بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Мисрдаги қашшоқликка бойликнинг озлиги эмас, ҳокимлар хиёнати сабабчидир

Еттинчи кун сайти 2017 йил 28 апрелда шундай хабар тарқатди: «Рейтер ахборот агентлигига кўра, яҳуд вужуди электр компанияси Швецария суди Миср энергия компанияси тақдим этган даъво аризасини рад этганини тасдиқлади. Бошқа суд ҳукмига кўра яҳуд компанияси ярим миллиард доллар товон тўлаши керак бўлган.

Агентлик яна шундай қўшимча қилади: Яҳуд вужуди электр компанияси бугун тарқатган баёнотга кўра, Мисрнинг табиий газ етказиб берувчи холдинг компанияси ва Миср нефт идораси (исроил) электр станцияларини табиий газ билан таъминлаш ҳақидаги мажбуриятларини бажармаётганидан жавобгардир.

Роя газетаси шарҳи: Мисрнинг хоин ҳокимлари муборак Фаластин ерини босиб олган яҳуд вужуди билан алоқаларни яхшилаш билан чекланишмади. Балки уларнинг хиёнати яҳуд вужудини халқаро баҳодан паст баҳода Мисрдаги мусулмонлар гази билан таъминлашгача етиб борди. Улар Миср бойликлари озлигидан эмас, балки Сисий каби хоин ва жиноятчи ҳокимларининг хиёнати сабабли қашшоқлик ва камбағаллик аламини тотаётган Миср халқи ҳисобига яҳуд вужудини газ билан таъминлашмоқда. Бу ҳокимларнинг хиёнати шу даражага етдики, улар ўша машъум келишувга кўра яҳуд вужудига миллиардлаган долларларни товон сифатида тўлашгача етиб борди.

Миср аҳлига Ислом ва мусулмонларга душман бўлган бу хоин режимга қарши чиқиш вақти келди. Чунки бу режим яҳуд манфаатини ўз халқи манфаатидан устун қўймоқда ҳамда Миср халқига ёрдам беришдан кўра яҳудийларни рози қилишни муҳим деб ҳисобламоқда. Мисрнинг малай ҳокимлари мустамлакачи кофирга қарамликлари туфайли Кинона Мисрини жар ёқасига олиб келиб қўйишди. Миср аҳли малай режимни йўқ қилиш ва унинг ўрнига Пайғамбарлик минҳожи асосидаги рошид Халифаликни тиклаш орқали бу бахтсиз ҳаётдан халос бўлади. Улар шу нарсага ҳаракат қилишлари лозим.

Роя газетасининг 2017 йил 3 май чоршанба кунги 128-сонидан