Мажбурий ҳамкорликми бу?
بسم الله الرحمن الرحيم
Хабар: Qalampir.uzнинг 13 апрелдаги хабарига кўра, “Крокус Сити Ҳолл”даги теракт муносабати билан Россия ва Марказий Осиё давлатлари терроризмга қарши курашда ҳамкорликни кенгайтириш ниятида. Бу ҳақда Россия Ташқи ишлар вазири Сергей Лавровнинг Минскда Қозоғистон, Қирғизистон, Тожикистон, Туркманистон ва Ўзбекистонлик мавқедошлари ўртасида ўтган учрашуви якунлари бўйича Россия ТИВ тарқатган хабарда сўз борган. Учрашувнинг барча иштирокчилари Москва яқинидаги “Крокус Сити Ҳолл” концерт залида содир этилган терактни кескин қораладилар ва Россия томонига самимий ҳамдардлик билдирдилар. Шу нуқтаи назардан вазирлар Россия ва Марказий Осиё давлатлари ўртасида халқаро терроризмга қарши муросасиз курашда, жумладан, ихтисослашган кўп томонлама платформаларда, хусусан, МДҲ аксилтеррор маркази ва ШҲТ Минтақавий аксилтеррор тузилмаси доирасидаги ҳамкорликни изчил кенгайтириш тарафдори бўлишди, дейилади Ташқи ишлар вазирлиги хабарида.
Изоҳ: Минскдаги бу йиғилиш, Москва шаҳридаги яҳудийларни диний муассасасида йиғилиш бўладиган куни “теракт уюштирмоқчи бўлган” Марказий Осиё давлатларидан бирига мансуб фуқарони 10 апрелда ФСБ томонидан ўз яшаш жойида отиб ўлдирилишидан кейин бўлиб ўтди. Ажабланарлиси, ФСБ у фуқарони яшаш жойига кириб “қаршилик кўрсатганлиги” арафасида отиб ташлаган. Янада қизиқарлиси, ўша “террорчи” Москвада уюштирмоқчи бўлган қўпорувчилик учун ҳозирлаб қўйган бомбани ўзи ётадиган матрас остида сақлаган. Бу ФСБ тақдим этган видеотасмада кўрсатилган. Биз эътиборингизни ўша фуқаро ҳақиқатдан яҳудийларни уларнинг йиғинида портлатишни режа қилганми ёки йўқми эканига эмас ёки ФСБ уни ётоқ жойидаёқ ўлдириб ўшандай нияти борлигини қаердан билганига ҳам қаратмаймиз. Чунки бу ақл эгаларига кўп нарсани очиқ-ойдин қилиб турибди. Биз ўқувчи эътиборини ўша “террорчи”ни МО давлатларидан бирига хослаб, айнан қайси бир миллатга мансублигини очиқламаганига қаратмоқчимиз. Ахир, уни фарқлаш учун кўп меҳнат талаб қилинмайди. ФСБ ходимлари аввалги “Крокус Сити Ҳолл”да қўлга олинган тожикларга қилган зулмини ва Тожик ҳукуматига ўтказган босимларини қўшни ўзбек, қирғиз, қозоқ ва туркманга ибрат қилгандек бўлди. Шунга биноан айтиш мумкинки, бу ерда ҳам ушбу “террорчи”ни МОдаги қайсарлик қилиши мумкин бўлган хоҳлаган давлатнинг фуқароси деб эълон қилиши мумкинлигига ишора бордек кўринди. Шу боис, Минскдаги йиғилишга чопиб борган МО давлатлари вакиллари якдиллик билан шоша-пиша ҳамкорликка қўл қўйдилар гўё. Бу ҳамкорлик шартномаси ортидан Россияга қарши қўлланаётган санкцияларни четлаб ўтишда ҳамкорлик қилишга ишоралар ётган бўлса ажабмас. Чунки Россияга ғолиблик олиб келмаётган Украина уруши унинг тинкасини қуритди. Урушда ўқ-дори ва ҳарбий теҳникалар камомадлари ҳар икки томонни бошқа давлатларга бошларини эгдираётган бўлса, аскар етишмаслиги дард устига чипқон бўлмоқда. Ахир, садоқ тўла ўқ бўлса-ю камончи бўлмаса, ов бўлмайди–ку! Россия бундай аскарий ресурсларини халқи орасидаги фидоийлари, кўнгиллилари, мажбурланганларидан ташқари жиноятчилар ва кейинчалик ёлланган кўча бомжлари билан тўлдириш орқали ҳам ечолмаяпти.
