Марокаш режими яҳудий вужудига бирор кун қарши бўлганми?!
بِسْمِ اللهِ الرَّحْمٰنِ الرَّحِيمِ
Марокаш режими яҳудий вужудига бирор кун қарши бўлганми?!
Қудсул арабий веб-сайти (ҳижрий 1441 йил 28 сафар, милодий 2019 йил 27 октябр якшанба куни) нашр қилган хабарда бундай сўзлар келади:
«Орадан йигирма йил ўтиб, «Исроил»нинг «Flying carpet» туристик агентлиги Марокаш саёҳатларини қайта бошлади.
Шунга биноан, «Исроил»дан Касабланка, Марокаш, Танжер, Уждага ойига беш авиарейс қатнови йўлга қўйилди. Бу рейс 2020 йилдан эътиборан «Исроил» авиакомпанияси орқали Тель-Авивдан қатнайди.
Работда ўз офисига эга бўлган ва Марокашга бир неча марта рейслар уюштирган «Flying carpet» туристик агентлиги ўзининг Марокашдаги фаолиятини икки томон ҳукуматлари қарорига биноан тўхтатган эди.
Аммо бу нарса агентликни Франция ва Испания орқали билвосита авиарейслар олиб бориш орқали Марокашдаги фаолиятини қайта тиклашдан тўсолмади.
Марокашда чиқадиган «La Vie Еco» журнали нашр қилган тадқиқотга кўра, икки давлат ўртасида тўғридан-тўғри авиақатнов бўлмаганига қарамай, «исроиллик»лар 2018 йилда Марокашга 80 мингга яқин сафар қилишган.
Ўша пайтда тадқиқотга муаллифлик қилган Эйнат Леви «Ҳозирда Исроил-Марокаш ўртасидаги ҳамкорлик нисбатан бир мунча кенгайди, ўзаро манфаатлар айирбошлаш кучли ва доимий ҳолатга кўчди», деб айтди.
Эйнатнинг таъкидлашича, «ҳозирда бир миллион нафар атрофида марокашлик яҳудий «Исроил»да истиқомат қилади. Шунинг учун ҳар йили ўн минглаб «исроиллик»лар Марокашга туристик, савдо ва оила зиёрати сафарларини амалга оширади…».
Роя газетаси шарҳи:
Марокаш режими муборак Фаластин замини босқинчилари бўлган яҳудийлар билан бир кун ҳам кескин ёки душманлик муносабатида бўлмаган. Мазкур хабарда қуйидаги сўзлар ҳам келган эди:
«Исроил билан Марокаш ўртасидаги муносабатлар ўтган асрнинг эллигинчи йиллари бошланган. Тадқиқотларга кўра, улар ўртасида қишлоқ-хўжалик соҳасида – қисман бўлса ҳам – ҳамкорлик қилинган ва унга кўра, Марокаш «Исроил»га Сардин балиғи ва зайтун ёғи етказиб бермоқда, «Исроил» эса, Марокашни илм-фан ва қишлоқ хўжалик бўйича билим технологияси билан таъминламоқда. Масалан, томчилатиб суғориш, деб номланган суғориш тизимлари каби.
Илк бор 1976 йили қирол Ҳасан II «Исроил» бош вазири Исҳоқ Рабинга мезбонлик қилган пайтда бу икки давлат ўртасидаги алоқа янада чуқурлашган эди. Ўшанда Рабин Марокашдан «Исроил»-Миср ўртасидаги мулоқотни мустаҳкамлаш учун қўлидан келганча ёрдамлар беришни талаб қилиб келган эди.
Орадан бир йил ўтгач, Марокаш Миср билан «Исроил»нинг ташқи ишлар вазирлари ўртасида яширин учрашув ташкиллаштирди. Ўз навбатида, бу Садатнинг машҳур «Исроил» зиёратига замин яратди.
Тўқсонинчи йиллар бошида бу икки давлат муносабатларини Осло Декларацияси мустаҳкамлади. 1993 йил сентябрда Рабин ва Перес Вашингтонда бўлиб ўтган Фаластин Озодлик ташкилоти билан принципиал Декларация имзолаш маросимидан қайтаётиб, Марокашга келишди. Бу зиёрат «Исроил»-Марокаш муносабатларининг чуқурлашишига хизмат қилди. Дарҳақиқат, «Исроил»-Марокаш ўртасидаги ҳамкорлик кучли бир шаклда ривожланди ва икки давлат ўзаро иқтисодий ривожланиш даврини бошлади».
Бироқ бу муносабатларнинг ҳозир эълон этилаётгани Марокашнинг босқинчи давлат билан муносабатларни нормаллаштиришни очиқ-ошкор амалга оширишга ўзида журъат топганини англатади. Энди у Франция ва Испания орқали авиақатновларнинг айланиб ўтиб эмас, тўғридан-тўғри бўлишини истаб қолди. Бу эса, мусулмонлар туйғуси билан ўйнашиш ҳамда уларнинг коррупциячи ва малай режимларга қарши олиб бораётган қўзғолонларини менсимасликдир. Гўё Марокаш режими ўзини бундай қўзғолонлардан йироқда деб ўйлаяпти. Шунинг учун Марокаш аҳли зиммасидаги вазифа – бундай малай режимни ағдариш ва унинг харобалари узра Пайғамбарлик минҳожи асосидаги рошид Халифалик давлатини барпо қилиш ҳамда унинг хиёнатларига ҳам, Қуддус қўмитасига раислик қилиб, вайсашига ҳам сукут қилмасликдан иборатдир. Зотан, Рошид Халифалик Фаластинни озод қилиш учун ўз армияларни ҳаракатга келтиради, туристик самолётларни эмас.
Роя газетасидан олинди
