканини таъкидлаймиз. Бу давлат капиталистик мабдадаги давлатдан том маънода ва мутлақо фарқ қилади. Бу Ислом давлати бўлиб, барпо бўлган пайтда унинг қаршисида ҳеч нарса дош беролмайди. Чунки унинг қўлида уни доим ғолиб этувчи моддий-руҳий-маънавий қудрати бўлади… Уни енгиб бўлмайди, негаки унинг самимий фикри ва ҳаётнинг барча соҳасидаги муаммолари учун соғлом ечими бўлади. У фазилат улашиб, адолат ила бошқаради, бузғунчилик ва очкўзлик, деган иллатлардан мутлақо йироқ бўлади. Бу – капиталистик Ғарб билан Ислом ўртасидаги ҳазорий курашдир. Ғарб унинг мазмун-моҳиятини онгли равишда жуда яхши билади. Бироқ у қадамини тўғрилаш, мустамлакачилик ва бузғунчилик йўлидан қайтиш ўрнига, шу аҳволга баттар ботяпти, Исломга қарши макр қилишда давом этмоқда… У шунингдек, уйғониш калити бўлгани учун Ислом давлатини туғилмасидан туриб бўғизлашга уриняпти… Ғарб ҳақиқий Исломий Халифалик давлатини ва уни барпо этиш лойиҳасини бузиб кўрсатиш учун баъзи башараларнинг майдонга чиқишига рухсат беряпти. Ғарб бу башараларга террорист жиноятчи кўринишида намоён бўлишга рухсат берганидан сўнг ва уларнинг жанговар мағлубияти яқинлашгач, энди исломий ҳаракатларга фикрий жиҳатдан ҳужум ва босимлар қилиб, уларнинг Исломни мабда сифатида етказишдан узоқ бўлишларини, Исломни Ғарб тариқати бўйича тушунишларини истаяпти. Шу нуқтаи назардан, биз Ғарбнинг турли исломий “шахслар”ни майдонга чиқараётганига, турли исломий ҳаракатларни атрофига тўплаб, ўзига эргаштириб, қўлларига ўзи истаган лойиҳани тутқазаётганига гувоҳ бўляпмиз.

Биз сўз юритаётган кураш мустаҳкам Ислом мабдасининг мавжудлигига бориб тақалади. Ҳақиқатдан ҳам, макр, алдов ва жинояткорликларга қарамай, Ислом мабдаси собит қолди. Ғалаба ва мағлубият эса, мабданинг тўғри ёки нотўғрилигига боғлиқ эмас. Балки мабда аҳлининг Ислом талаб қилган буйруқларни бажаришларига боғлиқдир.

Ғарб мусулмонлар ҳаётида ва уларнинг зеҳниятида бўлинишни пайдо қилганлиги сабабли Ислом давлатини ағдаришга, бинобарин, Исломни ҳаёт саҳнасидан узоқлаштиришга муваффақ бўлди. Шунинг учун Исломни ҳаёт майдонига қайта олиб келиш ва исломий ҳаётни қайта бошлаш, ўзгартириш учун бўлган фаолиятнинг илк дамиданоқ Исломни руҳий, сиёсий ақида сифатида қабул қилиш билан бўлади. Чунки бу ақида мусулмонлар ва исломий жамоаларнинг ҳамда давлатнинг амалларини ҳаракатлантириб, уларга ҳаёт ҳақидаги нуқтаи назарни белгилаб беради, амаллар ўлчовини ҳалол-ҳаром ва тоат маъсиятга чеклайди. Зеро, Ғарбнинг муваффақияти мабдада эмас. Балки унинг мабдаси энг бузуқ мабдадир. Мусулмонлар мағлубияти мабда мағлубияти эмас. Балки улар мабдани Аллоҳ истаганидек етказмаганлари учун мағлубиятга учрадилар.

Демак, ушбу Ислом мабдасини тўғри етказаётган кишилар учун биринчи вазифа капиталистик мабдага зинҳор-базинҳор мансуб бўлмасликдир.

Ислом Умматини тубан воқеликдан Аллоҳ Таоло рози бўлган улуғ воқеликка олиб чиқиш вазифаси айнан мана шундай кишилар зиммасидадир. Аллоҳ Таоло бундай деди:

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ

“(Эй Уммати Муҳаммад), одамлар учун чиқарилган умматларнинг энг яхшиси бўлдингиз. Зеро, сиз маъруфга буюриб, мункардан қайтарасиз ва Аллоҳга имон келтирасиз. Агар аҳли китоб ҳам имон келтирганда эди, ўзлари учун яхши бўларди. Улардан мўминлари ҳам бор ва (лекин) уларнинг кўплари итоатсиз кимсалардир”.  (Оли Имрон:110)  

Судди айтади: Умар ибн Хаттоб ушбу оят ҳақида бундай деди: Агар Аллоҳ истаса أنتم дер эди ва барчамизга қарата айтилган бўларди. Аммо бундай демай, كنتم деди. Яъни сиз Росулуллоҳ с.а.в.нинг хос асҳобларидан ва улар қилган ишларни қиладиганлардан бўлдингиз, деди. Чунки улар маъруфга буюриб, мункардан қайтарадиган ва инсонлар учун чиқарилган энг яхши Уммат бўлдилар.

Абдулкарим Абу Мусъаб қаламига мансуб

(“Ал-Ваъй” журналининг 385-сонидан)