Улар сиз азиз халққа нажот йўлини танитган эдилар холос

بسم الله الرحمن الرحىم

Ўзбекистоннинг энг сара, мард муслим ва муслималари 1999 йили ошкора оммавий даъватга чиқиб бутун шаҳарларда оламнинг ислоҳи Халифаликнинг қайта тикланиши билан бўлиши ва Аллоҳнинг шариати олийлиги учун ҳаракат қилиш барча мусулмонларга вожиблигини эслатиб, огоҳ этган эдилар. Уларнинг оммавий хитоблари ва юртимиз бўйлаб тарқатишган варақалари уйқудаги мусулмонларни анча сергак қилиб улгурди. Барча шаҳарлар бозорлари, кўчалари ва транспорт уловларида даъватларини кенг оммага етказдилар.

Аммо Аллоҳ ва Росули ﷺга ашаддий душман бўлган давлат раҳбари И. Каримов ҳаққа чорловчи даъватчиларни беаёв оммавий қамашга ИИБ ва МХХ куч ишлатар тизимларини жалб қилди. Ҳизб ут-Таҳрир йигитлари фаолият тизимини билиш учун қамоққа олинган ҳар бир йигитни даҳшатли қийноққа сола бошлашди. Ўзбекистонда бирор милиция идораси ва тергов ертўласи қолмадики, даъватчиларимиз қони билан деворлари, поллари қизилга беланмаган бўлса. Тергов ҳибсхоналарида қийноқлар натижасида қатл қилинганлар ўз оилаларига МХХ ходимлари томонидан қайтарилиб ва одамлар йиғилмасдан, овоза қилинмасдан тезда кўмишга буюриб, устида назорат ҳам қила бошлашди.

Ўша йилларда даҳшатли қийноқлардан шаҳид бўлган Тошкентлик Фарҳоднинг жанозасига йиғилган мусулмонлар атрофи икки км радиусда милиция ходимлари томонидан ўраб олинди. Назарбек райони атрофида постлар кучайтирилиб, йўлда учраганки кишиларни машиналарга тиқиб, олиб кетишди. Бу таъқибдан мақсад жаноза сафини кенгайиб кетиши олдини олиш ва жаноза намози хутбаси таъсиридан оммани тўсиш эди.

Золимлар терговида даҳшатли қийноқлардан шаҳид бўлган Нўмон биродаримиз ва Жаслиқда устиларидан қайноқ сувлар қуйиб шаҳид қилинган Музаффарлар жанозаси ҳам шу каби назорат остида ўтказилди.

Бу қаттол президент ва унинг хўжайинларини эсанкиратиб қўйган даъватчилар терговларда қатл қилиниб, ўз уйларига целлофан қопларда ташлаб кетилди. Бу каби қатл ва қатағонлар, ваҳшиёна қийноқлар Ҳизб йигитлари шашти ва шижоатини асло сўндирмади, аксинча саф ичидан ўз аҳд-паймонида садоқатли, фидоий шаҳидларнинг кетма-кет чиқиши уларни янада шижоатлантириб юборди. Шунча зулм ва фитналарга қарамасдан даъватнинг Ҳизб йигитлари томонидан узлуксиз давом этиши Аллоҳ таолонинг мана бу қавли:

وَمِمَّنْ خَلَقْنَا أُمَّةٌ يَهْدُونَ بِالْحَقِّ وَبِهِ يَعْدِلُونَ

– “Биз яратган зотлар орасида (одамларни) ҳақ (дин) билан ҳидоят қиладиган ва ҳақ (ҳукм) билан адолат қиладиган бир жамоат ҳам бордир”.      (Аъроф:181)

Ва Росулуллоҳ ﷺнинг ушбу: “Умматимдан бир тоифаси ҳақ устида мудом собит бўлур. Қарши курашувчилар уларга зарар беролмас (йўлларидан қайтаролмас), то Аллоҳнинг амри келгунча (улар шундай давом этурлар)” ҳадисининг ҳаётий тасдиғидир.

Кунора одамлар қўлига тутқазилаётган варақаларда ҳукумат тепасидагиларининг кирдикорлари ва қаттиқ қўрқитилган масжид имомларининг ҳақни яшириб, даъватчиларимизга туҳмат тошлари отишга мажбуран жалб қилинаётгани ҳақидаги хабарлар тарқатиларди.

