Матбуот баёноти

Минави Америкага хушомад қилиб, буюк Ислом қўрғони бўлмиш Халифаликни барпо этишга ҳаракат қилаётганларни эътиборга олмаяпти

Франция пойтахти Парижда ўтказилган симпозиумда Судан Озодлик ҳаракати раиси Арко Минни Минави нутқ сўзлаб, кўп нарсаларни хабар қилди. Уларнинг асосийлари:

1 –Ҳарбий муассасани ислоҳ қилишга ва ягона ҳарбий муассаса қуришга чақирди.

2 –Ҳозир Суданда исломчилар қабилаларга ва минтақаларга тарқалиб кетди, юртда амалда ҳеч қандай сиёсий Ислом қолгани йўқ, деди.

3 –1956 йилги давлатимизнинг парчаланишига йўл қўймаймиз, чунки у аждодларимиз саъй-ҳаракати билан қурилган давлат, деди.

4 –Судан халқи тарафида тургани учун Америкага яна бир бор ташаккур билдиришини айтди.

Биз Ҳизб ут-Таҳрир – Судан вилояти аъзолари унинг нутқига нисбатан қуйидагиларни баён қиламиз:

Биринчи: ягона ҳарбий муассасани қуриш мусулмонлар зиммасидаги фарздир. Муассасанинг бурчи эса Аллоҳ Таоло йўлида жиҳод қилиш ва сарҳадларни мудофаа этишдан иборат. Исломда бугунги кунимиздек турли армияларнинг мавжуд бўлиши жоиз эмас. Минавининг ўзи давлат армиясидан ажралган бир армияга қўмондонлик қила туриб, «ягона ҳарбий муассаса қуришга» чақиряпти! Армияни ислоҳ қилиш армияни мустамлакачилар хоҳлаганидек миллий армияга айлантириш билан эмас, балки исломий армияга айлантириш билан бўлади.

Иккинчи: мамлакатда сиёсий Ислом йўқлиги ҳақидаги гаплар ҳақиқатдан узоқ. Сиёсий Ислом, яъни бошқарув, сиёсат ва Аллоҳнинг шариатини ер юзида татбиқ этишни назарда тутадиган Ислом Умматнинг орзусидир. Минави ҳам, унинг мустамлакачи кофир хўжайинлари ҳам Ҳизб ут-Таҳрирнинг Уммат орасида ва у билан биргаликда ҳаракат қилаётганини, унинг ҳаракати Пайғамбарлик минҳожи асосидаги иккинчи рошид Халифалик давлатини барпо этишдан иборат эканини яхши билади. Ушбу давлат Аллоҳ Субҳанаҳунинг ваъдаси ва Набий ﷺнинг башоратидир. Бироқ Минни Минави ва унинг ортидагилар худди Аллоҳ Субҳанаҳунинг қуйидаги каломини тасдиқламоқчи бўлгандек, ҳақиқатни яширишни истайдилар.

﴿يُرِيدُونَ أَن يُطۡفِ‍ُٔواْ نُورَ ٱللَّهِ بِأَفۡوَٰهِهِمۡ وَيَأۡبَى ٱللَّهُ إِلَّآ أَن يُتِمَّ نُورَهُۥ وَلَوۡ كَرِهَ ٱلۡكَٰفِرُونَ﴾

«Улар Аллоҳнинг нурини (яъни, Исломни) оғизлари (яъни, беҳуда гаплари) билан ўчирмоқчи бўладилар. Аллоҳ эса, гарчи (кофирлар) хоҳламаслар-да, фақат Ўз нурини тўла ёйишни истайди»   [Тавба 32]

Учинчи: Минавининг 1956 йил аждодларимиз саъй-ҳаракати билан қурилган деб айтган давлати, аслида, кофир инглизлар ясаган ва малайларига меърос қилиб қолдирган давлатдир. Юртимиздаги малайлар инглизларнинг куфр тузумини авайлаб-асраб, Стэнли Бейкер ёзиб берган конституция билан ҳукм юритишмоқда. Суданни ўша мустамлакачининг ўзи бизнинг қонимиздан бўлган ўз малайлари орқали парчаламоқчи. Кеча мустамлакачи кофир сохта тинчлик ниқоби остида Судан жанубини бўлиб ташлаган бўлса, бугун Суданнинг қолган қисмини ҳам парчалаб, ўзига юклатилган эски ва янги вазифаларни амалга оширадиган энг заиф майда давлатчаларга бўлиб ташлашни истаяпти. Албатта бу вазифалар мустамлакачининг меросини сақлаб қолиш ҳамда унинг назорат қилиш, таъсир ўтказиш ва бойликларни талон-торож қилиш истагини рўёбга чиқаришдан иборат.

Тўртинчи: Америкага Судан халқи тарафида турганлиги учун қайта ташаккур айтганига келсак, бу сиёсий иккиюзламачиликнинг бир туридир. Чунки доиравий келишувни йўққа чиқариш, сўнг инглизларнинг вакили бўлган фуқаролик сиёсатчиларни ҳамда қуролли кураш ҳаракатлари дейилаётган баъзи исёнчи ҳаракатларни (улардан бири Минни Минави ҳаракатидир) йўқ қилиш мақсадида Суданда уруш оловини ёққан айнан мана шу Америкадир.

Хулоса: Суданда бўлаётган кураш Америка ўрнига унинг вакиллари-малайлари олиб бораётган урушдир. Американи эса на Судан аҳлининг қирғин бўлаётгани ташвишлантиради, на номуслари топталаётгани, на моллари ва бойликлари таланаётгани. Балки унинг Судандаги Британия нуфузини йўқ қилишдан бошқа ғам-ташвиши йўқ. Бу уруш қочқинлик, кўчирилиш, очарчилик ва касалликлар даражасида Судан аҳлига қанчалик қимматга тушаётгани уни умуман қизиқтирмайди.

Судан устидаги бу курашни тўхтатишнинг ягона йўли Судан аҳли ўзларига қарши тил бириктирилаётганини англаб етиб, буни зарарсизлантиришга ҳаракат қилиш ва буюк Ислом қалъаси бўлмиш Пайғамбарлик минҳожи асосидаги иккинчи рошид Халифаликни барпо этиш учун ҳаракат қилаётган холис инсонлар билан биргаликда ҳаракат қилишдан иборатдир.

Иброҳим Усмон (Абу Халил)

Ҳизб ут-Таҳрирнинг Судан вилоятидаги расмий нотиғи