Муаммоларни тўғри фикрлаш ҳал қилади

بِسْمِ اللهِ الرَّحْمٰنِ الرَّحِيم

Турмуш қийинчиликлари… Муаммолар… Етишмовчилик… Тирикчилик… Қора қозон… Булар бизнинг зеҳнимизда ўрнашиб, кўникмага айланиб қолган муаммоларнинг шакллари. Биз уларнинг қуршовидамиз ва тобора уларнинг сафи кенгайиб бормоқда. Денгиздаги кичкинагина қуруқликда жон сақлаётган инсонни кўз олдингизга келтиринг. Атрофидан тобора сув бостириб келаётгани, оёғи остидаги қуруқлик қисқариб бораётгани сари жонини сақлаш учун бор имкониятини ишга солиб ғужунак бўлаётган одамни тасаввур қилиб кўринг. Биз ҳаётий муаммоларимиз олдида шундай ҳолатга тушиб қолдик. Бунинг сабаби, турмуш қийинчилиги, кам меҳнат қилаётганимиз, кам пул топаётганимиз ёки нархларнинг қимматлиги эмас. Йўқ, асло. Бунинг сабаби, биз нотўғри фикрлай бошладик. Атрофимиздаги воқеа-ҳодисалар ҳақида мушоҳада қилмай уларга юзаки қарай бошладик. Бу қандай содир бўлди? Жуда оддий, бу дунё ҳаёти, турмуш тарзини қандай шакллантириш ҳақидаги фикрларни ботил ақидадан олишга интилиб, унга эргашдик. Бу ақида дунё ҳаёти ҳақидаги энг тўғри ечимларни бермаслиги борасида фикрламадик, аниқроғи фикрлай олмадик.

Фикрлай олмаслигимизга биргина сабаб бор, у ҳам бўлса дунё ҳаёти, турмуш тарзимизни тўғри шакллантириш ҳақидаги энг тўғри ечимларни берувчи Исломдан узоқлашдик. Исломнинг айни мабдаий жиҳатини, яъни ҳаётий муаммоларга энг тўғри ечим берувчи тузум экани ва у Яратувчи томонидан берилган илоҳий ақидадан келиб чиқишни англай олмай қолдик. Ва натижада ҳаётий муаммоларга Ислом ечим бера олмайди, деган хулосага келиб, уни ҳаётимиздан узоқлаштириб, ўзимиз каби ожиз инсон ақлининг маҳсули бўлган ботил ақидага эргаша бошладик. Айни шу дамдан бошлаб муаммолар гирдобига ғарқ бўлдик. Чунки биз эргашаётган ботил ақида муаммога ечимни мавжуд воқеликни ўзидан излашга мажбур қилади. Натижада бир муаммони ҳал қилишга уринишимиз ёки уринмаслигимизнинг фарқи бўлмаяпти, яна муаммо келиб чиқмоқда. Гўёки боши берк кўчага кириб қолиб у ердан чиқиш йўлини қидириш ўрнига бошимизни деворга ураётганга ўхшаймиз.

Бу бугунги кунимизнинг воқелиги ва айни ҳақиқат. Агар ишонмасангиз ҳаётингиздаги исталган бир муаммонинг воқесини ўрганиб, уни қандай ҳал қилинаётгани хусусида фикрлаб кўрайлик. Айнан юқоридаги ҳолатга тушаверамиз.

Биз Исломни ҳаётимиздан узоқлаштириш туфайли шундай абгор аҳволга тушдик, демак, бу ҳолатдан қутулишнинг ягона йўли Исломни ҳаётимизга қайтаришдир. Бундан бошқа йўл йўқ. Бизнинг олдимизда икки йўл турибди, ботил ақидага эргашиб, худдики денгиз сувидек ҳар томондан ёпирилиб келаётган муаммолар гирдобида ожизу нотавон ҳолда қолиш ёки бу ҳолатдан қутулиш йўлини танлаш. Яъни ҳаётий муаммоларимизни ҳал қилиш ҳақида фикрлаётганимизда Исломни асос қилиш.

Ҳизб ут-Таҳрирнинг Ўзбекистондаги медиа офиси. Салоҳиддин

13.05.2020й