Мана, орадан 24 йил ўтибдики, сиз азиз халқ бағридан шундай уйғоқ ўғил-қизларингизни юлиб, қамоққа тиқиб асл Исломга, ҳаққа қарши кураш гоҳо зимнан, гоҳо ошкора ҳолда ҳамон давом этмоқда. Аввалги раҳбар даврида қамалган йигитларимиз ҳануз зоналарда қолиб кетмоқда. Ва ҳозирда ҳам айрим йигитлар у ерлардан шаҳид қилиниб уйларига қайтарилмоқда. Ёшлик- йигитлик даврларини зона даҳшатлари, меҳнат-машаққатларида ўтказиб, оиласи бағрига тирик қайтганлар ичидан қийноқлар натижаси ўлароқ орттирилган турли оғир дардлар асоратидан вафот этаётганлар ҳам йўқ эмас.

Куни кеча 43 ёшида вафот этиб, жанозаси ўқилган Умаров Шерзод ҳам узоқ йиллар ўтиб Ўзбекистон зоналаридан озодликка чиққан ва 41 ёш деганда уйланиб, икки фарзандли бўлган эди. Аммо оиласи бағрига озод қайтган биродаримизнинг қувончи бутун бўлмади, узоққа чўзилмади. Кўп йиллик оғир айрилиқ ва стресслар ортидан орттирилган саратон касалидан омонатини топшириб дунёдан ўтди. Аллоҳ жойларини Фирдавс жаннатларида қилсин. Ортида диллари вайрон қолган оиласига сабру жамил берсин ва ризқларини кенг қилсин.

Ўзбекистон матбуоти, ОАВларида Ҳизб ут-Таҳрир йигитларини сиз ҳалққа не не айбловлар билан танитишда тиним билмаяпти. Буюк сийрат яна такрор бўй кўрсата бошлади – Пайғамбаримиз ﷺ ҳақларида дин душманлари қандай туҳмат тошлари отишган бўлса, бугунги кунда ҳам Ҳизб йигитларига айнан ўшандай бўҳтонлар такрор ёғилмоқда.

Сўзимиз сўнггида ҳақ йўлдагиларга қарши курашда давом этаётган ҳукуматдан қўл ювиб, сиз азиз халқимизга мурожаат қилмоқчимиз:

Эй азизлар! Сизларга ҳукумат томонидан 25 йилдан бери террорист, экстремист, ватан хоини, халқ душманлари, деб танитиб келинган Ҳизб ут-Таҳрир йигитлари сизнинг душманингиз эмас, дўстларингиздир! Улар сизга зиммаларидаги ҳақни етказганлари учун умрлари қамоқда ўтмоқда. Бир лаҳза фикрлаб кўринг, ахир юрт бойликларини талон-тарож қилаётганлар ҳам, халқни хорлик-қулликка маҳкум этаётганлар ҳам, ҳақиқий хоин-душманлар қолиб, асл дўстдан душман ясаб, уларни турли баҳоналар билан қамаб, тутиб, мусулмонларга кун бермаётганлар ҳам шу ҳукумат режими ва унинг ҳимоячилари эмасми?!

Биз Ҳизб ут-Таҳрир йигитлари ўз хитобимизда нажот йўлини сизларга танитмоқдамиз холос. Ва бу ишимиз учун ҳукумат режими олдимизга қўяётган тўсиқлар, биз дуч келаётган машаққатлар эвазига ҳеч бирингиздан ҳақ ёки ташаккур сўрамаганмиз ва сўрамаймиз хам. Чунки бу эзгу амаллар эвазига бутун ер юзидаги бойликлар ҳам етмагай. Бизлар учун Роббул-оламиннинг “РОЗИМАН БАНДАМ” демоқлигининг ўзи кифоя. Биз энг буюк муждани Аллоҳ таолонинг мана бу сўзидан олиб яшаймиз:

وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ۚ ذَٰلِكَ الْفَوْزُ الْعَظِيمُ

– “Муҳожир ва ансорларнинг биринчи пешқадамлари ва уларга чиройли амаллар билан эргашган зотлар – Аллоҳ улардан рози бўлди ва улар ҳам Ундан рози бўлдилар. Яна (Аллоҳ) улар учун остидан дарёлар оқиб турадиган, улар абадий қоладиган жаннатларни тайёрлаб қўйди. Мана шу буюк бахтдир”. (Тавба:100)          

Ҳизб ут-Таҳрир Ўзбекистон матбуот бўлими аъзоси Зайниддин

19.06.2023й