بسم الله الرحمن الرحيم

МХХ ва бошқа куч ишлатар тузилмаларига қулоқлик қилиш тўғрисидаги саволга жавоб 

Ижтимоий тармоқлардан бирида Али исмли мухлисимиздан келган саволга жавобнинг биринчи қисми.

Савол:

Али дан

Ассаламу алайкум азиз биродарим, аввало ишончимизга эга бўла олмаган уламолар кўпайиб кетган бугунги замонда ҳолислигингизни сақлаб, Аллоҳга бўлган тақвоингизни йўқотмай, бизларнинг саволларимизга жавоб бераётганингиз учун Аллоҳ бу дунё ҳаётингиз ва Охиратингиз учун фойдали бўладиган яхшиликларни берсин ва сизни Ўзи чиройли мукофотласин.

Мени саволим, яъни хозир айтадиганим воқелик устида. Бугунги кунда Ўзбекистонда яшовчиларнинг деярли барчасига маълумки, қишлоқ ва шахарларда аҳолининг нима қилаётганини, нималарни гапираётганини ИИБ ёки МХХ органлари ходимларига етказиб турадиган инсонлар бор. Улар ИИБ да ҳам МХХ да ҳам ишлашмайди, лекин уларни кўпчилик танийди ва нима иш қилишини ҳам билади. Бу инсонлар асосан диндор шахсларни кузатишади ва улар тўғрисида маълумот етказишади.

1-Савол:  Ислом шариатида мўъмин одамга зарар етишини, мисол учун қамалишини ёки унга тазйиқ бўлишини билиб туриб у тўғрисида бугунги МХХ ёки ИИБга маълумот бериш тўғрими?

2-Савол: Маълумот етказувчи инсонларнинг кимлигини ва бу инсонлар МХХ ёки ИИБ химоясида эканлигини биламиз. Шунинг учун кўп инсонлар уларга очиқ тарзда “Сен биз тўғримизда маълумот етказасан” – деб айта олмайдилар. Ислом шариатига мувофиқ мана шундай, яъни бугунги шароитда шунақа инсонларга нисбатан мусулмонлар қандай муносабатда бўлишлари керак?

Жавоб:

Ва алайкум ассалом ва роҳматуллоҳи. Самимий фикрларингиз учун ташаккур.

Биринчи саволга жавоб

Минг афсуслар бўлсинки, сиз айтгандек, бугунги кунда бутун дунё бўйлаб, хусусан Ўзбекистонда ҳам мусулмонларга қарши куфрий бошқарув ҳукумати жуда қаттиқ тазйиқларни олиб боряпти. Бу тазйиқлар орасида МХХ ва бошқа куч ишлатар тузилмалар органлари халқ орасида улар учун мусулмонлар тўғрисида маълумот етказиб турувчи ходимларини пайдо қилишиб, аксари мусулмонлар бўлган халқнинг устида ўзлари хоҳлагандек қўрқитувли бошқарувларини сақлаб қолишга уринишмоқда. Ва айни дамда ушбу куфрий бошқарувнинг асосий қуроли бўлган куч ишлатар органларига малайлик қилаётган ўша инсонлар ўзларини мусулмон деб ҳисоблайдилар. Бу ишлари уларнинг иймони заифлигини, иймон нима эканини ақли билан идрок қилмаган, ҳақиқий маънода топмаганликларини кўрсатади.

Албатта бундай ишлар ҳаромлиги аниқ бўлган амаллардандир. Бу ишнинг ҳаромлигига қуйидаги далилларни келтириш мумкин.

يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَبْ بَعْضُكُمْ بَعْضًا ۚ أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَحِيمٌ

 “Эй иймон келтирганлар, кўп гумон(лар)дан четланинглар! Чунки айрим гумон(лар) гуноҳдир! (Ўзгаларнинг айблари ортидан) жосуслик қилиб юрманглар ва айримларингиз айримларни ғийбат қилмасин! Сизлардан бирон киши ўзининг ўлган биродарининг гўштини ейишни яхши кўрурми?! Ана ёмон кўрдингизми?! (Бас, гуноҳи бундан-да ортиқ бўлган ғийбатни ҳам ёмон кўрингиз)! Аллоҳдан қўрқингиз! Албатта Аллоҳ тавбаларни қабул қилгувчи, меҳрибондир”.                                                                                (Ҳужурот. 12)

وعن ابن عمر قال : صعد رسول الله صلى الله عليه وسلم المنبر فنادى بصوت رفيع فقال: يا معشر من أسلم بلسانه ولم يفض الإيمان إلى قلبه، لا تؤذوا المسلمين ولا تعيروهم ولا تتبعوا عوراتهم، فإنه من تتبع عورة أخيه المسلم تتبع الله عورته، ومن تتبع الله عورته يفضحه ولو في جوف رحله، قال: ونظر ابن عمر يوما إلى الكعبة فقال: ما أعظمك وأعظم حرمتك، والمؤمن أعظم حرمة عند الله منك

 Ибн Умар розияллоҳу анҳумодан: Бир куни Пайғамбар соллаллоҳу алайҳи ва саллам минбарга кўтарилдилар ва баланд овоз билан шундай дедилар: “Эй одамлар, қайсинингиз тили билан иймон калимасини айтган бўлсангиз ва иймон қалбингизга сингимаган бўлса, бошқа мусулмонларга азият берманг. Мусулмонларни айбламанг, уларни (мусулмонларни) яширган айбларини қидириб, уларнинг ортидан жосуслик қилманг. Ким мусулмон биродарининг орқасидан яширган сирларини титкилаб жосуслик қилса, Аллоҳ унинг ўзини яширган сирларини орқасидан кимларнидир эргаштириб қўяди. Аллоҳ кимнинг орқасидан эргаштиришса, билингки, унинг яширган сирларни агарчи туясига қўйган юкларининг ичида бўлса ҳам, ошкор қилмай қўймайди”. Шундан сўнг Ибн Умар кунларнинг бирида Каъбанинг олдидан ўтиб қолганида (Росулулоҳнинг шу сўзлари эсига тушди ва) шундай деди: “Эй Каъба, сен қанчалар улуғ ва муҳаррамсан, лекин бир мўъминнинг ҳурмати, азизлиги Аллоҳнинг олдида сенинг ҳурматингдан улуғроқдир”. Термизий ривояти. Саҳиҳ.

المسلم من سلم المسلمون من لسانه ويده

Пайғамбар соллаллоҳу алайҳи ва саллам дедилар: “Мусулмон шундай кишики, бошқа мусулмонлар унинг тилидан ва қўлидан омонда бўладилар, зарар кўрмайдилар”. Бухорий ривояти.

Бу ва бошқа далиллардан билинадики, ўзини мусулмон деб санаган инсон ўзидан бошқа мусулмонларга ҳар қандай йўл билан азият бериши, зарар етказиши, ёки унга азият, зарар етишига сабаб бўлувчи амалларни қилиши ҳаромдир.

Шу ўринда саволда айтиб ўтилган жирканч ишни қилаётган ва айни дамда ўзларини мусулмон деб ҳисоблайдиган “мусулмон” дўстларимизга баъзи эслатмаларни айтиб ўтмоқчимиз.

Золим тузумларга хизмат қилаётган. Исломни хаётга татбиқ этилиши учун харакат қилаётган холис мусулмонларга қарши курашаётган ва айни дамда ўзларини мусулмон деб хисоблайдиган инсонлар! Билиб қўйингларки, сизлар жон-жаҳдингиз билан қарши курашаётган Ислом сиз курашсангиз ҳам, курашмасангиз ҳам, сиз хоҳласангиз ҳам, хоҳламасангиз ҳам, барибир ғолиб бўлмай қолмайди, чунки дунёни ўзини зулмлари билан бошқараётган капиталистик мабда аллақачон дарз кетиб бўлди ва ушбу капиталистик бошқарув низоми иложсиз мағлубиятга учраши муқаррардир.

