بِسْمِ اللهِ الرَّحْمٰنِ الرَّحِيمِ

Матбуот баёноти

Марокаш режими босқинчи яҳудий вужуди билан алоқаларини мустаҳкамлаш орқали умматга хиёнат қилганини ва ундан буткул узилиб қолганини яна бир бор таъкидлаяпти

АҚШ ҳомийлигида ўтган учрашув ортидан Марокаш режими ва яҳудий вужуди ўртасидаги алоқаларни дипломатик ваколатхона даражасидан элчихоналар мақомига кўтариш, элчилар алмашиши ҳамда ушбу жиноятчи вужуд ва Марокаш ўртасидаги авиапарвозларни Марокаш авиакомпаниялари томонидан амалга ошириладиган рейсларни ҳам қамраб оладиган даражада кенгайтириш бўйича келишув эълон қилиниши биланоқ, Мағрибда халқ ва фуқаролик жамияти орасида кескин қораловчи муносабатлар тўлқини бошланди.

Айниқса, ушбу қадамни яҳудийларнинг Ақсо масжиди ва Ғазо секторига нисбатан тажовуз ва жиноятлари авжига чиққан бир пайтда қўйилиши кенг кўламли ғазаб ва норозилик кайфиятини келтириб чиқарди. Шунингдек, бу ҳолат Фаластин масаласини қўллаб-қувватловчи ҳаракатчан кучлар ва фаол жамоатчилик учун жиддий зарба бўлди. Улар мазкур эълонни Фаластин халқининг қони оқизиш ва уммат муқаддасотларини оёқ ости қилиш ҳисобига муносабатларни нормаллаштириш жараёнини тезлаштириш ҳамда Марокаш жамоатчилигининг Фаластинни сўзсиз қўллаб-қувватлашга қаратилган қатъий позициясини четлаб ўтиш деб баҳоладилар. Бу эса нормаллашув поездига малай ҳокимлар ёлғиз ўзлари чиқаётганини, бутун Ислом уммати эса уни тошбўрон қилаётганини (рад этаётганини) яққол тасдиқлайди.

Бу эса мусулмон ўлкаларидаги ҳукмрон режимлар билан Ислом уммати ўртасидаги айрилиш ҳолатини янада кучайтиради; Марокаш бунга ёрқин мисолдир. Уммат Ғарбий Соҳил, Ғазо ва Ақсо масжидидаги Фаластин аҳлига нусрат-ёрдам бериш учун ёниб-куяётган, унинг фарзандлари ва аскарлари томирларида бутун Фаластин ҳамда уммат муқаддасотларини босқинчи яҳудийлардан озод қилиш иштиёқида қони қайнаётган бир пайтда, биз Марокаш режимининг яҳудий вужудини дўст тутишга шошилаётганига гувоҳ бўлмоқдамиз. Ушбу режим яҳудий вужуди раҳбариятига нисбатан дунё бўйлаб шаклланган рад этиш ва чиқиндига чиқариш ҳолатини синдиришда уларга ёрдам қўлини чўзмоқда. Шу орқали у ўз ҳукуматлари сиёсатига нисбатан глобал нафрат муносабатларини кўриб турган худосиз хўжайинлари олдида яҳудий вужудининг юзсиз башарасини бироз бўлса-да андозалашга, шунингдек, навбатдаги сайловларда яҳудийлар овозини олишга уринаётган Трамп маъмуриятининг мавқеини мустаҳкамлашга ҳисса қўшмоқда.

Демак, хоин Марокаш режими ўзи ташлаган бу қадами билан нафақат Фаластинни босиб олган яҳудий вужуди ва унинг ҳомийси Америка сафида турибди, балки уларнинг ашаддий жиноятчи раҳбарларига сайлов тўсиқларини енгиб ўтишлари учун ҳам кўмак бермоқда. Шу тариқа, ушбу режим умматдан, унинг ташвиши, дард-аламлари ҳамда орзу-интилишларидан бутунлай узилиб қолганлигига ўзи гувоҳлик бермоқда.

Дарҳақиқат, умматнинг энг биринчи мусибати унинг ҳукмдорларидадир. Агар улар бўлмаганида эди, яҳудийлар умматга бугунгидек ҳаддидан ошиб тажовуз қилолмас, унинг Пайғамбари соллаллоҳу алайҳи васаллам Исро масканини босиб ололмас эди; на Америка, на Британия, на Ҳиндистон, на Россия, на Хитой, на Европа ва на куфр миллатларининг бошқа бирортаси унга тажовуз қила олмас эди. Зеро, бу ҳукмдорлар ушбу кофирларга, уларнинг манфаатларига ва мустамлакачилик лойиҳаларига содиқдирлар.

Ислом уммати учун бу танг аҳволдан чиқиш ва халос бўлиш йўли – ушбу  мустамлакачилик нуфузини тугатиш ҳамда уммат орасидан чиқадиган, дарди умматнинг дарди бўлган, иши умматига ёрдам бериш бўлган ҳамда уммат манфаатлари, юртлари ва динини ҳимоя қиладиган ўз умматига ғамхўр Халифасини тиклашдир.

Аллоҳ таоло айтади:

 ﴿لَا تَجِدُ قَوْماً يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ﴾

«Аллоҳга ва охират кунига иймон келтирган қавмнинг Аллоҳ ва Унинг Расулига қарши чиққанлар билан — гарчи улар ўзларининг оталари ёки ўғиллари ёки ака-укалари ёки қариндош-уруғлари бўлса ҳам — дўстлашаётганларини топмассиз. Ана ўшаларнинг дилларига (Аллоҳ) иймонни битмишдир ва уларни Ўз ҳузуридан бўлган бир руҳ билан қўллаб-қувватлагандир. Уларни остидан анҳорлар оқиб турадиган, унда мангу қолувчи жаннатларга киритур. Аллоҳ улардан рози бўлди ва улар ҳам Ундан рози бўлдилар. Ана ўшалар Аллоҳнинг ҳизбидирлар. Огоҳ бўлингизким, албатта Аллоҳнинг ҳизбигина нажот топгувчилардир!» (Мужодала: 22-оят).

 Ҳизб ут-Таҳрирнинг Марказий Матбуот бўлими