بِسْـــمِ اللهِ الرَّحْمٰـــنِ الرَّحِيـــم

Роя газетаси:

Марокашдаги Адолат ва Тараққиёт партиясининг қироллик бошқарувини қўллаб­қувватлаши икки жиҳатдан жиноятдир

Ҳижрий 1439 йил 23 жумодус-соний, милодий 2018 йил 11 март якшанба куни «Арабий жадид» dt,-сайти нашр қилган хабарда бундай дейилади:

«Марокаш бош вазири «Адолат ва Тараққиёт» партияси бош котиби Саъдиддин Усмоний – менинг партиям «қироллик бошқарувини қўллаб­қувватлайди ҳамда юртда демократияни мустаҳкамлашда қироллик ўйнаган ролни  юксак баҳолайди» деди. У “ҳукумат ислоҳотларининг ижроси давом этиши ҳамда марокашликлар талаблари қондирилиши учун қироллик қулай шароит яратади” дея қўшимча қилди.

У «Адолат ва Тараққиёт» партияси сайловчилари ижроий бўлимининг илк йиғилишига раислик қилиш чоғида сўзлаган нутқида “юрт барқарорлиги учун қироллик муассасаси билан келишувга эришилди” дея ўз сўзини тамомлади».

Роя газетаси шарҳи:

Исломда бошқарув тизими Халифаликдир, қироллик эмас. Ислом қироллик бошқарувини тан олмайди ва Халифалик бошқаруви қиролликка ўхшамайди. Бунинг боиси шундаки, қироллик бошқарувида ўғил мерос орқали қирол бўлади, Умматнинг бунга алоқаси бўлмайди. Аммо Халифалик бошқаруви мерос билан ўтмайди, балки халифа сайлашнинг тариқати Уммат байъатидир. Шунингдек, қироллик бошқаруви қиролга шундай имтиёз ва махсус ҳуқуқлар берадики, фуқародан ҳеч кимда бундай ҳуқуқ бўлмайди. Қирол қонундан устун қўйилиб, миллатнинг рамзи ҳисобланади. Яъни Қирол – баъзи қироллик бошқарувларида бўлгани каби – қироллик қилади, лекин ҳукм юритмайди. Яна баъзи бир қироллик бошқарувларида эса, ҳам қироллик қилади, ҳам юрт ва фуқарони ўзининг нафс­ҳавоси бўйича бошқаради. Ўзи зулм қилса ҳам, зиён етказса ҳам ўз шахсига тил текизилишига йўл қўймайди. Халифалик бошқарувида эса, халифага – қиролликка ўхшаб – фуқародан устун қилувчи бирорта ҳам махсус имтиёз берилмайди, ёки Уммат шахсларидан бирортасида йўқ алоҳида ҳуқуққа эга бўлмайди ёки қироллик бошқарувидек миллат рамзи ҳисобланмайди. Балки у бошқарув ва салтанатда Умматнинг вакили бўлиб, Уммат уни танлаган ҳамда Аллоҳнинг шариатини татбиқ этиши учун унга байъат берган. Халифа ҳар бир хатти­ҳаракатида, ҳукмларида ҳамда Уммат ишлари ва манфаатларини бошқаришда шаръий аҳкомларга чекланади.

Бунинг устига, исломий юртлардаги мавжуд қироллик ва республика бошқарувларининг барчаси мустамлакачи Ғарбга малайлик қилаётган ҳамда Аллоҳ, Росули ва бандаларининг душмани бўлган режимлардир. Шунингдек, ушбу бошқарувлар инсонларга бадбахт ҳаёт олиб келиб, уларни ёмон азобларга гирифтор қилмоқда ҳамда юртларимиз устидаги мустамлакачиликнинг умрини узайтириб, куфр бошқарувини давом эттиришмоқда.

Шунинг учун Марокашдаги Адолат ва Тараққиёт партияси қилган иш икки жиҳатдан Ислом ва мусулмонларга қарши жиноятдир: биринчи жиҳати унинг марокашдаги малай режимга ялтоқлик қилиб, уни ҳимоя қилаётгани бўлса, иккинчи жиҳати Исломга зид қироллик бошқарувини қўллаб­қувватлаб, унинг умрини узайтиришга уринаётганидир!

Роя газетасининг 2018 йил 21 март чоршанба кунги 174-сонидан