بِسْمِ اللهِ الرَّحْمٰنِ الرَّحِيم

Роя газетаси:

Малайзия билан Туркия мисрлик йигитларни қатл этишда Сисий билан тил бириктирди

Ал-Жазира нет сайти ҳижрий 1440 йил 29 жумодус-соний, милодий 2019 йил 6 март чоршанба куни нашр қилган хабарда бундай дейилади:

«Малайзия ҳукумати тўрт йилдан бери Малайзияда яшаётган тўрт нафар мисрликни, Миср ҳукумати талабига биноан Мисрга экстрадиция қилди.

Бу тўрт йигит Муҳаммадфатҳий Ийд, Абдуллоҳ Муҳаммадҳошим, Абдурраҳмон Абдулазиз ва Азмий Саидмуҳаммадлардир. Улар Мисрдаги ҳарбий инқилобга қарши чиқишган бўлиб, уларга нисбатан умрбод жазо ҳукми чиқарилган эди.

Турк ҳукумати ҳам ўтган феврал ойида Муҳаммад Абдулҳафиз исмли мисрлик йигитни – иккита жазога ҳукм қилинганига ва улардан бири ўлим жазоси бўлганига қарамай – Қоҳирага депортация қилган эди.

Миср режими 2013 йил 3 июл инқилобидан сўнг юртда бошланган репрессив сиёсат ортидан хорижга қочиб чиққан минглаб мухолафатчини дунё бўйлаб таъқиб қилмоқда. Улардан бир қанчасини экстрадиция амалиёти билан қайтариб олишга муваффақ бўлди. Бу нарса инсон ҳуқуқлари ҳимоячилари томонидан кўплаб танқидларга учради».

Роя газетаси шарҳи:

Туркия билан Малайзия режимлари Уммат фарзандларини қамоққа олиши, қийноқларга солиши ва ўлимга ҳукм қилиши учун Миср фиръавни Сисий қўлига топшириш орқали унинг покиза қонларни оқизишига ёрдамлашмоқда. Бундан мустамлакачи кофир Ғарб нуфузини мустаҳкамлашни ва унинг юртларимиздаги манфаатларини таъминлашни кўзлашган. Албатта, бу уларнинг мустамлакачи давлатлар малайи эканлигини исботловчи навбатдаги далилдир. Зеро, улар Ислом Умматига қарши салибчилик урушида мустамлакачиларга хизмат қилишмоқда.

Мусулмонлар қони оқизилишини тўхтатиш ва мустамлакачиларни уларнинг юртларидан қувиб солиш учун Ислом Умматига бу золим ва ювиндихўр режимларни илдизи билан қўпоришлик ҳамда Пайғамбарлик минҳожи асосидаги Халифаликни барпо этиш вақти келмадими?!

Роя газетасининг 2019 йил 13 март чоршанба кунги 225-сонидан