Энди эса, навбат МОдан оқиб келган меҳнат муҳожирларига етиб келди. Табиийки, бу урушнинг мусулмонларга заррача алоқаси йўқ. Шу сабабли “Крокус Сити Ҳолл” воқеалари айнан МОликлар “иштирокида амалга оширилган” бўлиб чиқаётгани ҳам шубҳаларни кучайтирмоқда. Бундан ташқари, учрашувга келган вазирлар 2022 йил 14 октябрда Остона шаҳрида бўлиб ўтган “Россия – Марказий Осиё” биринчи саммити якунлари бўйича ўзаро ҳамкорликнинг боришини ҳам батафсил муҳокама қилган. “Иқтисодиёт, энергетика, транспорт, тиббиёт, экология, маданият ва таълим соҳаларида олти томонлама ҳамкорликка кўмаклашувчи тегишли тадбирлар рўйхати устида ишлашни якунлаш зарурлиги таъкидланди”, дейилган эди ўша баёнотда. Ва энг аҳамиятлиси, хабарда билдирилишича, минтақавий хавфсизлик масалалари, биринчи навбатда, қўшни Афғонистондаги инқирозли вазият ва улар билан боғлиқ МО давлатлари ва Россия учун хавфлар кўриб чиқилганидир. Мана шулардан келиб чиқиб, МОдаги мусулмонларга ўз қадр-қимматини, ўзлигини, шарафини сақлашга қодир бўлолмайдиган раҳбарларини яқиндан танимоқларига ва бир қанча Ислом юртларига тонналаб бомбалар ёғдирган ва ҳамон вайронкор табиатидан қайтмаган кофир қавмдан хайр кутмасликка чақириб қоламиз. Асло унутмангки, сиз азизликка фақат Ислом билан ҳақли уммат бўлгансиз! Хорлик ва тубанликка эса ўша Исломдан узоқлашиб рўбарў келдингиз. Оламдаги аввалда чегара ва сим тўсиқларсиз бир вужуд, бир миллат бўлиб яшаб, азизликни кўрган Умматнинг бугунги авлоди тафаккур қилиб тўғри йўлни топмоғига етарлича ибратлар бўлди. Ана қаранг, тожикнинг раҳбарини! Ахир, у ўзи эртага сўраладиган халқини итдан баттар қийноқларга гирифтор этган ўрис хожасига ҳамдардлик кўрсатиб турибди. Буларнинг бирортаси учун сиз азизларнинг заррача қадру қийматингиз йўқ. Улар ўзларини дунёси учун бутун бир халқ шаънини ерларга булғашга ва кофир қавмни оёқ остиларига ташлашга тайёр разил ва ҳақир кимсалардир. Икки дунё саодатини, азизликни ва асосан хотиржамликни кафолатлаган Исломингизга қайтмоқ барча муаммоларнинг ўзгармас мукаммал ечимидир! Дастури шариат бўлган Ислом Халифалигини ҳаётга қайтариш вазифаси Уммат учун эртанги Кунда Аллоҳ субҳанаҳу сўрайдиган ҳисоботнинг энг аввалги саҳифасидир!
وَإِنَّهُ لَذِكْرٌ لَّكَ وَلِقَوْمِكَ ۖ وَسَوْفَ تُسْأَلُونَ
– “Албатта у (Қуръон) сиз учун ҳам, қавмингиз-умматингиз учун ҳам бир шарафдир ва яқинда (Қиёмат Кунида бу неъмати илоҳийя хусусида) сўралурсизлар”. (Зухруф:44)
Ҳизб ут-Таҳрир Ўзбекистон матбуот бўлими аъзоси Зайниддин
18.04.2024й
