بِسْمِ اللهِ الرَّحْمٰنِ الرَّحِيم

Миллий байрамни нишонлаш мустамлакачиликни нишонлашдир

Кеча Ливан борлиғига «ошиқ» бўлган ва у билан чўнтакларини қаппайтираётган кимсалар «мустақиллик байрами»ни нишонлашди. Тантана қатнашчиларининг кўпчилиги иккиюзламачилик қилиб ёлғондан ўзларини Ливанга садоқатли қилиб кўрсатишди. Аслида Ливан таркибида турли тоифаларга садоқатли бўлганлар бор. Уларнинг кўпчилиги бирор тоифага садоқатлидир. Улар садоқатли бўлган бу тоифа Ливаннинг жуғрофий ҳудудидаги тоифами ёки чегара ортидаги тоифами бунинг фарқи йўқ.

Биз Ислом Умматига мансубмиз. На географикликни, миллийликни, ватанпарварликни, тоифачилигу мазҳабпарастликни билмайдиган Умматга мансубмиз ва Ливаннинг 73 йилдан бери анъанага айланиб келаётган ёлғон байрамини нишонлашни ўзимизга ҳам, бошқага ҳам ижозат бермаймиз.

Шунга кўра, Ливан тарихидаги энг муҳим бир ҳақиқатни эслатмоқни лозим топдик:

Бугун Ливан, дейилаётган бу юрт илгари йўқ эди, атиги 1920 йил ташкил топган, холос. Бу юрт мўминлар амири рошид халифа Умар ибн Хаттоб РА давридан бери, яъни 14 асрдан зиёд вақтдан буён Ислом диёрининг бир бўлагига айланган Шом ўлкасининг бир қисми бўлиб келди ва ҳамон шундай бўлиб турибди.

Аммо бошқа тарихий ҳақиқатлар ҳам борки, уларни тафсилоти билан айтишнинг ҳозир ўрни эмас, уни Ливан расмий мактабларидаги ҳар бир ўқувчи яхши билади. Бу қисқа ва аниқ қилиб айтганда Ливан мустамлакачилик ясаган давлат, деган ҳақиқатдир. Хусусан, бу юрт Франция-Британия ўртасида пайдо бўлди, (унинг халқаро, регионал ва манфур тоифачилик мувозанати билан тикланган юртлиги каттаю кичикка маълум). Ливанни Франция мандати ясади, дастурини ҳам французлар дастури каби тузиб, сайловларини ўз назоратига олди. Кейин Британия Ливан раҳбарларини бошқарди ва улар орқали мустақиллик эълон қилди… Кейин бу юрт саксонинчи йиллар ўрталарида қаттиқ уринишлардан сўнг Британиядан амалий равишда АҚШ қўлига ўтди. АҚШ бу юрт бошқарувини баъзан Мисрга, баъзан Сурияга ва ниҳоят Эронга топшириб, шулар орқали бошқариб келди.

Ливан ва бошқа ҳар қандай исломий юртлардаги миллий байрамлар мустамлакачи кофирнинг Умматнинг Исломий Халифалик давлати харобалари узра тиклаган давлатчалари байрамидир. Шунингдек Сайкс-Пико битими, Сан-Ремо битими каби қатор битимлар орқали ўрнатилган, шу орқали исломий юртлар бўлиб ташланган машъум чегаралар байрамидир. Умматнинг дастури ва унинг ишларини бошқарувчи ўзгармас асослари бўлган исломий шариатимиз четлатилиб, юртларимизга зўрлаб ўтказилган илмоний конституция байрамидир.

Бу байрам Аллоҳ Таоло

إِنَّمَا وَلِيُّكُمُ اللَّـهُ وَرَسُولُهُ وَالَّذِينَ آمَنُوا

«Сизларнинг дўстингиз Аллоҳ, Росули ва мўминлардир»                  [Моида 55]

дея ҳамда

إِنَّمَا الْمُؤْمِنُونَ إِخْوَةٌ

«Албатта мўминлар ака-укадирлар»                                            [Ҳужурот 10]

дея мўминларга фарз қилган дўстликни миллий дўстликка ўзгартириш байрамидир, яъни Сайкс-Пико каби мустамлакачи Европа давлатлари вакиллари чизиб берган сохта чегаралар андозасидаги миллийликка ўзгартирилган, демакки, албатта Аллоҳ ва Росулини ғазаблантирадиган байрамдир.

Ливандаги мусулмонларга, умуман, барча Ислом Умматига бунга ўхшаш қайғули тарихларни байрам қилиш ўрнига, мустамлакачилар ўрнатган картон давлатчаларни йўқ қилиб, Ислом давлатини барпо этиш вожиб. Ушбу рошид Халифалик давлати исломий ҳаётни қайта бошлайди, сохта чегараларни вайрон қилади, мусулмонларни бирлаштириб, ишларини Аллоҳ шариати билан бошқаради. Ана шунда, собиқ замонимизга, дунёдаги энг кучли давлатимизга қайтамиз ҳамда бутун дунёга ҳидоят улашиб, маданий етакчилик олиб борамиз.

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّـهِ

«Сизлар одамлар учун чиқарилган умматларнинг энг яхшиси бўлдингиз: маъруфга буюрасиз, мункардан қайтарасиз ва Аллоҳга имон келтирасиз» [Оли Имрон 110]

Ҳизб ут-Таҳрир                                                                        23 сафар 1438ҳ

Ливан вилояти                                                                        23 ноябр 2016м