وَاللَّهُ غَالِبٌ عَلَىٰ أَمْرِهِ وَلَٰكِنَّ أَكْثَرَ النَّاسِ لَا يَعْلَمُونَ

 “Аллоҳ Ўз ишида ғолибдир, лекин одамларнинг кўплари (буни) билмайдилар”.                                                                                       (Юсуф. 21)

 Сизлар эса, ушбу капиталистик давлатларга малайлик қилаётган майда давлатларнинг манфаати учун мусулмонларга қарши курашаётганлар хоҳлайсизми йўқми, барибир бир кун ўласиз, зеро ўлимдан қочиб қутилувчи ҳеч бир жонзот йўқ.

كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ

 “Ҳар бир жон ўлимни тотгувчидир. Ва қиёмат кунида ҳеч шак-шубҳасиз ажр-савобларингизни комил суратда олурсиз”.                              (Оли Имрон. 185)

Ана ўша кунда, бошингизга ўлим келиб, сизлар ишонган Аллоҳнинг хузурига тўпланилганда билингларки, сизлар жонингизни бериб тарафини олаётган бошлиқларингиз сизлардан мутлақо юз бурадилар, сизларни хозиргидек ёрдам ва эътибор билан сийлашга имконлари ҳам, хоҳишлари ҳам бўлмайди. Бу тўғрида Аллоҳ Таъоло ўзи ваъда қилиб айтган.

يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا * وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا * رَبَّنَا آتِهِمْ ضِعْفَيْنِ مِنَ الْعَذَابِ وَالْعَنْهُمْ لَعْنًا كَبِيرًا

 “Юзлари оловда айлантириладиган – куйдириладиган кунда, улар: «Кошки эди бизлар ҳам Аллоҳга итоат этганимизда, пайғамбарга итоат этганимизда», дерлар. Яна улар: «Парвардигоро, дарҳақиқат бизлар бошлиқларимизга ва катталаримизга бўйинсундик, бас улар бизларни (тўғри) йўлдан оздирдилар. Парвардигоро, Сен уларга азобни икки ҳисса қилиб бергин ва уларни катта лаънат билан лаънатлагин», дедилар”.                                                   (Ахзоб. 66-68)

قَالَ ادْخُلُوا فِي أُمَمٍ قَدْ خَلَتْ مِنْ قَبْلِكُمْ مِنَ الْجِنِّ وَالْإِنْسِ فِي النَّارِ ۖ كُلَّمَا دَخَلَتْ أُمَّةٌ لَعَنَتْ أُخْتَهَا ۖ حَتَّىٰ إِذَا ادَّارَكُوا فِيهَا جَمِيعًا قَالَتْ أُخْرَاهُمْ لِأُولَاهُمْ رَبَّنَا هَٰؤُلَاءِ أَضَلُّونَا فَآتِهِمْ عَذَابًا ضِعْفًا مِنَ النَّارِ ۖ قَالَ لِكُلٍّ ضِعْفٌ وَلَٰكِنْ لَا تَعْلَمُونَ * وَقَالَتْ أُولَاهُمْ لِأُخْرَاهُمْ فَمَا كَانَ لَكُمْ عَلَيْنَا مِنْ فَضْلٍ فَذُوقُوا الْعَذَابَ بِمَا كُنْتُمْ تَكْسِبُونَ

 “(Аллоҳ) айтур: «Сизлардан илгари ўтган жин ва инсдан иборат (кофир) миллатлар билан бирга дўзахга кирингиз!» Қачон бир жамоат (ўша дўзахга) кирганида, шеригини (яъни ўзини йўлдан урганларни) лаънатлайди. Қачонки унда (дўзахда) ҳаммалари топишишгач, кейингилари (эргашганлар) аввалгилари (бошлиқлари) ҳақида: «Парвардигоро, ана ўшалар бизларни йўлдан оздирганлар, бас, уларга дўзах азобини икки баробар қилгин», дейдилар. (Аллоҳ) айтур: «Ҳар бирингиз учун икки баробар азоб бўлур, лекин сизлар билмайсизлар». Аввалгилари эса кейингиларига: “Сизларнинг биздан бирон афзаллик томонларингиз йўқдир, бас, қилиб ўтган гуноҳларингизга яраша азобингизни тотаверинглар” дейдилар”.                                                                                       (Аъроф.38)

وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ ۖ وَالَّذِينَ آمَنُوا أَشَدُّ حُبًّا لِلَّهِ ۗ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ * إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ * وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا ۗ كَذَٰلِكَ يُرِيهِمُ اللَّهُ أَعْمَالَهُمْ حَسَرَاتٍ عَلَيْهِمْ ۖ وَمَا هُمْ بِخَارِجِينَ مِنَ النَّارِ

 “Одамлар орасида шундай кимсалар борки, улар ўзгаларни Аллоҳга тенг билиб, уларни Аллоҳни севгандек севадилар. Иймонли кишиларнинг Аллоҳга бўлган муҳаббатлари қаттиқроқдир. Бундай золимлар азобга рўбарў бўладиган замонларида (қиёмат кунида) бутун куч-қудрат Аллоҳники бўлишини ва Аллоҳнинг азоби қаттиқ азоб эканини билсалар эди. У кунда пешволар эргашувчилардан тонадилар ва ҳаммалари азобни (кўзлари билан) кўрадилар. (У кунда уларни боғлаб турадиган) баҳонаю сабаблар узилади. Эргашувчилар: «Қанийди, яна бир карра (яшашнинг) иложи бўлса-ю, улар биздан тонганларидек, биз ҳам улардан тонсак», дейдилар. Шундай қилиб, Аллоҳ Таъоло уларнинг қилган амалларини ўзларига ҳасрат-надомат қилиб кўрсатади ва улар жаҳаннамдан чиқувчи бўлмайдилар”.                                                                                                    (Бақара. 165 – 167 )

Биз бу сўзларни сизлар ўзингизни мусулмон деб хисоблаганингиз учун ва шу сабабли сизларни ўзимизга мусулмон биродар деб билиб, эслатма сифатида айтиб қўйдик, бу сўзларга қанчалик эътибор бериш, амал қилиш иймонингизга хавола. Зеро биз сизларни қалбингиздаги нарсалардан хабардор, воқиф эмасмиз, биздан фақат, мусулмонман деган даъвоингизни хисобга олганимиз холида, етказиб қўйиш.

فَذَكِّرْ إِنَّمَا أَنْتَ مُذَكِّرٌ * لَسْتَ عَلَيْهِمْ بِمُصَيْطِرٍ * إِلَّا مَنْ تَوَلَّىٰ وَكَفَرَ * فَيُعَذِّبُهُ اللَّهُ الْعَذَابَ الْأَكْبَرَ * إِنَّ إِلَيْنَا إِيَابَهُمْ * ثُمَّ إِنَّ عَلَيْنَا حِسَابَهُمْ

 “Бас, (эй Муҳаммад), сиз (уларга)эслатиб қўйинг! Зотан сиз фақат бир эслатиб қўйгувчидирсиз холос. Сиз уларнинг устида зўравонлик билан ҳукм юргизгувчи эмассиз. Илло ким (бу эслатмадан) юз ўгириб, кофир бўлса. У ҳолда Аллоҳ уни энг катта азоб билан азоблар! Зеро, ёлғиз Ўзимизга қайтишлари бордир! Сўнгра уларни ҳисоб-китоб қилиш (жазо бериш) ҳам ёлғиз Бизнинг зиммамиздадир!”.                                                                                                        (Ғошия. 21-22)

Валлоҳу аълам.

Иккинчи саволга жавобни алоҳида мақола кўринишида давом этамиз.

Ҳизб ут-Таҳрирнинг Ўзбекистондаги медиа офиси Муслим

10.02.2016й.