بِسْمِ اللهِ الرَّحْمنِ الرَّحِيمِ

Мўъминликка лойиқмизми?

Биз мусулмонмиз дея қалбимизни хотиржам қиламиз, лекин ўйлаб кўриб, фикр юритайликчи, биз мусулмонликка лойиқмизми?! Бизнинг бу тўғрида сўз очишимиздан мақсад атрофимизда содир бўлаётган воқеа ва ходисаларга жуда ҳам бефарқлигимиз, масъулиятсизлигимиз сабаб бўлди. Ислом тарихига кўп марта мурожаат қиламиз, шу мисолларда мусулмон умматининг ибрат олинадиган шахслари томонидан уммат ишларида жуда эътиборли бўлганлигини ва умматнинг манфаатини, хотиржамлигини ўзининг манфаати ва хотиржамлигидан устун қўйиб харакат қилганлигини гувохи бўламиз. Булар шунинг учун мусулмон умматининг ибратланадиган тарихий шахсларига айландилар.

Биз мусулмонлар мана шундай ибратли мўъминлардан ўрнак олиб харакат қилишимиз ва яшашимиз керак эмасмиди?! Мусулмонлар бир бирларини биродар деб билиб, ўзлари нимани яхши кўрсалар шуни биродарларига раво кўришлари керак эмасмиди?! Яна ўйлаб кўрайлик бизлар мусулмон, мўминликка лойиқмизми???  

Агар ўзимизни хақиқий мусулмонликка лойиқ деб билсак атрофимизга чин мўъминлик фаросати билан назар ташлайлик ва ўзимизнинг қилаётган ишларимизга холис бахо берайлик.  

Қашкадарё вилоятининг Ғузор туманида МХХ томонидан муслима аёлларни кўчада, бозорда рўмол ўраб юришлари тақиқлаб қўйилди. Аёллардан кўчада жамоат жойларда “рўмол ўрамайман” – деган тилхат ёздириб олинмоқда. Ўша ерда бўлган аёлнинг айтишича: “Сора исмли, эри қамоқда ўтирган аёл, қизининг рўмолини ечиб олмоқчи бўлишганда қизига: “сабр қил қизим, оз қолди барчаси тугайди”” – деган. Унинг бу гаплари тузум малайларининг ғазабини келтириб бошқа хонага олиб чиқишган. Яна бир туманда эри турмада вафот этган аёл бор экан. У пишириқлар пишириб бозорда сотар экан. Уни ҳам бозорларда рўмолда юришини тақиқлашибди. У хозирги кунда асосий иқтисодий фаолият манбасидан айрилганлиги учун оиласи қийналиб яшамоқда. Айтишларича шу аёлни қизи мактабда рўмол ўрар экан. Отаси вафотидан сўнг уни рўмолини мажбур ечмокчи бўлишган, қиз бош тортгач уни “Милицияга олиб борамиз” – деб судрашган. Қиз қаттиқ қўрққаниданми ёки бошқа сабабми шу ерда оёқлари ишламай қолган. Шундан буён қиз мактабга бораолмас экан.  

Сурхондарё вилоятининг Шўрчи туманида яшайдиган муслима қиз шу вилоятнинг Қумқўрғон туманида яшаган хозирда қамоқда ўтирган йигитга турмушга чиққан. Тўйлари Навоийдаги зонада бўлган. Муслиманинг отаси ва акаси кўп йиллардан бери қамоқда бўлиб уларга кетма-кет муддат қўшиб берилган. Куёвнинг ҳам акаси қамоқда бўлиб онаси эса Ҳизб ут-Таҳрир аъзоси сифатида гумонланиб, куфр тузуми зиндонида муддатини ўтаб озодликка чиққан. Бу оиланинг фарзандига, қамоқда ўтирган бўлса ҳам, бир муслима қизнинг ўз ихтиёри билан зонага турмушга чиқиши куфрнинг малайларига ёқмаган. Хозирда шу келин бир фарзандли бўлибди ҳамки, қизни куёвнинг уйи жойлашган ҚФЙ томонидан сунъий тўсиқлар қўйилиб муслимани шу хонадоннинг Уй дафтарига киритишга рухсат бермаган. Уларнинг айтишича бу нарса қизнинг зонага турмушга чиққанини қўллаб-қувватлаш хисобланиб улар жазоланиши мумкин экан. Хатто кўп марта огохлантиришлардан сўнг яқинда масъул шахслар ана шу келин билан уни боласини келинлик уйидан чиқариб юборишди. У хозир онасини уйида яшамоқда.

Биродарлар биз сизга хавола қилган бу маълумотлар, Ўзбекистонда одатий холга айланган, мухитнинг бундай ифлосланишига албатта куфрий тузумнинг хизматлари сабаб бўлди. Мусулмонлар эса мана шу мухитдан таъсирланиб ўз динларининг асл мохиятини унутдилар. Бунинг натижасида сахобаларнинг хаётини эртак, афсоналардек қабул қиладиган бўлиб қолдилар. Ўз биродарларимизга қилинаётган тазйиқлар, тақиқларга эътиборсизлик билан қараб кофир қўйган тухмат ва бўхтонларга ишондик. Аллоҳ учун биродарларимизни яхши кўришни, шаръий амалларга тўсиқ бўладиган кофирдан нафратланишни унутдик. Фақат ўзимизни ўйлайдиган бўлиб қолдик.

Хозирги хорликларимизнинг барчаси Аллоҳнинг хукмлари билан яшамаётганлигимизнинг оқибатидир, хатто Исломий яшаш қандай бўлишлигини ҳам билмаймиз.  

Асл мўъминлардек яшашлигимиз учун, бизларга Аллоҳнинг розилигига эришишлик йўлида харакат қилишимизга имконият яратиб берадиган Исломий Давлатни қуришимиз керак. Бу йўлда мусулмонлар биргалашиб, ўз биродарларимизни куфрдан химоя қилайлик.

Ҳизб ут-Таҳрирнинг Ўзбекистондаги медиа офиси Абдуллоҳ

09.04.2014й.